ទំនាស់ដីធ្លីដ៏រាំរ៉ៃអស់រយៈពេល​ជាង១០ឆ្នាំ​ រវាង អ្នកមានអំណាច និងអ្នកវិយោគិនរកយុត្តិធម៏មិនទាន់បាន!

កំពង់ស្ពឺ៖លោក ឆឹង សឺហ្វិង ជនជាតិចិនសញ្ជាតិខ្មែរដែលជាវិនយោគិនម្នាក់នៅខេត្តកំពង់ស្ពឺបានរងភាពអយុតិធម៌អស់រយៈពេលជាង១០ឆ្នាំ បានទទូចស្នើសុំកិច្ចអន្តរាគមន៍ ពីឯកឧត្តម ជាម ច័ន្ទសោភ័ណ អភិបាលនៃគណអភិបាលខេត្តកំពង់ស្ពឺ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា សូមមេត្តាសម្តេចទាំងទ្វេជួយរកយុត្តិធម៌ឲ្យគាត់ផង។ មូលហេតុគឺផ្តើមចេះពីបុគ្គល ឈ្មោះ ទឹង ចាន់ណា បានរំលោភយកដីធ្លីរ​បស់គាត់ជាង៣០ហិកតា លក់ទៅឲ្យឈ្មោះ លឹម សូរីតា ដែលជាភរិយាមន្ត្រីមានអំណាចនិងបានលួចធ្វើប្លង់ប័ណ្ណកម្មសិទ្ធិរបស់លោកដែលមកដល់ពេលនេះ មានឈ្មោះត្រួតស៊ីគ្នាដល់ទៅពីរម្ចាស់។ 

ឈ្មោះ លឹម សូរីតា បានលួចផ្ទេរសិទ្ធិស្ងាត់ៗ ធ្វើប័ណ្ណកម្មសិទ្ធិ(ប្លង់រឹង)ត្រួតស៊ីជាន់គ្នាដល់ទៅពីរម្ចាស់ក្នុងពេលដែលឈ្មោះ ឆឹង សឺហ្វិង ជាម្ចាស់ដីពិតប្រាកដបានទទួល(ប្លង់រឹង)រួចហើយ ឥឡូវបែរមកចេញ(ប្លង់រឹង)មានឈ្មោះ លឹម សូរីតា ថែមមួយទៀត ។

លោក ឆឹង សឺហ្វិង ក៍ដូចជាមហាជនបានដាក់ជាសំនួរថា តើមន្ទីរ ឬក្រសួងរៀបចំដែនដីនគរូបនីយកម្ម និងសំណង់ មានស្តង់ដាពីរ ឬយ៉ាងណា? ក្នុងការដាក់លិខិតស្នើសុំធ្វើប្លង់កម្មសិទ្ឋិដាច់ដោយដុំ(ប្លង់រឹង) សម្រាប់ប្រជាពលរដ្ឋ ឬបណ្តាអ្នកវិនិយោគទុននៅកម្ពុជា បានជាមានប្លង់រឹងត្រួតស៊ីគ្នាបែបនេះ ?

លោក ឆឹង សឺហ្វិង ដែលជាវិនិយោគិនមកពីប្រទេសចិន ដែលមានសញ្ជាតិខ្មែរផងនោះ បានថ្លែងសារអំពាវនាវយ៉ាងទទូចតាមរយៈអង្គភាពសារព័ត៌មាន ដើម្បីស្វែករកយុត្តិធម៌ និងការពិត មេត្តាទៅដល់ឯកឧត្តម ជាម ច័ន្ទសោភ័ណ អភិបាលនៃគណអភិបាលខេត្តកំពង់ស្ពឺ និងសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក៍ដូចជា ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នូវរឿងអយុត្តិធម៌របស់លោក ដែលកើតមានឡើង មកទល់បច្ចុប្បន្ននេះ ។

លោកឆឹង សឺហ្វិងបានបញ្ជាក់ថា៖ អស់រយៈពេលជាច្រើនឆ្នាំមកហើយ ដោយមើលឃើញកម្ពុជាមានកត្តាទំនាក់ទំនងសេដ្ឋកិច្ចជាច្រើនរវាងប្រទេសចិន និងកម្ពុជា ដែលរូបលោកបានតស៊ូលះបង់ទាំងកំលាំងកាយចិត្ត មកបណ្តាក់ទុន អស់ប្រាក់ជាច្រើនលានដុល្លា ដើម្បីវិនិយោគរកស៊ីនៅកម្ពុជា ឥឡូវមកដល់ពេលនេះបានរងទុក្ខវេទនា ដោយសាតែបុគ្គល ឈ្មោះ ទឹង ចាន់ណា បានប្រើអំណាច និងក្បត់ទំនុកចិត្ត គប់គិតគ្នាលក្ខណៈជាប្រព័ន្ឋ រំលោភបំពានដីស្របច្បាប់របស់លោក ដែលជាអ្នកវិនិយោគ មកពីប្រទេសចិន នៅក្នុងព្រះរាជាណាចក្រកម្ពុជាតាំងពីឆ្នាំ២០១៥ មកម្ល៉េះ។