» ស្ទាក់​ចាប់បាន​មនុស្ស​ម្នាក់​ជាមួយ​ថ្នាំញៀន​ជិត​១០​គីឡូក្រាម​នៅ​សៀមរាប​ » ឃាត់ខ្លួន​ក្មេង​ទំនើង ២​ក្រុម​នេះ ប្រើប្រាស់ ដាវ កាំបិត ដំបង វាយ និង​កាប់​ចាក់​គ្នា នៅតាម​ដងផ្លូវ​នៅ​ព្រះ​វិ​ហ៊ា​រ​ » ដើម​ក្ងោក​ប្រមាណ​ជាង ២​ពាន់​ដើម មន្ត្រី​ឧទ្យាន​នុ​រក្ស​នៃ​មន្ទីរ​បរិស្ថាន​ខេត្ត យកទៅ​ដាំ​នៅ​អម​បណ្តោយ​ផ្លូវ ឡើងទៅ​កាន់​រមណីយដ្ឋាន​ធម្មជាតិ​គីរីរម្យ​ » បុរស​យក​ជើង​បើកឡាន​ថត​បង្ហោះ​មកដល់​កន្លែង​ជំនា​ញណ​ក​របាល​ចរាចរ​ហើយ » ​ចូល​ថ្ងៃទី​៨​ក្រសួងការពារជាតិ​បាន​បញ្ចេញ​កងកម្លាំង​ចម្រុះ​ជាង​មួយ​ពាន់​នាក់ បន្ត​ប្រតិបត្តិ​ការរុករក​ឧទ្ធម្ភាគចក្រ ដែល​បាន​បាត់​ការទាក់ទង នៅ​តំបន់​ព្រៃ​ក្នុងស្រុក​វាលវែង​!? » លោក Nguyen Phu Trong​មនុស្ស​មានអំណាច​កំពូល​នៅ​វៀតណាម ទទួលមរណភាព​ហើយ​លោកតូឡឹមជំនួស! » សម្តេច​ធិបតី​ហ៊ុន​ម៉ា​ណែ​ត​រំលើក​ពី​យុទ្ធសាស្ត្រ​ទាក់ទាញ​ភ្ញៀវ​ទេសចរណ៍​ពេល​ទៅ​សៀមរាប​ » លោក ចូ បៃ​ដិ​ន ថា​អាច​នឹង​ពិចារណា​ដកខ្លួន​ពី​ការប្រកួត ប្រសិនបើ​គ្រូពេទ្យ​ប្រាប់ថា​មាន​បញ្ហា​សុខភាព » សម​ត្ត​កិច្ច​វាស់​កំពស់ បុរស​ប្រមាថ​លុយ​ខ្មែរ ៥០០​រៀល​ដែលមាន​ព្រះ​ឆាយា​ល​ក្ខ័​មហាក្សត្រ ដោយ​យក​ស្បែកជើង​វាយ​ថត​បង្ហោះ » កងទ័ព​ស្ទឹងត្រែង​ឃាត់ខ្លួន​មនុស្ស​២​នាក់​ជនជាតិ​ឡាវ​១ និង​ខ្មែរ​១​នាក់ បញ្ជូន​ឲ្យ​អាវុធហត្ថ ពាក់ព័ន្ធ​ករណី​ជួញដូរ​គ្រឿងញៀន​ជិត​១​គីឡូក្រាម​ក្នុង​ខេត្តស្ទឹងត្រែង​ » សង្ឃឹមថា​រដ្ឋមន្ត្រីក្រសួង​ពត៍​មាន​លោក​នេត្រ​ភក្ត្រា​នឹង​បកស្រាយ​បញ្ហា​យក​ពត៍​មាន​ពិត​បន្ទាប់ពី​ទទួលបាន​ដាវអាជ្ញា​សឹក​ឲ្យ​ធើ​ស៊ី​អ្នកកាសែត​ » ប្រធាន​សមគម​អ្នកកាសែត​ហុងកុង​ម្នាក់ ត្រូវ​និពន្ធ​នាយក WSJ បណ្តេញ​ចេញពី​តួនាទី ជុំវិញ​បញ្ហា​នៃ​សេរីភាព​សារព័ត៌មាន​ » គ្រាន់តែ​ក្រសួងមហាផ្ទៃ ចេញ​សេចក្តីណែនាំ​ភ្លាម ធ្វើ​ឲ្យ​ដំណើរការ​ដេញថ្លៃ​ផ្លូវ​មួយ​ខ្សែ​មាន​តម្លាភាព​ជាង​មុន » អនុ​គម្រោង​ទាំង ៣​ក្រោម​កម្ចី​របស់ ADB សម្រេចការ​សាងសង់​ជា​ស្ថាពរ ប្រគល់ជូន​រដ្ឋបាលខេត្ត​កែប​គ្រប់គ្រង​ » សមត្ថកិច្ច ឃាត់ខ្លួន​ជនសង្ស័យ​ជនជាតិ​វៀតណាម ដឹកជញ្ជូន​គ្រឿងញៀន​ឆ្លងដែន​ដោយ​ខុសច្បាប់​ទម្ងន់​ជិត ៩​គីឡូក្រាម បន្ទាប់ពី​ផ្ទុះអាវុធ​ជាច្រើន​គ្រាប់

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2382 នាក់

ម្សិលមិញ 7836 នាក់

សរុប 14737640 នាក់

មន្ត្រី​អង្គការសហប្រជាជាតិ​ថា​យោធា​ភូមា​ប្រើ​អាវុធ​ប្រទេស​រុស្ស៊ី​សម្លាប់​ប្រជាជន​

 

​ភូមា​៖ អ្នកជំនាញ​អង្គការសហប្រជាជាតិ​មួយរូប បាន​និយាយថា ប្រភេទ​នៃ​សព្វាវុធ​រុស្ស៊ី​ដែល​ប្រើ​ក្នុងប្រទេស​អ៊ុយ​ក្រែ​ន ក៏​កំពុង​ត្រូវបាន​ប្រើប្រាស់​ដើម្បី​សម្លាប់​មនុស្ស​ក្នុងប្រទេស​មី​យ៉ាន់​ម៉ា​ផងដែរ ដោយ​ជំរុញ​ឲ្យ​ប្រទេស​នានា នៅ​អង្គការសហប្រជាជាតិ​បង្កើត​ក្រុមចម្រុះ ដើម្បី​ដាក់​សម្ពាធ​លើ​មេដឹកនាំ​យោធា​មី​យ៉ាន់​ម៉ា ដូច​រុ​ស្ស៉ី​ដែរ​។a burma kill1

ទីភ្នាក់ងារសារព័ត៌មាន AFP នៅ​ថ្ងៃ​ព្រហស្បតិ៍ ទី​២៧ ខែតុលា ឆ្នាំ​២០២២​បាន​ឲ្យ​ដឹងថា​៖​អ្នករាយការណ៍​ពិសេស​របស់​អង្គការសហប្រជាជាតិ ទទួលបន្ទុក​សិទ្ធិមនុស្ស​នៅ​មី​យ៉ាន់​ម៉ា លោក ថម អាន់​ឌ្រូ (Tom Andrews) បាន​ប្រាប់​អ្នកយកព័ត៌មាន​នៅ​ទីក្រុង​ញូវយ៉ក យ៉ាង​ដូច្នេះ​ថា «​អាវុធ​ប្រភេទ ខ្លះ​ដែល​ត្រូវបាន​គេ​ប្រើ​នៅ​អ៊ុយ​ក្រែ​ន ត្រូវបាន​គេ​ប្រើ​ដើម្បី​សម្លាប់​ប្រជាជន​មី​យ៉ាន់​ម៉ា​។ ហើយ​អាវុធ​ទាំងនោះ​មកពី​ប្រភព​តែមួយ គឺ​មកពី​ប្រទេស​រុស្ស៊ី​។ សហគមន៍​អន្តរជាតិ​គួរតែ​សម្របសម្រួល​កិច្ចខិតខំ​ប្រឹងប្រែង កំណត់​គោលដៅ​លើ​យោធា​របស់​មី​យ៉ាន់​ម៉ា ដោយ​ការ​ទណ្ឌកម្ម និង​ការហាមឃាត់​អាវុធ​»​។​

​ប្រទេស រុស្សី គឺជា​អ្នកផ្គត់ផ្គង់​សព្វាវុធ​ដ៏​ធំ​បំផុត​ដល់​អាជ្ញាធរ​យោធា​មី​យ៉ាន់​ម៉ា​។ ក្រុមប្រឹក្សាសន្តិសុខ​អង្គការសហប្រជាជាតិ បាន​ព្យាយាម​បំបែក​ភាពជាប់គាំង​ជា​យូរណាស់​មកហើយ លើ​បញ្ហា​ក្នុងប្រទេស​មី​យ៉ាន់​ម៉ា តែ ប្រទេស​ចិន និង​រុស្ស៊ី ទំនងជា​នឹង​ការពារ​មេដឹកនាំ​យោធា​ពី​សកម្មភាព​ដ៏​ខ្លាំងក្លា ដូចជា​ការដាក់ទណ្ឌកម្ម​ជាដើម​។​​សូមបញ្ជាក់ថា​ការវាយប្រហារ​តាមផ្លូវ​អាកាស​របស់​ក​ង​ទ័ព​មី​យ៉ាន់​ម៉ា ទៅលើ​ការប្រគុំ​តន្ត្រី​របស់​ក្រុម​ឧទ្ទាម​ជនជាតិភាគតិច នៅ​មី​យ៉ាន់​ម៉ា បាន​ឆក់យក​ជីវិត​មនុស្ស​យ៉ាងហោចណាស់ ៦០ នាក់ ដែល​ក្នុងនោះ​ក៏មាន​ជន​ស៊ីវិល​ផងដែរ​។ សារព័ត៌​មានបារាំង AFP កាលពី​ថ្ងៃ​ចន្ទ ទី ២៤ ខែតុលា ឆ្នាំ ២០២២​បាន​ឲ្យ​ដឹងថា​៖ វរសេនីយ៍ឯក​យោធា​មី​យ៉ាន់​ម៉ា លោក Naw Bu ថ្លែង​ឱ្យដឹង នៅ​ថ្ងៃ​ចន្ទ​នោះ​ថា​៖ «​មាន​យន្តហោះ​ចម្បាំង​មី​យ៉ាន់​ម៉ា​យ៉ាងហោចណាស់ ២ គ្រឿង ត្រូវ​រង​ការវាយប្រហារ​ពី​សំណាក់​ក្រុម​ឧទ្ទាម KIA នៅ​រដ្ឋ Kachin នា​វេលា​ម៉ោង ៨ និង ៤០ នាទី យប់​ថ្ងៃអាទិត្យ​។​

​បើតាម​លោក Naw Bu មាន​មនុស្ស​ប្រហែល ៥០ នាក់ ដែល​បាន​ស្លាប់​នៅក្នុង​ហេតុការណ៍ វាយប្រហារ​នេះ ក្នុងនោះ​រួមមាន​ទាំង​សមាជិក​ក្រុម KIA និង​ជន​ស៊ីវិល ខណៈ​អ្នករងរបួស​មាន​ចំនួន​ប្រហែល ៧០​នាក់​។ ប៉ុន្តែ​ពី​ខាង​អ្នកនាំពាក្យ​ក្រុម​ឧទ្ទាម KIA វិញ បាន​ថ្លែងប្រាប់​សារព័ត៌មាន AP តាម​ទូរស័ព្ទ​ថា ចំនួន​អ្នកស្លាប់​បាន​កើន​ឡើងដល់​ជាង ៦០ នាក់ និង​ប្រហែល ១០០ នាក់ រងរបួស នៅក្នុង​ការវាយប្រហារ តាម​អាកាស​ទៅលើ​ការប្រគុំ​តន្ត្រី​ថ្ងៃ​ដំបូង ដើម្បី​អបអរសាទរ​ការបង្កើត​អង្គការ​ឯករាជ្យ Kachin​។

​អ្នកនាំពាក្យ​ក្រុម KIA ដដែល បានបញ្ជាក់​ទៀតថា យន្តហោះ​ចម្បាំង​របស់​មី​យ៉ាន់​ម៉ា បាន​ទម្លាក់​គ្រាប់បែក​ចំនួន ៤ គ្រាប់​ទៅលើ​ការប្រគុំ​តន្ត្រី ដែលមាន​មនុស្ស​ចូលរួម ចន្លោះ​ពី ៣០០ ទៅ ៥០០ នាក់ ហើយ​អ្នកចម្រៀង Kachin និង​អ្នក​លេងភ្លេង​ម្នាក់ បាន​បាត់​បង់ជីវិត នៅក្នុង​ហេតុការណ៍​នេះដែរ​។​

​ការិយាល័យ​អង្គការសហប្រជាជាតិ (UN) ប្រចាំ​ប្រទេស​មី​យ៉ាន់​ម៉ា បានចេញ​សេចក្តីថ្លែងការណ៍​មួយ​សម្ដែង​ពី​ក្ដី​ព្រួយបារម្ភ និង​សោកស្ដាយ​ជាខ្លាំង ចំពោះ​របាយការណ៍​នៃ​ការ​វាយឆ្មក់​តាម​អាកាស​។ បើតាម​ការិយាល័យ UN ទង្វើ​របស់​រដ្ឋបាល​យោធា​មី​យ៉ាន់​ម៉ា គឺជា​ការប្រើ​កម្លាំង​ហួសហេតុ និង​មិន​សមាមាត្រ​ទៅនឹង​កងកម្លាំង​សន្តិសុខ ប្រឆាំងនឹង​ជន​ស៊ីវិល ដែល​គ្មាន​អាវុធ និង​ថា នេះ​ជា​រឿង ដែល​មិនអាច​ទទួលយក​បានទេ ហើយ​ទាមទារ​ឱ្យមាន​អ្នកទទួលខុសត្រូវ ចំពោះ​ការវាយប្រហារ​នេះ​។​

​លោក Hana Young នាយករង​ប្រចាំ​តំបន់​របស់​អង្គការ​លើកលែងទោស​អន្តរជាតិ បាន​សម្តែង​ការភ័យខ្លាច​ថា ការ​វាយឆ្មក់​តាម​អាកាស គឺជា​«​ផ្នែក​នៃ​គំរូ​នៃ​ការវាយប្រហារ តាមផ្លូវ​អាកាស ដោយ​ខុសច្បាប់​ពី​យោធា ដែល​បានសម្លាប់​ជន​ស៊ីវិល និង​របួស នៅក្នុង​តំបន់​ដែល​គ្រប់គ្រង​ដោយ​ក្រុម​ប្រដាប់អាវុធ​"​។​​លោក Young បាន​បន្ថែមថា​៖ «​យោធា​មី​យ៉ាន់​ម៉ា​មិន​ខ្វាយខ្វល់ និង​មិនបាន​យកចិត្តទុកដាក់​ឱ្យបាន​ម៉ឺងម៉ាត់ ចំពោះ​ជីវិត​ជន​ស៊ីវិល នៅក្នុង​យុទ្ធនាការ​យោធា​របស់ខ្លួន​ប្រឆាំងនឹង​គូប្រជែង​។ យើង​ពិបាក​ជឿ​ណាស់​ថា របប​យោធា​មី​យ៉ាន់​ម៉ា​មិន​បានដឹង​ពី​វត្តមាន​ជន​ស៊ីវិល នៅ​កន្លែង​នៃ​ការវាយប្រហារ​នេះ និង​ថា ក្រុម​យោធា​មី​យ៉ាន់​ម៉ា ត្រូវតែ​ធានា​សិទ្ធិ​ទទួលបាន​ថ្នាំពេទ្យ និង​ជំនួយ​មនុស្សធម៌​ភ្លាមៗ​ដល់​អ្នក ដែល​រង​ផលប៉ះពាល់ ដោយ​ការវាយប្រហារ តាម​អាកាស​ទាំងនេះ និង​ជន​ស៊ីវិល​ផ្សេងទៀត ដែល​ត្រូវការ​ជំនួយ​»​។​

​សូមជម្រាបថា ប្រទេស​មី​យ៉ាន់​ម៉ា ស្ថិតក្នុង​ភាពចលាចល​ផ្នែក​នយោបាយ ចាប់តាំងពី​រដ្ឋប្រហារ​យោធា នៅ​ខែកុម្ភៈ ឆ្នាំ ២០២១ ដែល​រង​ការឆ្លើយតប​វិញ ដោយ​ការផ្ទុះ​នូវ​ការតវ៉ា​ទូទាំងប្រទេស​។ បន្ទាប់ពី​កងទ័ព និង​ប៉ូលិស បានសម្លាប់​បាតុករ ដែល​ប្រឆាំងនឹង​ការគ្រប់គ្រង​ដោយ​យោធា ជន​ស៊ីវិល នៅ​ទូទាំងប្រទេស បាន​បង្កើត​អង្គភាព​ប្រដាប់អាវុធ​ជា​ផ្នែក​នៃ​កងកម្លាំង​ការពារ​ប្រជាជន ដើម្បី​ប្រយុទ្ធ​ប្រឆាំងនឹង​ការគ្រប់គ្រង​ដោយ​យោធា​។​

​យោងតាម​សមាគម​ជំនួយ​សម្រាប់​អ្នកទោសនយោបាយ ដែល​ចងក្រង​ឯកសារ​សម្លាប់ និង​ការរំលោភ​សិទ្ធិមនុស្ស​ក្នុងប្រទេស​មី​យ៉ាន់​ម៉ា មាន​មនុស្ស​យ៉ាងហោចណាស់ ២ ៣៧០ នាក់ ត្រូវបាន​សម្លាប់ និង​ជាង ១៥ ៩០០ នាក់ ត្រូវបាន​ចាប់ខ្លួន ចាប់តាំងពី​រដ្ឋប្រហារ​។ ចំណែក​ក្រុម​ឧទ្ទាម KIA ដែល​បាន​ប្រយុទ្ធ​ជាប្រចាំ​ជាមួយ​យោធា​អស់​ជាច្រើន​ទសវត្សរ៍​មកហើយ បាន​បង្កើន​សកម្មភាព​ប្រយុទ្ធ​របស់ខ្លួន​កាន់តែខ្លាំង បន្ទាប់ពី​ការដណ្តើម​អំណាច​យោធា កាលពី​ឆ្នាំមុន​។​a burma china a burma russya