វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 128 នាក់
ម្សិលមិញ 4140 នាក់
សរុប 14162518 នាក់
ភ្នំពេញ៖តារាសម្ដែង និងជាតារាចម្រៀង លោក រតន: វិសិដ្ឋ កាលពីយប់ថ្ងៃទី២២ កុម្ភបានប្រារព្ធធ្វើខួបកំណើតធំនៅម្ដុំទួលគោក ដោយមានតារាសិល្ប:កុះករចូលរួមអបអរដែលបង្ហាញថាឆ្នាំនេះរាសីឡើងគួសមទាំងការងារ និងរូបសម្រស់តែម្ដង។
ជាក់ស្តែងក្រៅពីមានកិច្ចការចេញច្រៀងស្ទើររកពេលសម្រាកមិនបាន ក្នុងក្រុមលោក យ៉ែម សំអូន និងការងារច្រៀងជាឯកជន លោក រតន: វិសិដ្ឋ ក៏ទើបតែបានតំណែង ជាពិធីករក្នុងកម្មវិធី”រាត្រីពណ៍ស្វាយ” របស់ទូរទស្សន៍បាយ័ន និងបានតំណែងជាពិធីករក្នុងការប្រគំតន្ត្រីខេត្តក្រុងរាប់មិនអស់ រាប់ទាំងការងារថតម៉ូដ សម្ដែង និងដើរម៉ូដ ក៏ក្រសោបបានសុទ្ធតែកម្មវិធីធំៗ ។
មូលហេតុលោក រតន: វិសិដ្ឋ ត្រូវមហាជនទទួលស្គាល់ថា មានសម្រស់ដងខ្លួន និងផ្ទៃមុខទាក់ទាញជាងមុន បន្ទាប់ពីលោកសកម្មនឹងការហាត់ប្រាណ ហើយការប្រើប្រាស់ផលិតផលថែរក្សារូបសម្រស់ ។ ទោះជាបានផ្លុំនំអបអរការកើនអាយុមួយឆ្នាំទៀត ប៉ុន្តែលោករតន: វិសិដ្ឋ កាន់តែសង្ហារទាក់ភ្នែក ដោយម៉ូដសក់ពុះចំហៀង និងស្ទីលវ៉ែនតាចុងក្រោយរបស់លោក គឺធ្វើលោកក្មេងជាងមុខចង់១០ឆ្នាំ មុខមាត់របស់លោក ក៏កាន់តែដូចតារាកូនកាត់កូរ៉េខ្លាំងទៅៗ។
ដោយអះអាងថា នៅក្នុងឆ្នាំ២០១៩នេះមានរាសីជាងមុន ជាពិសេសការងារធំៗរត់ចូលដូចព្យុះ ទើបលោកសប្បាយចិត្ត ហើយធ្វើខួបឡើងធំ ដើម្បីជួបជុំអ្នកសិល្ប:។ លោក រតន: វិសិដ្ឋ ថាពិធីខួបជាទ្រង់ទ្រាយធំនេះ ខានធ្វើយូរដែរមកហើយ អ៊ីចឹងហើយ ទើបលោកសប្បាយចិត្ត នៅពេលដែលភ្ញៀវកុះករមកចូលរួមក្នុងពិធីខួបរបស់លោក សូម្បីតែភ្ញៀវមួយចំនួន គឺលោកឆាតអញ្ជើញធម្មតា មិនទាំងមានសំបុត្រថតផ្ញើជូនផង។