» ប្រុសបើ​ឃើញ​វីរៈនារី​តៃ​ក្វាន់​ដូ​សន​សៀវ​ម៉ី​បង្ហាញ​សាច់​ពេល​ហាត់​អាច​ឈាម​ច្រមុះ​? » ទន្សោង​ជាប់អន្ទាក់​ក្នុងព្រៃ​រុក្ខ​វ​ន័​បាន​ស្លាប់​ក្រោយពី​សង្គ្រោះរួច​! » ស្ត្រី​ជនជាតិ​ម្នាក់​ដែល​បរិស្ថាន​ចាប់ដាក់គុក​ខេត្ត​រតនៈគីរី​ចោទ​រឿង​រំលោភ​ដីធ្លី​ស្លាប់​ក្នុង​គុក​! » លោក​ណាំង​យ៉ែម​សមាជិក​ក្រុមប្រឹក្សាឃុំ​ស្វាយ​រំពារ​រកស៊ី​បូម​ខ្សាច់​លក់​សង្ស័យ​លោក​អ៊ុក​រស់​ប្រធាន​មន្ទីរ​រ៉ែ​និង​ថាមពល​ខេត្តកំពង់ឆ្នាំង​មាន​ភាគហ៊ុន​បានជា​គ្មាន​អ្នកណា ហ៊ាន » ក្រសួងមហាផ្ទៃ​ប្រកាស​ឲ្យ​ឈប់​លេង​ហ្គេម​អន​ឡាញ​ដែល​ជេគ្នាពេញ​ហ្វេ​ស​ប៊ុ​ក​ស្រុក​ខ្មែរ​ » កូនបង្កើត សម្លាប់​ឪពុក​ខ្លួនឯង​ព្រោះ​ខឹង​មិន​លើក​ទូរស័ព្ទ​ខ្លួន » តារាចម្រៀង​និង​សម្តែង​នូ ឧសភា ចង់បង្ហាញ​អ្នកគាំទ្រ​ថា​គេ​មាន​របស់​ថ្មី​ » មេ​អង្គ​ព្រោកប្រាជ្ញ​ឡើង​ឬ​ក​ប្រមាថ​សាសនា​របស់​រដ្ឋ​បាប​តាម​លង​! » អស់​កូ​វិដ​កម្ពុជា​បើក​ឲ្យ​ជនបរទេស​៦​សញ្ជាតិ​ចូល​ស្រុក​ខ្មែរ​វិញ​តែ​ត្រួតពិនិត្យ​សុខភាព​ដដែល​! » ដឹង​មុខ​ហើយ​ក្រុមហ៊ុន​ដែល​ទទួលបាន​សិទ្ធ​ចាក់ដី​លុប​យក​ទន្លេរ​ជាច្រើន​ហិកតា​ក្រោមលេស​វិនិយោគ​កោះនរា​ក្នុង​ខណ្ឌ​ច្បារអំពៅ​! » អាវុធហត្ថ​៣​នាក់​ស្លៀកពាក់​ស៊ីវិល​បាន​ទៅ​ជម្រិត​ទា​ប្រាក់​៣​លាន​និង​បាញ់​បំបែក​កង់​ត្រាក់ទ័រ​ចំនួន​៣​គ្រាប់​នៅ​ឃុំ​កោះ​ថ្កូវ​ » លោកស្រី​សៃ​អ៊ី​វិ​ន​ស្បថ​ចូល​តំណែង​ប្រធានាធិបតី​តៃវ៉ាន់​លើក​ទី​២​អាមេរិក​អបអរ​ចិន​ដី​គោក​ក្តៅក្រហាយ​! » ស្ងាត់ៗ​តារា​ម៉ូ​ដែល​ប្រាសាទ​ដា​វីន​បៅ់​ង​ពោះ​! » ទូត​អាមេរិក​ទៅ​ជួប​លោក​កឹម​សុខា​ថា​បាន​ជជែក​ពី​ជីវភាព​ពលរដ្ឋ​ខ្មែរ​!? » ចិន​ប្រកាសថា​នឹង​ចែក​វ៉ា​ក​សាំ​ង​ឆាំង​កូ​វិដ​១៩​ក្នុងពេល​ឮថា​អាមេរិក​ទទួលជោគជ័យ​ជំហាន​ដំបូង​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5288 នាក់

ម្សិលមិញ 7565 នាក់

សរុប 4918908 នាក់

ក្រសួង​អប់រុំ​ប​ន្ធួ​ឥរិយាបទ​ទុក​លោក មូល ស៊ុយ​ហេង ជា​នាយក​សាលា​ជំនាន់​ចាស់ នៃ​វិទ្យាល័យ​ព្រះស៊ីសុវត្ថិ​វិញតែ​ឲ្យ​លង​លុយ​!?

 

​ភ្នំពេញៈ ក្រសួង​អប់រំ យុវជន និង​កីឡា បានសម្រេច​រក្សា​តំណែង លោក មូល ស៊ុយ​ហេង ជា​នាយក​សាលា​ជំនាន់​ចាស់ នៃ​វិទ្យាល័យ​ព្រះស៊ីសុវត្ថិ​ដដែល ប៉ុន្តែ​បាន​តម្រូវ​ឲ្យ​លោក សង​ថវិការដ្ឋ​ដែល​ប្រើប្រាស់​នាពេល​កន្លងមក​ដោយ​គ្មាន​តម្លាភាព ។​a teacher syso 

​តាមរយៈ​សេចក្តីប្រកាស​ព័ត៌មាន​ផ្ទាល់ខ្លួន នៅ​ព្រលប់​ថ្ងៃទី​២០ ខែកញ្ញា ឆ្នាំ​២០១៨ បាន​បង្ហាញថា ទី​១-​ឯកភាព​ជាមួយ​ចំណាត់ការ​របស់​ក្រសួង និង​ទី​២-​រក្សាទុក លោក មូល ស៊ុយ​ហេង ជា​នាយក​វិទ្យាល័យ​ព្រះស៊ីសុវត្ថិ និង​ចាត់វិធានការ​បន្តទៀត ។ ក្នុងនោះ​ចំណោម​សន្លឹកឆ្នោត​សរុប​១៥២ សន្លឹកឆ្នោត​គាំទ្រ ជម្រើស​ទី​១-៥៤​សំឡេង , ឆ្នោត​គាំទ្រ​ជម្រើស​ទី​២-​មាន​ចំនួន​៩៧​សន្លឹក និង​សន្លឹកឆ្នោត​មោ​ឃៈ មាន​១​សន្លឹក ។​

​លិខិត​បន្តថា “​ផ្អែក​តាម​ស្មារតី ក្រសួង​នឹង​តម្រូវ​ឲ្យ​លោក មូល ស៊ុយ​ហេង សង​ថវិការដ្ឋ​ដែល​បាន​ប្រើប្រាស់​មិនមាន​តម្លាភាព និង​ទទួលខុសត្រូវ​ចំពោះមុខ​ច្បាប់​ជា​ធរមាន និង​ក្រសួង​គោរព​តាម​សា្មរ​តី​នៃ​ការបោះឆ្នោត ដោយ​តែងតាំង​លោក មូល ស៊ុយ​ហេង ជា​នាយក​វិទ្យាល័យ​ព្រះ​ស៊ីវ​ត្ថិ ឡើងវិញ ដើម្បី​បញ្ចប់​ការតវ៉ា​” ។​

សូមបញ្ជាក់ថា​កាលពី​ថ្ងៃទី​១៩​កញ្ញា​លោកគ្រូ និង អ្នកគ្រូ​រួមទាំង​សិស្សានុសិស្ស​នៅក្នុង​វិទ្យាល័យ ព្រះស៊ីសុវត្ថិ ប្រមាណ​ជាង ១០០ នាក់​បាន​ប្រមូល​ផ្ដុំគ្នា ប្រឆាំង​ទៅលើ​ការអនុវត្ត​របស់​ក្រសួង​អប់រំ យុវជន និង​កីឡា​ដែល​បានសម្រេច​ផ្ទេរ​តួនាទី​នាយក​វិទ្យាល័យ និង​គោលនយោបាយ​ស្ដីពី​សាលារៀន​ជំនាន់​ថ្មី​ដែលជា​គោលបំណង​ពង្រឹងគុណភាព​នៅក្នុង​ប្រព័ន្ធ​អប់រំ​ទាំងមូល​។​ក្រុម​លោកគ្រូ​-​អ្នកគ្រូ និង​សិស្សានុសិស្ស បាននាំគ្នា​តវ៉ា​ឲ្យ​ក្រសួង​អប់រំ ដក​សាលា​ជំនាន់​ថ្មី ចេញពី​វិទ្យាល័យ​ព្រះស៊ីសុវត្ថិ ក្រោម​ហេតុផល​ថា មានការ​រើសអើង សិស្សសាលា​ជំនាន់​ចាស់ ជាពិសេស​នោះ ឲ្យ​ដក​នាយក​សាលា​ជំនាន់​ថ្មី​ចេញ គឺ​លោកគ្រូ សម កំសាន្ត ក្រោយពី​រដ្ឋមន្ត្រី បាន​ផ្ទេរ​ការងារ​នាយក​សាលា​ជំនាន់​ចាស់ មក​ខាង​មន្ទីរអប់រំ​រាជធានី​ភ្នំពេញ​វិញ​។​

​លោកគ្រូ និង​អ្នកគ្រូ​រួមទាំង​សិស្ស​បាន​អំពាវនាវ​ដល់​លោក ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ដោយ​សុំ​រក្សាទុក​លោក មូល ស៊ុយ​ហេង នៅ​ជា​នាយក​វិទ្យាល័យ​ព្រះស៊ីសុវត្ថិ​បន្ត ហើយ​បាន​ចាត់ទុកថា​គោលនយោបាយ​ស្ដីពី​សាលារៀន​ជំនាន់​ថ្មី​នឹង​បង្កើត​ឲ្យ​មាន​ភាព​រើសអើង​ក្នុងចំណោម គ្រូ សិស្ស និង​គណៈ​គ្រប់គ្រង​សាលា​រួមទាំង​ប្រឆាំង​គោលការណ៍​លទ្ធិប្រជាធិបតេយ្យ​។​«​សាលា​ជំនាន់​ថ្មី​បានធ្វើ​ឲ្យ​សិស្ស និង​សិស្ស គ្រូ និង​គ្រូ និង​គណៈ​គ្រប់គ្រង​មានការ​រើសអើង​គ្នា និង​គ្នា​»​។ «​ការបង្កើត​សាលា​ជំនាន់​ថ្មី​នៅក្នុង​វិទ្យាល័យ​ព្រះស៊ីសុវត្ថិ​ធ្វើ​ឲ្យ​បាត់បង់​បេតិកភណ្ឌ​ជាតិ​»​។ «​សូម​សម្ដេច​ជួយ​លោកគ្រូ អ្នកគ្រូ​ដែល​គាត់​បង្រៀន​ជា​យូរណាស់​មកហើយ​»​។​លោកស្រី ណុប សាវុធ គ្រូបង្រៀន​មុខវិជ្ជា​ប្រវត្តិវិទ្យា​នៃ​វិទ្យាល័យ​ព្រះស៊ីសុវត្ថិ​តាំងពី​ឆ្នាំ ១៩៩៩ មក​បាន​អះអាង ថា​លោក មូល ស៊ុយ​ហេង នាយក​វិទ្យាល័យ​មិនដែល​ប្រ​ព្រឹ​ត្ដ​កំហុស​អ្វី​ទេ ហើយក៏​មិនដែល​ធ្វើ​ឲ្យ​កូនចៅ​អាក់​អន់ចិត្ដ​ដែរ ដូច្នេះ​ក្រុម​អ្នកគ្រូ​មិន​យល់ព្រម​ចំពោះ​ការផ្ទេរ​តួនាទី​នេះ​ទេ​។​

​បើ​យោងតាម​សេចក្តីថ្លែងការណ៍​បាន​ឲ្យ​ដឹង​ទៀតថា ចាប់តាំងពី​ឆ្នាំ​២០១៤ ក្រសួង បាន​សន្សំសំចៃ​ថវិកា​ក្រសួង​និង​បើក​ផ្តល់​ថវិកា​ប្រមាណ​១​លាន​ដុល្លារ​ដល់​គ្រួសារ​គ្រូបង្រៀន​ដែល​ធ្លាប់​រស់នៅក្នុង​បរិវេណ​សាលា​នេះ​ដើម្បី​ឲ្យ​ពួកគាត់​មានលទ្ធភាព​ទិញ​ផ្ទះសម្បែង​ខ្លួនឯងបាន បន្ទាប់មកទៀត ក្រសួង​បាន​ចំណាយ​ថរ​វិកា​ជាច្រើន ដើម្បី​ជួសជុល​អាគារ​សិក្សា សាងសង់​ទីលាន​បាល់បោះ និង​បាល់ទះ ដើម្បី​កែលំអរ​សោ​ភ័​ណ្ឌ​ភាព​សាលា​ឲ្យ​បាន​ស្អាត​។

ថ្វីត្បិតតែ​ក្រសួង​បាន​ចំណាយ​ថវិកា​ដ៏​ច្រើនសន្ធឹក​សន្ធាប់​ក៏ដោយ ក៏​ការគ្រប់គ្រង​របស់​នាយ​ក​សាលា​មាន​ភាព​ធូរ​លុង ស្ថានភាព​អនាម័យ​មិនមាន​ភាពល្អប្រសើរ​ឡើយ ជាពិសេស​ក្នុង​ថ្នាក់រៀន​នៃ​កម្មវិធី​ធម្មតា​។​

​លិខិត​បន្តថា កម្មវិធី​សាលារៀន​ជំនាន់​ថ្មី​នេះ មាន​គោលដៅ​ធ្វើ​បទពិសោធន៍ ការបង្រៀន​បែប​ថ្មី ប្រកបដោយ​ភាព​ច្នៃប្រឌិត និង​នវានុវត្តន៍ មុននឹង​ដាក់​ឲ្យ​អនុវត្ត​ឲ្យ​បាន​ទូលំទូលាយ​តាម​គោលដៅ កំណែទម្រង់​អប់រំ​ដែល​ក្រសួង​បានដាក់​ចេញ​នូវ​អាណត្តិ​ទី​៥​និង​ទី​៦ នៃ​រាជរដ្ឋាភិបាល​កម្ពុជា ។ ដំណាក់កាល​ដំបូង​នៃ​ការអនុវត្ត​កម្មវិធី​នេះ ចាប់ផ្តើម​អនុវត្ត​តែ​ពី​កម្រិត​ថ្នាក់ គឺ​ថ្នាក់​ទី​៧​និង​ទី​១០ ប៉ុណ្ណោះ ដោយ​ទុក​មួយផ្នែក​ទៀត​នៃ​វិទ្យាល័យ ដើម្បី​វាយតម្លៃ​ផលិតផល​របស់​សិស្ស​។​

លោក ហង់ ជួនណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​បាន​ថ្លែង​នៅក្នុង​បុព្វកថា​ដែល​ចុះហត្ថលេខា​កាលពី​ថ្ងៃទី ១៣ កញ្ញា ឆ្នាំ ២០១៦ បាន​ឲ្យ​ដឹងថា​ក្រសួង​បានរៀបចំ​គោលនយោបាយ​ស្ដីពី​សាលារៀន​ជំនាន់​ថ្មី​ក្នុង​គោលបំណង​ពង្រឹងគុណភាព​នៅក្នុង​ប្រព័ន្ធ​អប់រំ​ទាំងមូល​។ ព្យាយាម​បង្កើត​គំរូ​អភិវឌ្ឍន៍​ថ្មី​នៅក្នុង​ប្រព័ន្ធ​អប់រំ​សាធារណៈ​ដែល​នឹង​នាំទៅដល់​ការបង្កើត​សាលារៀន​សាធារណៈ​ស្វយ័ត ដែល​ទទួលបាន​ការវិនិយោគ​ខ្ពស់​ផ្សារភ្ជាប់​នឹង​ស្តង់ដារ​ថ្មី​មាន​គណនេយ្យភាព និង​អភិបាលកិច្ច​ល្អ​ព្រមទាំង​ស្តង់ដារ​វិជ្ជាជីវៈ​សម្រាប់​ការសិក្សា​នៅក្នុង​សតវត្សរ៍ ២១​។​

​លោក​ឌី ខាំ​បូ​លី​អ្នកនាំពាក្យ​ក្រសួង​អប់រុំ បាន​ប្រាប់​កាសែត​ថា​៖ «​យើង​និយាយ​ពី​សាលា​ជំនាន់​ថ្មី​គឺមាន​ភាពខុសប្លែក​ពី​សាលា​ធម្មតា ប៉ុន្ដែ​អ្វីដែល​យើង​បង្កើត​នេះ​គឺ​នៅក្នុង​ដំណាក់កាល​សាកល្បង​។ សិស្ស​ចូលរៀន​នៅ​សាលា​ជំនាន់​ថ្មី​គឺ​ត្រូវមាន​ការប្រកួតប្រជែង ទាល់តែ​គ្រប់​លក្ខខណ្ឌ​ទើប​អាច​ចូលរៀន​បាន​។ គ្រូ​ដូចគ្នា បើ​ចង់​ចូល​បង្រៀន​ទាល់តែ​ដាក់ពាក្យ​ប្រឡង​ចូល​បង្រៀន ហើយ​បើសិនជា​ធ្វើការ​វាយតម្លៃ​រយៈពេល ១ ឆ្នាំ បើ​មិនមាន​លក្ខណ​សម្បត្ដិ​គ្រប់គ្រាន់​ទេ​គឺ​ត្រូវ​ចេញមក​វិញ​។

កាលណា​គ្រូ​មិនទាន់មាន​សមត្ថភាព​ចូលទៅ​បង្រៀន អ៊ីចឹង​គាត់​អាច​ប្រឹងប្រែង​រៀនសូត្រ​អភិវឌ្ឍ​សមត្ថភាព​។​តែ​លោកស្រី សាវុធ ថ្លែងថា​៖ «​តាំងពី​មាន​សាលា​ជំនាន់​ថ្មី​ហ្នឹង​មក គឺ​ពួកយើង​ចែក​ក្រុម​គ្នា​តែម្ដង​។ លោកនាយក​ឱនលំទោន​ជាមួយ​គេ ចំណែក​គេ​វិញ​រឹងត្អឹង​ជាមួយ​យើង​តែម្ដង ដូច​គិតថា​យើង​ហ្នឹង​អត់​ចេះ​អី​សោះ ហើយ​គេ​នោះ​សុទ្ធតែ​អ្នកចេះ​»​។​a bak computer2 a teacher syso1 a teacher syso2