វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5841 នាក់
ម្សិលមិញ 5304 នាក់
សរុប 14145367 នាក់
ភ្នំពេញ៖ យុវជន៣នាក់ពេលជិះម៉ូតូចេញពីកន្លែងផឹកស៊ីបំណងទៅកន្លែងស្នាក់នៅវិញស្រាប់តែមានក្រុមក្មេងទំនើងមួយក្រុមមានគ្នា៦ទៅ៧នាក់ប្រដាប់ដោយកាំបិតប៉័ងតោនិងដាវដេញកាប់បណ្តាលឱ្យរងរបួសធ្ងន់ម្នាក់កាលពីវេលាម៉ោង០១និង២២នាទីរំលងអធ្រាត្រឈានចូលថ្ងៃទី១៨ខែ ធ្នូ ឆ្នាំ២០២២ នៅលើកំណាត់ផ្លូវជាតិលេខ៣ មុខបុរីលនស៊ីធី ភូមិព្រៃព្រីងត្បូងទី១ សង្កាត់ចោមចៅទី២ ខណ្ខពោធិ៍សែនជ័យ រាជធានីភ្នំពេញដោយគ្មានខ្លាចញញើតសមត្តកិច្ចអីតិចសោះ។
ជនរងគ្រោះឈ្មោះ ឈាន ថៃ អាយុ១៨ឆ្នាំ មុខរបរកម្មករសំណង់ ស្នាក់នៅក្នុងបុរីលនស៊ីធី ភូមិព្រៃព្រីងទី១ សង្កាត់ចោមចៅ២ ខណ្ខពោធិសែនជ័យ រាជធានីភ្នំពេញ រងរបួសផ្នែកកនិងឆ្អឹងខ្នង។សេចក្តីរាយការណ៍ឱ្យដឹងថា មុនពេលកើតហេតុជនរងគ្រោះមានគ្នា៣នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1JS- 4108ចេញពីកន្លែងផឹកស៊ីមួយកន្លែងបំណងទៅការដ្ឋានសំណង់ស្នាក់នៅវិញ។ ពេលធ្វើដំណើរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជើង ខណៈមកដល់ចំណុចមុខវត្តព្រៃស្ពឺឃើញមានក្រុមក្មេងទំនើងមួយក្រុមជិះម៉ូតូ៣គ្រឿងមានគ្នា៦ទៅ៧នាក់ ហើយក៏បានជិះវ៉ាទៅមុខទៀតផុតទៅ។ ស្រាប់តែក្រុមក្មេងទំនើងទាំងនោះប្រដាប់ដោយកាំបិតប៉័ងតោនិងដាវបានបើកម៉ូតូដេញកាប់ដោយចោទថាក្រុមជនរងគ្រោះមើលមុខឌឺគេពេក បណ្តាលឱ្យយុវជនម្នាក់រងរបួសធ្ងន់ ចំណែក២នាក់ទៀតរត់គេចរួចខ្លួនទាន់។ក្រោយកើតហេតុក្មេងទំនើងទាំងនោះគេចខ្លួនបាត់ដោយសុវត្ថិភាពទៅ ចំណែកជនរងគ្រោះត្រូវបានរថយន្តកងសង្គ្រោះ៧១១ នៃកងពលតូចលេខ៧០ ដឹកយកទៅសង្គ្រោះនៅមន្ទីរពេទ្យភ្លាមៗផងដែរ។មិនដឹងថាតើសមត្តកិច្ចខណ្ឌពោធិសែនជ័យមានសមត្តភាពអាចបង្ក្រាបពួកក្មេងទំនើងដែលបង្កបញ្ហាបានដែរឬអត់ន៉ោះទេ?។