វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4919 នាក់
ម្សិលមិញ 5304 នាក់
សរុប 14144445 នាក់
ភ្នំពេញ៖ សំណុំរឿងគ្រោះថ្នាក់ចរាចរណ៍នៅលើស្ពានជ្រោយចង្វារ ដែលបណ្តាលឱ្យទារកអាយុ ៦០ថ្ងៃម្នាក់បានស្លាប់នោះ ត្រូវបានបញ្ជូនទៅដល់អយ្យការអមសាលាដំបូងរាជធានីភ្នំពេញហើយ នៅព្រឹកថ្ងៃទី១២ ខែធ្នូ ឆ្នាំ២០២២ ដើម្បើបើកការស៊ើបអង្កេត។ នេះបើយោងតាមការឱ្យដឹងពី លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ។សំណុំរឿងនេះត្រូវបានបញ្ជូនមកកាន់សាលាដំបូងរាជធានីភ្នំពេញនៅថ្ងៃទី ៩ខែធ្នូ ឆ្នាំ២០២២ ហើយតំណាងអយ្យការបានស៊ើបអង្កេតលើសំណុំរឿងនេះរួចរាល់ហើយ នៅឡើយតែម្ចាស់រថយន្តដែលជាជនបង្កមិនទាន់បញ្ជូនខ្លួនមកកាន់សាលាដំបូងនៅឡើយនោះទេ។បានសេចក្តីថាបញ្ជូនតែក្រដាសគ្មានមនុស្ស!មានន័យថាជនបង្កមានបង្អែករឹងមាំ។
សូមបញ្ជាក់ថា កាលពីម៉ោង ២អធ្រាត្រ ថ្ងៃទី៥ ខែធ្នូ ឆ្នាំ២០២២ រថយន្តមួយគ្រឿងម៉ាក បើកបរដោយបុរសម្នាក់ ក្នុងល្បឿនលឿនឆ្លងកាត់ស្ពានជ្រោយចង្វា ក្នុងទិសដៅពីលិចទៅកើត បុកម៉ូតូ ពេញទំហឹងបណ្តាលឱ្យមនុស្សចាស់ និង ទារកអាយុ៦០ថ្ងៃខ្ទាត និងកំពុងជួយសង្គ្រោះ។ ជនបង្កត្រូវសមត្ថកិច្ចឃាត់ បញ្ជូនទៅប៉ុស្តិ៍ភ្លាមៗ រីឯរថយន្ត ត្រូវបានជនមិនស្គាល់មុខ វាយបំបែកកញ្ចក់ទាំងកំហឹង។សមត្ថកិច្ចបញ្ជាក់ថា, ភាគីរថយន្តម៉ាក ជាជនបង្ក ៖ LEXUS NX200t ពណ៌ស ពាក់ផ្លាកលេខ ភ្នំពេញ 2BB-9989 បើកបរដោយឈ្មោះ សោម ណូរីទីឃា ភេទប្រុស អាយុ១៩ឆ្នាំ មានទីលំនៅផ្ទះលេខ៥៣ ផ្លូវកែវចិន្តា ភូមិ៣ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ (ឃាត់ខ្លួនកាលពីថ្ងៃ០៥ ខែធ្នូ ឆ្នាំ២០២២)។
ភាគីម៉ូតូម៉ាក ជាជនរងគ្រោះ ៖ HONDA SCOOPY ពណ៌ស ពាក់ផ្លាកលេខ កណ្តាល 1B-9978 បើកបរដោយឈ្មោះ ហុង រត្នថា ហៅស្វិត ភេទប្រុស អាយុ៣៣ឆ្នាំ មុខរបររើសអេតចាយ (រងរបួស ធ្ងន់សម្រាកព្យាបាលនៅមន្ទីរពេទ្យមិត្តភាពកម្ពុជា-ចិនព្រះកុសុមៈ) រួមដំណើរជាមួយ មានគ្នា០២នាក់ទី១-ឈ្មោះ មុច សុខឡេង ភេទប្រុស អាយុ៦០ថ្ងៃ (រងរបួសធ្ងន់កំពុងសម្រាកព្យាបាលនៅមន្ទីរពេទ្យគន្ធបុប្ផា) និងទី២-ឈ្មោះ មុច ស្រីល័ក្ខ ភេទស្រី អាយុ៣១ឆ្នាំ មុខរបរ រើសអេតចាយ (រងរបួសធ្ងន់សម្រាកព្យាបាលនៅគ្លីនិកពន្លឺ) អ្នកទាំងបីស្នាក់នៅផ្ទះជួលលេខ២២៥ ផ្លូវលេខ៨៦ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។
ភាគីរងគ្រោះមានទារកអាយុទើបតែ ៦០ថ្ងៃដែលត្រូវបានយកទៅសង្គ្រោះនៅមន្ទីរពេទ្យគន្ធៈបុប្ផា រាជធានីភ្នំពេញ អស់ជាច្រើថ្ងៃរួចមក នៅតែមិនអាចជួយសង្គ្រោះបាន ដែលទើបតែស្លាប់កាលពីយប់ថ្ងៃទី១១ ខែធ្នូ ឆ្នាំ២០២២។ សពទារករងគ្រោះ ត្រូវបានសាច់ញាតិយកទៅតម្កល់នៅវត្តទួលសង្កែ ស្ថិតក្នុងខណ្ឌឫស្សីកែវ រាជធានីភ្នំពេញ ដើម្បីឱ្យក្រុមគ្រួសារ សាច់ញាតិ ធ្វើបុណ្យកុសលតាមប្រពៃណី។ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី ១១ ខែធ្នូ ឆ្នាំ២០២២នេះ បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី ចុះសួរសុខទុក្ខ និងនាំយកថវិកា ៥លានរៀល ព្រមទាំងផ្លែឈើមួយកន្ត្រក ជូនលោកយាយ ដែលកំពុងមើលថែទារកអាយុប្រមាណ៣ខែ ដែលរងរបួសធ្ងន់ធ្ងរក្នុងគ្រោះថ្នាក់ចរាចរណ៍លើស្ពានជ្រោយចង្វារកាលពីថ្ងៃទី៥ ខែធ្នូ ឆ្នាំ២០២២ ហើយបច្ចុប្បន្នកំពុងសង្គ្រោះបន្ទាន់នៅមន្ទីរពេទ្យគន្ធបុប្ផាវត្តភ្នំ រាជធានីភ្នំពេញ។ចំណែកម្ដាយទារកកំពុងសម្រាកព្យាបាលនៅមន្ទីរពេទ្យ និងបុរសម្នាក់ទៀត ដែលជិះម៉ូតូឌុបម្ដាយ និងកូន ក៏កំពុងសម្រាកនៅមន្ទីរពេទ្យដោយសារស្ថានភាពរបួសធ្ងន់ធ្ងរ។ក្រៅសម្តេចកិត្តិព្រិទ្ធបណ្ឌឹតមានសប្បុរសជនជាច្រើនបានជួយឧបត្ថម្ភថវិកាផងដែរ៕