វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1054 នាក់
ម្សិលមិញ 10264 នាក់
សរុប 14140236 នាក់
កំពង់ឆ្នាំងៈ កាលពីវេលាយប់ ថ្ងៃទី២៤ ខែកញ្ញា ឆ្នាំ២០២២ ស្ពានឈើមួយកន្លែង នៅតំបន់ចាក់ទឹម បានរងបាក់ស្រុត ដោយសារទឹកជំនន់ទឹកភ្លៀង ហូរបុក បណ្តាលឲ្យអ្នកដំណើរ និងរថយន្ត ជាប់គាំងមិនអាចឆ្លងកាត់បាន ។ ដោយឡែក ផ្លូវលំ ក្រាលក្រួសក្រហម មួយខ្សែ ប្រមាណជាង ៣០ គីឡូម៉ែត្រ រងការខូចខាតស្ទើរតែ ទាំងស្រុង និងពិបាក ក្នុងកាធ្ចើដំណើរចូលទីកម្សាន្ត ក្នុងតំបន់រមណីយដ្ឋានធម្មជាតិ ទឹកធ្លាក់ថ្មក្រាល ។ ផ្លូវទៅកាន់តំបន់ទឹកធ្លាក់ ថ្មក្រាលនោះ ស្ថិតក្នុងភូមិកោះខ្ទម្ព ឃុំជៀប ស្រុកទឹកផុស ។
ចំពោះករណីយ៍បង្កការរះស្ទះដល់បងប្អូនប្រជាពលរដ្ឋ ដែលចូលមកលេងកម្សាន្ត នៅតំបន់ទេសចរណ៍ទឹកធ្លាក់ថ្មក្រាលនេះ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងលោកស្រី កែ ច័ន្ទមុនី តំណាងរាស្ត្រមណ្ឌល កំពង់ឆ្នាំង រួមដំណើដោយមន្ត្រីជាច្រើនរូប បានចុះមកពិនិត្យមើលស្ថានភាពជាក់ស្ដែង នៅចំណុចទំនប់ទឹកចាក់ទឹម ដែលកំពុងសាងសង់ ដោយក្រសួងធនធានទឹក និងឧតុនិយម ។លោកអភិបាលខេត្ត បានជំរុញឱ្យក្រុមការងារ ធ្វើការដោះស្រាយបន្ទាន់ ដើម្បីឲ្យស្ពានឈើបណ្ដោះអាសន្នមួយនេះ ដំណើរការបានឡើងវិញ ជាប្រក្រតី និងបានជួយសម្រួលចរាចរណ៍ ជូនបងប្អូនប្រជាពលរដ្ឋ ឆ្លងកាត់ស្ពានឈើនេះ ដោយសុខសុវត្ថិភាពទាំងអស់គ្នា ដោយមិនបណ្ដោយទុកឲ្យរងគ្រោះ ដល់បងប្អូន ប្រជាពលរដ្ឋ ជាអ្នកដំណើរឆ្លងកាត់នោះឡើយ។
ក្រៅពីការជួសជុស្ពានប្រជាពលរដ្ឋបានឲ្យដឹងថានៅយប់នោះ លោកអភិបាលខេត្ត បានបញ្ជាឱ្យកក់បន្ទប់ចំនួន ៣០ បន្ទប់ សម្រាប់បងប្អូនភ្ញៀវទេសចរ ស្នាក់នៅ នៅពេលស្ពានឈើ ដែលរងការបាក់ស្រុត មិនទាន់អាចធ្វើដំណើរទៅមកបាននោះផងដែរ។ក៏ប៉ុន្តែដោយសារ ក្រុមការងារ និងសមត្ថកិច្ចជំនាញទាំងអស់ បានខិតខំប្រឹងប្រែងជួសជុល កែសម្រួលឱ្យស្ពានមួយ កំណាត់នេះ ធ្វើការឆ្លងកាត់ទៅមក បានឡើងវិញជាប្រក្រតី នៅវេលាម៉ោង ៦ ល្ងាច នាថ្ងៃដដែល។
ទាក់ទងស្ពានឈើនេះប្រជាពលរដ្ឋក៏ដូចជា អ្នកទេសចរមួយចំនួន ក៏បានសំណូមពរដល់លោកអភិបាលខេត្តកំពង់ឆ្នាំង សូមមេត្តាជួសជុលកែលម្អផ្លូវមួយខ្សែ ប្រវែងប្រមាណជា ៣០ គីឡូម៉ែត្រ ទៅដល់រមណីយដ្ឋានទឹកធ្លាក់ថ្មក្រាល ដើម្បីងាយស្រួលក្នុងការធ្វើដំណើរទៅមក របស់ប្រជាពលរដ្ឋក្នុងតំបន់ ជាពិសេស របស់ភ្ញៀវទេសចរ ដែលចង់មកលេង កម្សាន្ត នៅតំបន់រមណីយដ្ឋានទឹកធ្លាក់ថ្មក្រាលផងដែរ៕