វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 999 នាក់
ម្សិលមិញ 6677 នាក់
សរុប 14148575 នាក់
ភ្នំពេញ ៖ នៅព្រឹកថ្ងៃទី១នេះ មានបេក្ខជនអវត្តមានចំនួន ២.២៦៤ នាក់ ក្នុងនោះមានស្រីចំនួន១.០០៤នាក់ ដែលស្មើនឹង ១,៧៧%នៃចំនួនបេក្ខជនសរុប និង បេក្ខជន១៧នាក់ដែលមានបញ្ហាសុខភាព ដែលក្នុងនោះមានម្នាក់សង្ស័យវិជ្ជមានជំងឺកូវីដ-១៩។
ទាក់ទងដំណើការប្រឡងក្រសួងអប់រំបានឲ្យដឹថា នៅតាមមណ្ឌលប្រឡងនីមួយៗ មានដំណើរការល្អមានសភាពស្ងប់ស្ងាត់ និងរបៀបរៀប រយល្អ អនុវត្តតាមសេចក្ដីណែនាំប្រតិបត្តិរបស់ក្រសួងអប់រំ យុវជន និងកីឡា ដោយមានការចិត្តយកទុកដាក់ និងទំនួលខុសត្រូវខ្ពស់ពីគណៈមេប្រយោគទូទាំងប្រទេស គណៈអប្បមាទទូទាំងប្រទេស ជំនួយការអប្បមាទ ប្រធាន អនុប្រធានមណ្ឌល គណៈកម្មាការកណ្ដាល គណៈកម្មាការត្រួតពិនិត្យអគារ គណៈកម្មការអនុរក្ស ដោយមានការចូលរួមសហការណ៍ដោយ សហភាពសហព័ន្ធយុវជនកម្ពុជា អង្គភាពប្រឆាំអំពើពុករលួយ និងអាជ្ញាធរមានសមត្ថកិច្ចពាក់ព័ន្ធ។សម្រាប់ឆ្នាំសិក្សានេះមានបេក្ខជនសរុបចំនួន១២៨.១៣៥នាក់ ស្រី៦៨.៧៧១នាក់។មាន២២១ មណ្ឌលប្រឡងដែលត្រូវជា ៥.១៧៤បន្ទប់ និងមានការចូលរួមដោយគណៈមេ ប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន១ម៉ឺន៧ពាន់ ២៤០ នាក់ ជំនួយការអប្បមាទដែលជាគរុសិស្ស និងគរុនិស្សិត ចំនួន២.៧៥៦ នាក់។ អង្គភាពប្រឆាំងអំពើពុករលួយ បានឯកភាពចូលរួមសង្កេតការណ៍ ដោយបានចាត់ថ្នាក់ដឹកនាំ និងមន្ត្រីចំនួន៣៥០នាក់ និងអ្នកសង្កេតការណ៍រាជធានី ខេត្តចំនួន២.៧០០នាក់។
ទាក់ទងការប្រឡបាក់ឌុបនេះដែរលោក ហ៊ុន ម៉ានីតំណាងរាស្ត្រនិងជាជាប្រធានសហភាពសពន្ធ័យុវជនកម្ពុជា(ស.ស.យ.ក)តាមរយៈសំណេរនៅលើហ្វេសប៊ុកនៅព្រឹកថ្ងៃទី០៥ ខែធ្នូ ចំពេលថ្ងៃដំបូង នៃការប្រឡងបាក់ឌុប ឆ្នាំ២០២២ បានបដិសេធដាច់អហង្ការ ចំពោះការចោទថា លោកបានបញ្ជាឲ្យគេរៀបចំបញ្ជីឈ្មោះសិស្សប្រឡងបាក់ឌុប ដែលជាសមាជិកសហភាពសហព័ន្ធយុវជនកម្ពុជា (ស.ស.យ.ក)របស់លោកទៅកាន់ក្រសួងអប់រំ ។ ការបដិសេធនេះគឺបន្ទាប់ពីលោក គឹម សុខ អ្នកវិភាគនយោបាយនៅក្រៅប្រទេស បានថ្លែងថា លោកទទួលបានព័ត៌មានពីគ្រូបង្រៀន នាយក និងនាយករង វិទ្យាល័យមួយចំនួនថា លោក ហ៊ុន ម៉ានី បញ្ជាឲ្យគេស្រង់ឈ្មោះ សិស្សថ្នាក់ទី១២ ដែលជា សមាជិក ស.ស.យ.ក. បញ្ជូនទៅក្រសួងអប់រំ ដើម្បីជាប់បាក់ឌុប។លោក ហ៊ុន ម៉ានី ចាត់ទុកការលើកឡើងនេះថាជា«ក្រុមអគតិទុច្ចរិត»។
បើតាមលោក ហ៊ុន ម៉ានី គឺមិនមានករណីបែបនេះ កើតឡើងឡើយ។ ផ្ទុយទៅវិញលោកអះអាងថា ស.ស.យ.ក តែងតែចូលរួមយ៉ាងសកម្មជាមួយរាជរដ្ឋាភិបាលកម្ពុជា ក្នុងការលើកស្ទួយវិស័យអប់រំ ពោលតាំងពីឆ្នាំ ២០១៤ ស.ស.យ.ក បានចូលរួមសង្កេតការណ៍ការប្រឡងបាក់ឌុប ដើម្បីធ្វើយ៉ាងណា ឲ្យការប្រឡងប្រព្រឹត្តទៅដោយជោគជ័យ យុត្តិធម៌ ទទួលយកបាន ដោយផ្អែកលើទិសស្លោក «អ្នកចេះគឺជាប់»។នៅយប់ថ្ងៃទី៤ធ្នូ លោក គឹម សុខ ជាអ្នកវិភាគនយោបាយដែលបានសិទ្ធិជ្រកកោននៅក្រៅប្រទេសបានចេញវីដេអូឃ្លីបមួយបានអះអាងថាលោកទទួលបានការទម្លាយព័ត៌មានពីគ្រូបង្រៀន នាយក និងនាយករង វិទ្យាល័យមួយចំនួនថា លោក ហ៊ុន ម៉ានី បញ្ជាឲ្យគេស្រង់ឈ្មោះ សិស្សថ្នាក់ទី១២ ដែលជា សមាជិក ស.ស.យ.ក. បញ្ជូនទៅក្រសួងអប់រំ ដើម្បីជាប់បាក់ឌុប។ប្រសិនរឿងនេះជាការពិត លោក គឹម សុខ យល់ថា លោក ហ៊ុន ម៉ានី កំពុងយកព្រឹត្តិការណ៍ប្រឡងបាក់ឌុប ឆ្នាំ២០២២នេះ ប្រមូលកម្លាំងនយោបាយដើម្បីគាំទ្របងប្រុសរបស់ខ្លួន។