វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4230 នាក់
ម្សិលមិញ 6359 នាក់
សរុប 14090863 នាក់
ខេត្តតាកែវៈ មានការភ្ញាក់ផ្អើល និងចាប់អារម្មណ៍ ក្រោយពីឃើញ ហ្វេសប៊ុកមួយឈ្មោះ Oem Chanthy បានបង្ហោះរូបភាពជាច្រើនសន្លឹក នៃពិធីមង្គលការកូនភ្លោះស្រីពីរនាក់បងប្អូនដែល បានចូលរោងការក្នុងថ្ងៃតែមួយ កាលពីថ្ងៃ សុក្រ ៤រោច ខែកត្តិក ឆ្នាំ កុរ ឯកស័ក ព.ស.២៥៦៣. ត្រូវនឹងថ្ងៃទី ១៥ ខែវិច្ឆិកា ឆ្នាំ ២០១៩ ដែលចាត់ទុកថាជារឿង កម្របានជួបណាស់ នៅស្រុកខ្មែរ ។
ហ្វេសប៊ុកឈ្មោះ Oem Chanthy បានភ្ជាប់សារខ្លីមួយផងដែរថា កូនភ្លោះស្រីទាំងពីរនាក់ បានរៀបការក្នុងថ្ងៃតែមួយ និងរោងតែមួយ នៅភូមិត្រពាំងរាំង ឃុំស្នោ ស្រុកព្រៃកប្បាស ខេត្តតាកែវយើងហ្នឹង។ ខ្ញុំ ជូនពរប្អូនទាំង៤ សូមមានសុភមង្គល ពេញ១ជីវិត ។ទោះមិនបានបញ្ជាក់ពីអត្តសញ្ញាណ កូនកំលោះ និងកូនក្រមុំជាកូនភ្លោះ ពីរគូនេះយ៉ាងណាក៏ដោយ ម្ចាស់ហ្វេសប៊ុក បានបង្ហាញរូបថតស្តីពីការៀបអាពាហ៍ពិពាហ៍របស់គេទាំង៤នាក់ មានភាពអធិកអធម ដោយមានភ្ញៀវចូលរួមយ៉ាងច្រើនកុះករ ។
ពិធីរៀបការកូនភ្លោះក្នុងថ្ងៃតែមួយ រោងការតែមួយបែបនេះធ្វើឲ្យមហាជនជាច្រើនសម្តែងការអបអរសាទរ ជាមួយភាពភ្ញាក់ផ្អើលផងដែរ ព្រោះកម្រឃើញ ។ មានអ្នកខ្លះទៀត បានចូល comment ក្នុងហ្វេសប៊ុកជូនពរឲ្យអ្នកទាំង៤ជួបប្រទះតែសំណាងល្អ និងសុភមង្គលជារៀងរហូត ជាពិសេសបើមានបុត្រ សូមមានបុត្រទាំងអស់គ្នាកុំបីខានផងដែរ ៕