វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2971 នាក់
ម្សិលមិញ 6501 នាក់
សរុប 13951526 នាក់
ឧត្តរមានជ័យ៖ ទាហ៊ានពីរនាកក្នុងចំណោមទាហានជាច្រើននាក់ ដែលទៅជួយសង្គ្រោះក្មេង២នាក់ ដែលកំពុងលង់ទឹកនៅទំនប់អាងអង្គ្រង ស្ថិតនៅត្រង់ចំណុចភូមិកញ្ចៀប ឃុំគោកមន ស្រុកបន្ទាយអំពិល ខេត្តឧត្តរមានជ័យ កាលពីវេលាម៉ោង ១:៣០នាទី ថ្ងៃទីទី៣០ ខែកញ្ញា ឆ្នាំ២០២២បានបាត់ខ្លួនដោយសារទឹកហូកួច។
លោកឧត្តមសេនីយ៏ត្រី នាក់ វង្ស មេបញ្ជាការរងកងពលតូចថ្មើរជើងលេខ៤២ បានឲ្យដឹងថា មុនពេលកើតហេតុទាហានទាំងនោះបានឃើញក្មេងប្រុស២នាក់ ដែលជាកូនទាហានដូចគ្នាលង់ទឹក ភ្លាមៗនោះទាហានជាច្រើននាក់ក៏បានចុះជួយក្មេងទាំង២នាក់នោះបានហើយ ក៏ស្រាប់តែបាត់ទាហានចំនួន២នាក់នោះវិញ ក្នុងចំណោមទាហានជាច្រើននាក់។ នៅវេលាម៉ោង ១១:៣០នាទី ថ្ងៃទី១ ខែតុលាឆ្នាំ២០២២ សពទាហានដែលបានបាត់ខ្លួននោះ បានរកឃើញម្នាក់ហើយ តែខាងក្រុមទាហាននៅបន្តរុករកទាហានម្នាក់ទៀតយ៉ាងស្រស្រាក់ស្រស្រាំ។ សពដែលរកឃើញមានឈ្មោះពលបាលវ៉ាន់ ថុន។ បន្ទាប់មកនៅវេលាម៉ោង ៥:០០នាទី ថ្ងៃទី១ តុលាឆ្នាំ២០២២ បានរកឃើញសពម្នាក់ទៀតឈ្មោះពលបាលឯក ឈួន ស៊ីដេត។ ពួកគាត់ទាំង២គឺជាទាហានបម្រើការងារនៅវរសេនាតូចលេខ៤២២ប្រចាំទិសប្រាសាទតាមាន់។
.លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានឧបត្ថម្ភថវិកាជូនគ្រួសារសពយោធិន ០២ រូប ដែលបានពលីជីវិតដើម្បីជួយសង្គ្រោះក្មេងប្រុសលង់ទឹក ០២នាក់ ក្នុងមួយគ្រួសារសពទទួលបានថវិកាចំនួន ១០លានរៀល តាមរយៈឧត្តមសេនីយ៍ត្រី ជុយ សីហា មេបញ្ជាការរង និងជាមេបញ្ជាការទិសទី៣ យោធភូមិភាគទី៤។
សូមបញ្ជាក់ថា សពយោធិន ២ រូប ដែលពលីជីវិតដើម្បីជួយសង្គ្រោះក្មេងប្រុសលង់ទឹក ២នាក់ ត្រូវបានគ្រួសារសព ធ្វើបុណ្យតាមប្រពៃណីសាសនាក្នុងនោះ សពទី១ -ពលទោ វ៉ាន ថុន មានអាយុ ២៣ ឆ្នាំ នៅលីវ ត្រូវបានក្រុមគ្រួសារសព យកមកធ្វើបិណ្យនៅគេហដ្ឋានសព នៅភូមិចាន់ក្រហម ស្រុកបន្ទាយអំពិល ខេត្តឧត្តរមានជ័យ ដោយឡែកសពទី២ -ពលបាលឯក ឈន ស៊ីដេត មានអាយុ ៣៩ ឆ្នាំ មានប្រពន្ធ ត្រូវបានអង្គភាពរៀបចំធ្វើពិធីបុណ្យនៅបន្ទាយប្រាសាទតាមាន់ ខេត្តឧត្តរមានជ័យ៕