វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1105 នាក់
ម្សិលមិញ 5168 នាក់
សរុប 16013239 នាក់
មណ្ឌលគិរី៖សកម្មភាពជួញដូរឈើខុសច្បាប់នៅស្រុកកែវសីមាអាណាចក្រខដេត្តមណ្ឌលគិរីត្រូវបានមើលឃើញថា មានសញ្ញាងើបឡើងវិញ។ជាក់ស្តែងមានករណីយ៍ គ្រោះថ្នាក់ចរាចរបង្កឲ្យអ្នករត់ពន្ធឈើបាត់បង់ជីវិត។
ប្រភពពីសមត្ថកិច្ច បានឲ្យដឹងថាថា នៅវេលាម៉ោង ១៩:៥នាទី ថ្ងៃទី២៨ ខែតុលា ឆ្នាំ២០២២ នៅចំណុចចន្លោះគីឡូម៉ែត្រលេខ ៥៣ និង ៥៤ ផ្លូវជាតិលេខ ៧៦ រវាងរថយន្ត និងរថយន្ត ជិះបញ្ច្រាស់ទិសគ្នា ដោយរថយន្តតូយូតាកាម៉ារីស្វិតផ្ទុកឈើ បើកបរពីកើតទៅលិចបានប៉ះគ្នាជាមួយរថយន្តតូយូតាព្រួសបើកបរពីលិចទៅកើត ស្ថិតនៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ដែលបណ្ដាលឲ្យមនុស្សស្លាប់ម្នាក់នៅកន្លែងកើតហេតុ។
ជនរងគ្រោះអ្នកបើកបររថយន្តមានផ្ទុកឈើឈ្មោះ ណាង ស៊ីណាត ភេទប្រុស អាយុ ៣៥ឆ្នាំ ជនជាតិខ្មែរ មុខរបរកសិករ ទីកន្លែងកំណើត ភូមិដាលិច ឃុំដា ស្រុកមេមត់ ខេត្តកំពង់ចាម បច្ចុប្បន្នរស់នៅភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី (ស្លាប់នៅកន្លែងកើតហេតុ ) បើកបររថយន្ត ម៉ាកតូយូតាកាម៉ារី ស្វិត ពណ៌ក្រហម គ្មានស្លាកលេខ។
ចំណែកជនរងគ្រោះម្នាក់ទៀតឈ្មោះ សៀង ចំរ៉ុង ភេទប្រុស អាយុ ៣៧ឆ្នាំ ជនជាតិខ្មែរ ជាមន្ត្រីនគរបាល បច្ចុប្បន្នរស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី រងរបួសទៅសម្រាកព្យាបាលនៅខេត្តកំពង់ចាម បើកបររថយន្តម៉ាក តូយូតាព្រួស ពណ៌ទឹកមាស ពាក់ស្លាកលេខ មណ្ឌលគិរី 2B3564។បច្ចុប្បន្ន សពត្រូវបានប្រគល់ជូនសាច់ញាតិ។ រីឯរថយន្តយកទៅរក្សាទុកនៅអធិការដ្ឋាន រង់ចាំការវាស់វែង និងកសាងនីតិវិធីតាមផ្លូវច្បាប់៕