អាមេរិកជំទាស់និងការចោទប្រកាន់របស់ប្រធានាធិបតីអ៊ុយក្រែនរឿងកាំជ្រួចធ្លាក់ចូលដីប៉ូឡូញដែលគេសង្ស័យថាអូតង់មិនចង់ពង្រីករឿង
07-May-2026 / ព័ត៌មានអន្តរជាតិ
អាមេរិក៖ មន្ត្រិសេតវិមានប្រាប់ថា ប្រធានាធិបតីសហរដ្ឋអាមេរិក លោក ចូ បៃដិន បានជំទាស់ទៅនឹងការអត្ថាធិប្បាយ ពាក់ព័ន្ធនឹងគ្រាប់មីស៊ីលដែលធ្លាក់លើទឹកដីប៉ូឡូញ ថាមិនមែនជារបស់អ៊ុយក្រែន របស់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ហើយលោកបានហៅសម្តីលោក ហ្សេលេនស្គី ថាជាការលើកឡើងដែលគ្មានភស្តុតាង។ នេះបើយោងតាមការចុះផ្សាយដោយ សារព័ត៌មានរុស្ស៉ី RT នៅថ្ងៃព្រហស្បតិ៍ ទី១៧ ខែវិច្ឆិកា ឆ្នាំ២០២២។
លោក ហ្សេលេនស្គីប្រធានាធិបតីអ៊ុយក្រេន ត្រូវបានប្រព័ន្ធផ្សព្វផ្សាយក្នុងស្រុក ដកស្រង់សម្តីកាលពីថ្ងៃពុធទី១៦វិច្ឆិកាថា រូបលោកពុំមានមន្ទិលសង្ស័យអ្វីបន្តិចឡើយថា ឧបទ្ទវហេតុធ្លាក់មីស៉ីលនៅក្នុងទឹកដីប៉ូឡូញ ហើយផ្តាច់ជីវិតមនុស្ស២នាក់នោះ គឺមិនមែនបង្កឡើងដោយមីស៉ីលរបស់អ៊ុយក្រែនឡើយ។ ប្រធានាធិបតី Zelensky បានបញ្ជាក់ថា លោក “ជឿជាក់ទាំងស្រុង” នូវព័ត៌មានពីមេបញ្ជាការកងកម្លាំងប្រដាប់អាវុធនិងមេបញ្ជាការកងទ័ពអាកាសអ៊ុយក្រែន ហើយបាននិយាយថាក្រុងគៀវគួរតែត្រូវបានអនុញ្ញាតឱ្យចូលទៅកាន់ទីតាំងនៃការធ្លាក់កាំជ្រួចនៅក្នុងប្រទេសប៉ូឡូញ។លោកបានបន្ថែមថា “យើងមិនគួរឈានដល់ការសន្និដ្ឋានចុងក្រោយទេ? តើយើងមានសិទ្ធិចូលរួមក្រុមស៊ើបអង្កេតដែរឬទេ?លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន លោក Oleksiy Danilov មុននេះបាននិយាយថា អាជ្ញាធរអ៊ុយក្រែន ចង់បានភ្លាមៗ ទៅកាន់ទីតាំងនៃការផ្ទុះ នៅក្នុងប្រទេសប៉ូឡូញហើយបានត្រៀមខ្លួនរួចជាស្រេច ដើម្បី “ផ្តល់ភស្តុតាង” ដែលថារុស្ស៊ីជាអ្នកទទួលខុសត្រូវ ចំពោះការផ្ទុះនៅក្នុងប្រទេសប៉ូឡូញ។ លោកបានបន្ថែមថាក្រុងគៀវកំពុងរង់ចាំដៃគូររបស់ខ្លួនផ្តល់ព័ត៌មាន ដែលនាំឱ្យពួកគេសន្មត់ថា មីស៊ីលដែលបានធ្លាក់នៅប្រទេសប៉ូឡូញកាលពីថ្ងៃទី ១៥ ខែវិច្ឆិកា គឺជាគ្រាប់រំសេវប្រឆាំងយន្តហោះរបស់អ៊ុយក្រែន។
កំលុងពេលត្រឡប់ទៅកាន់ទីក្រុងវ៉ាស៉ីនតោន បន្ទាប់ពីចូលរួមកិច្ចប្រជុំ G20 លោក បៃដិន គូសបញ្ជាក់ថា «អ្វីដែលលោក ហ្សេលេនស្គី បានលើកឡើងនោះ គឺមិនមានភស្តុតាងនោះទេ»។ប្រធានការិយាល័យសន្តិសុខជាតិប៉ូឡូញ (BBN) លោក Jacek Siewiera បានប្រាប់វិទ្យុ RMF កាលពីថ្ងៃព្រហស្បតិ៍ទី១៧ខែវិច្ឆិកាថា ភស្តុតាងដែលប្រមូលបានដោយប៉ូឡូញ សហរដ្ឋអាមេរិក និងអង្គការណាតូ បង្ហាញថា គឺជាមីស៊ីលរបស់អ៊ុយក្រែន ដែលបានសម្លាប់មនុស្សពីរនាក់នៅលើទឹកដីប៉ូឡូញក្នុងសប្តាហ៍នេះ។មុននេះ ប្រធានាធិបតីប៉ូឡូញ លោក Andrzej Duda បាននិយាយថា មីស៊ីលនេះ ទំនងជារបស់អ៊ុយក្រែន។ ទន្ទឹមនឹងនោះ ទីក្រុងវ៉ាស៊ីនតោនក៏បានអះអាងផងដែរថា ខ្លួនមិនមានព័ស្តុតាងដែលផ្ទុយពីការវាយតម្លៃរបស់ Duda ទេ ថ្វីបើទីក្រុងកៀវ បន្ទោសឧប្បត្តិហេតុនេះទៅលើទីក្រុងមូស្គូក៏ដោយ។លោក Siewiera បាននិយាយកាលពីថ្ងៃព្រហស្បតិ៍ថា “ភស្តុតាងទាំងអស់ដែលត្រូវបានប្រមូលដោយណាតូ អាមេរិក និងភាគីរបស់យើង បង្ហាញថា នោះគឺជាមីស៊ីល S-300 ដែលបាញ់ដោយប្រព័ន្ធការពារប្រឆាំងយន្តហោះរបស់អ៊ុយក្រែន”។
ទោះបីជាយ៉ាងណាក៏ដោយ លោកមិនបញ្ជាក់លម្អិតអំពីព័ត៌មានដែលប្រមូលបានដោយ ក្រុមអ្នកស៊ើបអង្កេតនោះទេ។ យោងតាមប្រធាន BBN, បច្ចុប្បន្នការិយាល័យរដ្ឋអាជ្ញាប៉ូឡូញ កំពុងដឹកនាំការស៊ើបអង្កេតលើឧប្បត្តិហេតុនេះ។ស្របពេលជាមួយគ្នានោះ លោក Siewiera បាននិយាយថា ទីក្រុង វ៉ាសូវី នឹងមិនជំទាស់ចំពោះអ្នកសង្កេតការណ៍របស់អ៊ុយក្រែន ដែលចូលរួមក្នុងការស៊ើបអង្កេតនេះទេ។ ប្រធានាធិបតីប៉ូឡូញ មើលមិនឃើញឧបសគ្គសម្រាប់រឿងនេះទេ ប្រសិនបើតម្រូវការផ្លូវច្បាប់ទាំងអស់ត្រូវបានបំពេញ។ ក្រសួងការបរទេសរុស្ស៊ី បានថ្កោលទោសសេចក្តីថ្លែងការណ៍របស់ទីក្រុងកៀវ អំពីឧបទ្ទវហេតុនេះថាជាការញុះញង់ ខណៈមន្ត្រីទូតកំពូលរបស់រុស្ស៊ី បាននិយាយថា មីស៊ីលនេះត្រូវបានបាញ់ចេញពីប្រព័ន្ធការពារដែនអាកាស S-300 របស់អ៊ុយក្រែន។
ទោះបីជាប្រកែកថាខ្លួនមិនបានបាញ់ចូលដីប៉ូឡូញព្រោះខ្លាចអូតង់ប្រតិកម្មនៅថ្ងៃទី១៨វិច្ឆិការុស្ស៊ីបានបើកការវាយប្រហារថ្មីៗ ទៅលើទីក្រុងនានានៅទូទាំងប្រទសអ៊ុយក្រែន ហើយវាក៏ជារលកចុងក្រោយផងដែរនៃការវាយប្រហារ ដែលបានកម្ទេចតំបន់ហេដ្ឋារចនាសម្ព័ន្ធថាមពលរបស់ប្រទេសនេះ ស្របពេលដែលរដូវរងាចូលមកដល់ ហើយសីតុណ្ហភាពក៏ចាប់ផ្ដើមធ្លាក់ចុះត្រជាក់បណ្ដើរៗផងដែរ ។អភិបាលតំបន់ Dnipropetrovsk លោក Valentyn Reznichenko បាននិយាយថា ការវាយប្រហារនេះបានកម្ទេចមជ្ឈមណ្ឌលរដ្ឋបាល Dnipro ហើយថែមទាំងរំខានដល់ការផ្គត់ផ្គង់អគ្គិសនី និងទឹកសម្រាប់ប្រជាជនអ៊ុយក្រែន រាប់លាននាក់ ។ចំណែកនៅក្នុងតំបន់ Odessa ភាគខាងត្បូងវិញ, ការវាយប្រហាររបស់រុស្ស៊ីក៏សំដៅទៅលើហេដ្ឋារចនាសម្ព័ន្ធផងដែរ ហើយអភិបាលតំបន់បានព្រមានអ្នកស្រុកពីការគំរាមកំហែងនៃ “ការវាយប្រហារដោយមីស៊ីលទ្រង់ទ្រាយធំ” និងជំរុញឲ្យពួកគេស្វែងរកកន្លែងមានសុវត្ថិភាពជ្រកកោនផងដែរ ។
ទន្ទឹមនោះអភិបាលតំបន់លោក Oleg Synyehubov បានប្រកាសថា តំបន់ភាគខាងកើតនៃទីក្រុង Kharkiv ក៏ត្រូវបានវាយប្រហារផងដែរ ជាពិសេសរុស្ស៊ីបានវាយលុកហេដ្ឋារចនាសម្ព័ន្ធសំខាន់ៗ នៅក្នុងការវាយប្រហារដែលបណ្តាលឲ្យមនុស្សយ៉ាងហោចណាស់ ៣ នាក់រងរបួស ។ពាក់ព័ន្ធនឹងបញ្ហានេះដែរ លោកប្រធានាធិបតីអ៊ុយក្រែន Volodymyr Zelensky បានចាត់ទុករុស្ស៊ីថាជា “រដ្ឋភេរវករ” ហើយបានចោទថា ទីក្រុងមូស្គូចង់ធ្វើឲ្យប្រជាជនអ៊ុយក្រែនកាន់តែឈឺចាប់ និងរងទុក្ខវេទនា” ។ ទីប្រឹក្សាថាមពលរបស់រដ្ឋាភិបាលលោក Oleksandr Kharchenko បានប្រាប់ប្រព័ន្ធផ្សព្វផ្សាយថា ៥០ ភាគរយនៃប្រជាជនអ៊ុយក្រែនកំពុងជួបប្រទះការរំខាន ហើយភាគខាងលិចនៃប្រទេស គឺជាកន្លែងវាយប្រហារដ៏អាក្រក់បំផុត ៕
