វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1049 នាក់
ម្សិលមិញ 3717 នាក់
សរុប 14149382 នាក់
ខេត្តបន្ទាយមានជ័យ ៖ លោក ឌិត ទីណារដ្ឋមន្ត្រីវ័យ៤៦ឆ្នាំនៃ ក្រសួងកសិកម្ម រុក្ខាប្រមាញ់និងនេសាទ បានប្រើ ជិះគោយន្តជាមធ្យោបាយដើម្បីចុះពិនិត្យស្ថានភាពស្រូវដែលកំពុងលិចទឹក នៅខេត្តបន្ទាយមានជ័យ នៅថ្ងៃទី២២ ខែតុលា ឆ្នាំ២០២២ នេះ! ។ ក្រោយបានឡើងកាន់តំណែងជារដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ភ្លាម, លោក ឌិត ទីណា រួមជាមួយមន្ត្រីជំនាញ បានចំណាយពេលចុះពិនិត្យតាមខេត្ត ទីជនបទរហូត ដើម្បីពិនិត្យស្ថានភាពជាក់ស្តែងពីផលដំណាំដែលជួបបញ្ហាផ្សេងៗ ជាពិសេសតំបន់ខ្លះត្រូវបានទឹកជន់លិចតាមអនុសាសន៍ប្រមយខរាជរដ្ឋាភិបាល។!
សម្រាប់ការងារត្រួតពិនិត្យ នៅទឹកដីខេត្តកំពង់ចាម កាលពីម្សិលម៉ិញ លោក ឌិត ទីណា រដ្ឋមន្ត្រីក្រសួង កសិកម្មរុក្ខាប្រមាញ់និងនេសាទ បានថ្លែងថា, ថ្ងៃនេះ ខ្ញុំមានឱកាសបានរាស់ដីដោយប្រើគោយន្តជាលើកដំបូងនៅក្នុងជីវិត។ បើទោះបីជាមានជំនួយពីគ្រឿងយន្តក៏ពិតមែន ប៉ុន្តែការងារនេះមិនស្រួលពេកទេ។ ពុកម៉ែបងប្អូនកសិករពិតជាហត់នឿយណាស់។ ខ្ញុំសូមអរគុណបងប្អូនកសិករនៅខេត្តកំពង់ចាមថ្ងៃនេះ ដែលបានចំណាយពេលអញ្ជើញចូលរួមនៅក្នុងកម្មវិធីសំណេះសំណាលជាមួយខ្ញុំ និងបានអនុញ្ញាតឱ្យខ្ញុំបានចុះស្រែធ្វើស្រូវដោយផ្ទាល់។លោករដ្ឋមន្ត្រីបានឲ្យដឹងថាបេសកកម្មរបស់ខ្ញុំថ្ងៃនេះ សម្រេចបានការចែកស្រូវពូជដល់បងប្អូនកសិករចំនួន ៤៩៧គ្រួសារ មកពីឃុំចំនួន៤ គឺ ឃុំកៀនជ្រៃ ឃុំរចេក ឃុំហាន់ជ័យ និងឃុំគគរ ស្រុកកំពង់សៀម ខេត្តកំពង់ចាម។គោលដៅបន្ទាប់សម្រាប់បេសកកម្មរបស់ខ្ញុំថ្ងៃស្អែក គឺខេត្តសៀមរាប។
លោកថា, ទាំងអស់គ្នាដើម្បីកសិកម្មកម្ពុជា ៕