វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 255 នាក់
ម្សិលមិញ 6677 នាក់
សរុប 14147831 នាក់
បន្ទាយមានជ័យ៖មន្ត្រីសាលាស្រុកស្វាយចេកខេត្តបន្ទាយមានជ័យ ម្នាក់គ្រាន់តែធ្វើសកម្មភាពថតរូបបង្ហោះនិងឡាយតាមហ្វាសប៊ុក អំពីសកម្មភាពប្រជាពលរដ្ឋ ទិញលក់ស្រូវ សមត្ថកិច្ចកោះហៅសួរនាំចោទថា បង្ហោះព័ត៌មានបង្កអសន្តិសុខសង្គម។
នៅថ្ងៃទី១៨ ខែវិច្ឆិកា ឆ្នាំ២០២២ កម្លាំងនគរបាល ការិយាល័យនគរបាលប្រឆាំងបទល្មើសបច្ចេកវិទ្យា ដឹកនាំដោយលោកវរសេនីយ៍ឯក ឃួន វណ្ណា ស្នងការង ជំនួយដឹកនាំផែនការងារសន្តិសុខ បានចុះកោះហៅឈ្មោះ អឿន ធី ភេទប្រុស អាយុ៥១ឆ្នាំ មុខរបរមន្ត្រីរាជការសាលាស្រុកស្វាយចេករ មកបំភ្លើលើករណី ដែលបានឡាយក្នុងហ្វេសបុកឈ្មោះបងញ៉ក់ភូមិភាស ជុំវិញពត៌មានទិញលក់ស្រូវ។
មន្ត្រីសាលាស្រុកស្វាយចេក រូបនោះបានឡាយសកម្មភាពប្រជាពលរដ្ឋ ទិញលក់ស្រូវដោយនិយាយចោទថា ត្រូវបានឈ្មួញក្រឡុកហាងឆេងឡើងចុះតាមអំពើចិត្ត ដែលខ្លឹមសារនោះសមត្តកិច្ចថានាំឲ្យប៉ះពាល់ដល់ សន្តិសុខសណ្តាប់សង្គម? និងបានចោទប្រកាន់នានានាំឲ្យប៉ះពាល់ដល់លោកអភិបាលស្រុកស្វាយចេកយ៉ាងធ្ងន់ធ្ងរផងដែរ កាលពីថ្ងៃទី១៧ ខែវិច្ឆិកា ឆ្នាំ២០២២ ។ក្រោយពីហៅវាស់កំពស់ផងសាកសួរនាំផងឈ្មោះ អឿន ធី ក៏បានទទួលស្គាល់កំហុស និងបានអះអាងថាខ្លួនពិតជាបានថតឡាយមែន មកពីខ្លួនស្រវឹង។ បន្ទាប់ពីបានដឹងពីកំហុសហើយ សាមីខ្លួនបានសុំទោសជាសាធារណ:ចំពោះប្រជាពលរដ្ឋនិងលោកអភិបាលស្រុកស្វាយចេក។ សមត្ថកិច្ចជំនាញក៏បានឲ្យគាត់ធ្វើកិច្ចសន្យាបញ្ឈប់ប្រព្រឹត្តបទល្មើសបន្តទៀត ក្នុងករណីមិនរាងចាល សមត្ថកិច្ចនឹងមានចំណាត់ការតាមផ្លូវច្បាប់។ប្រជាពលរដ្ឋដែលដឹងរឿងបានចោទជាសំណួរថាស្រុកយើងឡូវនិយាយអីលែងបានហើយមែនទេ?។សូមបញ្ជាក់ដែរថាពេលស្រូវកំពុងប្រម៉ូលផលប្រជាកសិករបានរអ៊ូរទាំរឿងស្រូវចុះថោក។តែបញ្ហានេះត្រូវបានលោកឌឹតទីណារដ្ឋមន្ត្រីក្រសួងកសិកម្មទើបឡើងថ្មីព្រមានតាមហ្វេសប៊ុកថាកុំឲ្យបង្ហោះរឿងស្រូងចុះថោកតែលោករដ្ឋមន្ត្រីមិនបានពន្យលមូលហេតុអ្វីឡើយ?។