នាយករដ្ឋមន្ត្រីដាក់កូនប្រធានតុលាការកំពូលជារដ្ឋមន្ត្រីក្រសួងកសិកម្មបន្ទាប់ពីបានបណ្តេញលោកវេងសាខុនកាត់ថ្ងៃរឿង?
21-September-2026 / ព័ត៌មានជាតិ
ភ្នំពេញ៖សម្តេចនាយករដ្ឋមន្ត្រីហ៊ុនសែនបានបញ្ជូនឈ្មោះលោក ឌិត ទីណា រដ្ឋលេខាធិការក្រសួងរ៉ែ និងថាមពល ទៅរដ្ឋសភាព ស្នើរដ្ឋសភា ស្នើសុំការបោះឆ្នោតផ្តល់សេចក្តីទុកចិត្ត ធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជំនួស លោក វេង សាខុន ដែលត្រូវបានបញ្ចប់តំណែង។
យោងតាមលិខិតរាជរដ្ឋាភិបាលលេខ៩៩០ លស ចុះហត្ថលេខាដោយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី០៨ ខែតុលា ឆ្នាំ២០២២ បានស្នើទៅកាន់ សម្តេចអគ្គមហាពញាចក្រី ហេង សំរិន ប្រធានរដ្ឋសភា រៀបចំការបោះឆ្នោតផ្តល់សេចក្តីទុកចិត្តលើការបំពេញបន្ថែម សមាជិករាជរដ្ឋាភិបាល។លិខិតសម្តេចតេជោ ហ៊ុន សែន បញ្ជាក់ថថា៖ «យោងតាមរដ្ឋធម្មនុញ្ញ នៃព្រះរាជាណាចក្រកម្ពុជា ច្បាប់ស្តីពីការរៀបចំ និងការប្រព្រឹត្តទៅ នៃគណៈរដ្ឋមន្ត្រី ដែលត្រូវប្រកាសឱ្យប្រើដោយព្រះរាជក្រមលេខ នស/រកម/០៦១៨/០១២ ចុះថ្ងៃទី ២៨ ខែ មិថុនា ឆ្នាំ ២០១៨ ព្រមទាំងព្រះរាជក្រឹត្យលេខ នស/រកត/០៨១៨/៨៦២ ចុះថ្ងៃទី ១៧ ខែ សីហា ឆ្នាំ២០១៨ ស្តីពីការចាត់តាំងនាយករដ្ឋមន្ត្រី នៃព្រះរាជាណាចក្រកម្ពុជា និងដោយយោងតាម តម្រូវការចាំបាច់របស់រាជរដ្ឋាភិបាល ក្នុងនាមជានាយករដ្ឋមន្ត្រី នៃព្រះរាជាណាចក្រកម្ពុជា ខ្ញុំសូមស្នើ សម្តេចប្រធានរដ្ឋសភា មេត្តាអនុញ្ញាតរៀបចំការបោះឆ្នោតផ្តល់សេចក្តីទុកចិត្តរបស់រដ្ឋសភា លើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ»។
ប្រភពពីរដ្ឋសភា បានឱ្យដឹងថា រដ្ឋសភា នឹងបើកកិច្ចប្រជុំគណៈកម្មាធិការអចិន្ត្រៃយ៍ នៅថ្ងៃព្រហស្បតិ៍ ទី១៣ ខែតុលា ឆ្នាំ២០២២ ខាងមុខនេះ ដើម្បីពិនិត្យលើសំណើរបស់ រាជរដ្ឋាភិបាលក្នុងការបោះឆ្នោតផ្តល់សេចក្តីទុកចិត្តរបស់រដ្ឋសភា លើការបំពេញបន្ថែមសមាសភាពសមាជិក នៃរាជរដ្ឋាភិបាលដល់ លោក ឌិត ទីណាដែលគេស្គាល់ថាជាកូនប្រុសរបស់របស់លោកឌឹតមន្ទីរប្រធានតុលការកំពូលនិងជាសមាជិកអចិន្ត្រៃយ៍គណកម្មាធិការកណ្តាលគណបក្សប្រជាជនកម្ពុជា រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ។
សូមបញ្ជាក់ថាកាលពីថ្ងៃទី៨តុលាព្រះមហាក្សត្រចេញព្រះរាជក្រឹត្យត្រាស់បង្គាប់បញ្ចប់មុខតំណែង ឯកឧត្ដម វេង សុខុន ពី រដ្ឋមន្ដ្រី ក្រសួងកសិកម្ម រុក្ខាប្រមាញ់ និងនេសាទទាំងកណ្តាលថ្ងៃបន្ទាប់ពីលោកនិងភរិយាទើបមកពីប្រជុំនៅប្រទេសអឺរ៉ុប។បន្ទាប់ពីដកលោកវេងសាខុនប្រមុខរដ្ឋាភិបាលបានចេញសេចក្ដីសម្រេចចាត់តាំង ឯកឧត្ដមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង សេដ្ឋកិច្ច និង ហិរញ្ញវត្ថុ ជារដ្ឋមន្ត្រីស្ដីទី ក្រសួងកសិកម្ម រុក្ខាប្រម៉ាញ់ និង នេសាទ បន្ថែមលេីមុខងារបច្ចុប្បន្ន រហូតដល់មានការតែងតាំងជាផ្លូវការនូវរដ្ឋមន្ត្រីក្រសួងកសិកម្ម រុក្ខាប្រម៉ាញ់ និង នេសាទ ។
មានការកត់សម្គាល់ថាការឯកឧត្តមវេងសាខុនដែលមានតួនាទីក្នុងបក្សត្រឹមតែសមាជិកគណកម្មាធិការកណ្តាលធ្លាប់មានទំនាស់ការងារជាមួយឯកឧត្តមអូនពន្ធ័មុនីរត្នដែលជាសមាជិកអចិន្ត្រៃយ៍ម្តងរហូតត្រូវបាននាយករដ្ឋមន្ត្រីស្តីឲ្យកណ្តាលជំនំចំណោមកាលពីខែកុម្ភៈឆ្នាំ២០២២រឿងការហាមនាំចូលសត្វជ្រូករស់ពីស្រុកយួន។ការបណ្តេញចេញពីរដ្ឋមន្ត្រីទាំងកណ្តាលថ្ងៃពេលដែលលោកវេងសុខុនកំពុងធ្វើដំណើរមកពីប្រជុំនៅប្រទេសអឺរ៉ុបចូលស្រុកវិញចឹងមិនដឹងថាតើឯកឧត្តមវេងសាខុនមានកំកំហុសអ្វីនោះនៅឡើយ។
ប៉ុន្តែមានការវាយតម្លៃថាប្រហែលជាលោករដ្ឋមន្ត្រីក្រសួងកសិមក្មរូបនេះមិនបានយកចិត្តទុកដាក់រឿងទឹកជំនន់ពិសេសការត្រៀមស្រូវពូជសម្រាប់ចែកជូបកសិករដែលរងគ្រោះដោយទឹកជំនន់តែម្តង?។ព្រោះជាមួយការបណ្តេញចេញចេញនោះក្នុងសារជាសម្លេងរបស់សម្តេចងតេជោរឿងទឹកភ្លៀងជន់លិចអស់២២ខេត្តតែសម្តេចមិនបានបង្ហើបរឿងស្រូវពួជឲ្យបានច្បាស់លាស់នោះឡើយ។យ៉ា្លងណាការតែងតាំងកូនលោកឌឹតមន្ទីរថ្វើឲ្យក្នុងសមាជិកអចិន្ត្រៃយ៍សម្តេចទទួលបានសន្លឹកឆ្នោតរឹងមួយសន្លឹក។
