វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3319 នាក់
ម្សិលមិញ 10264 នាក់
សរុប 14142501 នាក់
តៃវ៉ាន់៖ រដ្ឋាភិបាលទីក្រុងប៉េកាំង នៅថ្ងៃទី២៥វិច្ឆិកា បានសម្ដែងស្វាគមន៍យ៉ាងកក់ក្ដៅ ចំពោះការបរាជ័យរបស់គណបក្សប្រជាធិបតេយ្យជឿនលឿន Democratic Progressive Party (DPP) ដែលជាគណបក្សកាន់ អំណាចតៃវ៉ាន់បច្ចុប្បន្ន នៅក្នុងការបោះឆ្នោតថ្នាក់តំបន់កាលពីថ្ងៃសៅរ៍ ដោយចាត់ ទុកថានេះជាអ្វីដែល ប្រជាជនតៃវ៉ាន់ចង់បានទំនាក់ទំនងសន្តិភាពជាមួយចិន។
ការិយាល័យចិនដីគោកទទួលបន្ទុកកិច្ចការតៃវ៉ាន់នៅក្នុងសេចក្ដីថ្លែងការណ៍របស់ខ្លួនបញ្ជាក់ថា៖«លទ្ធផលបោះឆ្នោតនៅពេលនេះ បានបង្ហាញយ៉ាងច្បាស់ថាប្រជាជនតៃវ៉ាន់ចង់បានទំនាក់ទំនងសន្តិភាព និងចែករំលែកផលប្រយោជន៍នៃការអភិវឌ្ឍទំនាក់ទំនងជាមួយចិន...»។
ទីភ្នាក់ងារសារព័ត៌មាន Reuters នៅថ្ងៃអាទិត្យ ទី២៥ ខែវិច្ឆិកា ឆ្នាំ២០១៨បានឲ្យដឹងថា៖បរាជ័យរបស់គណបក្សប្រជាធិបតេយ្យជឿនលឿន ឬ Democratic Progressive Party (DPP) ដែលជាអ្នកគាំទ្រការ ទាមទារឯករាជ្យ និងផ្ដាច់ខ្លួនពីចិនដីគោក ក៏បានបង្ខំឱ្យប្រធានាធិបតីតៃវ៉ាន់ លោកស្រីសៃអ៊ីវ៉ឹន( Tsai Ing-wen) លាលែងពីតំណែងជា ប្រធានបក្ស DPP ដើម្បីបង្ហាញពីការទទួលខុសត្រូវផងដែរតែបានអះអះអាងថានឹងមិនបោះបង់ចោលគោលលជំហរការពារសេរីភាពនិងអធិបតេតេយ្យភាពទឹកដីឡើយ។
គណបក្ស DPP បានគ្រប់គ្រងទីក្រុងតែចំនួន០៦ប៉ុណ្ណោះ ក្នុងចំណោម ទីក្រុងទាំងអស់នៃកោះតៃវ៉ាន់ បើប្រៀបធៀបទៅនឹងគណបក្សគួកមិនតាង( Kuomintang )ដែលជាគណបក្សមានទំនាក់ទំនងល្អជាមួយចិនដីគោកបានគ្រប់គ្រង ទីក្រុងចំនួន១៥ ក្រោយការបោះឆ្នោតថ្នាក់តំបន់។
គួរបញ្ជាក់ថា ចាប់តាំងពីលោកស្រី សៃអ៊ីវ៉ឹន(Tsai Ing-wen )ឡើងកាន់អំណាចជាប្រធានាធិបតីតៃវ៉ាន់ កាលពីឆ្នាំ២០១៦មក ទំនាក់ទំនង រវាងកោះតៃវ៉ាន់ដែលស្និទជាមួយអាមេរិក និងចិនដីគោក មានភាពតានតឹងយ៉ាងខ្លាំង ដោយសារតែគោលជំហរចង់បានឯករាជ្យពីចិនរបស់លោកស្រី បើទោះជា ទីក្រុងប៉េកាំង ព្រមានម្ដងហើយម្ដងទៀតពីការប្រើប្រាស់កម្លាំងយោធាវាយយកកោះតៃវ៉ាន់ក៏ដោយ៕