វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2850 នាក់
ម្សិលមិញ 4292 នាក់
សរុប 14112549 នាក់
បន្ទាយមានជ័យ÷ កាលពីថ្ងៃទី ២៣ខែតុលាឆ្នាំ២០២១ សមត្ថកិច្ចបានបកស្បែកជនជាតិ ចិន២នាក់ពាក់ព័ន្ធនិងករណីបង្ខាំងមនុស្សខុសច្បាប់ក្នុងបុរីសានស៊ានហូ ក្នុងនោះសមត្ថកិច្ចបានរំដោះបានជនរងគ្រោះចំនួន១៤នាក់ជាជនជាតិថៃបានដោយសុវត្ថិភាព ។
សេចក្តីរាយការណ៍បានឲ្យដឹងទៀតថា កាលពីថ្ងៃទី១៨ខែតុលាឆ្នាំ២០២១ សមត្ថកិច្ចនគរបាលក្រុងប៉ោយប៉ែតបានទទួលពាក្យបណ្តឹងជនជាតិខ្មែរ២នាក់ត្រូវបានក្រុមឧក្រិដ្ឋជនជនជាតិចិន ចាប់វាយខ្នោះ រួចបង្ហោះឲ្យជនជាតិ បង់ក្លាដេសផ្ញើប្រាក់ម្នាក់១០០០$ជាថ្នូរនិងការដោះលែងជនជាតិខ្មែរ២នាក់នោះឲ្យមានសេរីភាព ។សេចក្តីរាយការណ៍បានបន្តទៀតថាជនជាតិបង់ក្លាដេស២នាក់នោះមានលំនៅដ្ឋានឯរាជធានីភ្នំពេញពួកគេជាអ្នកស្វែងរកបុគ្គលិកឲ្យជនជាតិចិន នៅបុរីសានស៊ានហូ ឯក្រុងប៉ោយប៉ែត ខេត្តបន្ទាយមានជ័យ ។
ក្រោយពីនាំខ្លួនជនជាតិ បង់ក្លាដេសបានហើយនៅថ្ងៃទី២៣តុលា២០២១ សមត្ថកិច្ចបើកការបង្ក្រាបលើជនជាតិចិនចំនួន២នាក់ និងរំដោះបានជនជាតិថៃចំនួន១៤នាក់ដែលពួកវាបានបង្ខាំងទុកនៅក្នុងបុរីសាស៊ានហូ ស្ថិតក្នុងភូមិគីឡូម៉ែត្រ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
សូមរំលឹកថា÷កាលពីថ្ងៃទី០៩ខែកញ្ញា២០២១កន្លងទៅ ស្ត្រីជនជាតិថៃ ម្នាក់ត្រូវបានគេលស់ចេញពីក្រុមសង្គមងងិតជនជាតិចិននោះម្តងរួចមកហើយ អស់ទឹកប្រាក់ចំនួន២៥០០០បាតប្រាក់ថៃ ប៉ុន្តែសមត្ថកិច្ចមិនបើកការស៊ើបអង្កេតទេ ព្រោះខ្លាចអំណាចម្ចាស់បុរី ដែលមានឥទ្ធិពលខ្លាំង នៅអាណាចក្រប៉ោយប៉ែតនោះ ។