វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1972 នាក់
ម្សិលមិញ 10264 នាក់
សរុប 14141154 នាក់
អាមេនី៖ កាលពីថ្ងៃអាទិត្យទី១៨កញ្ញា នាយករដ្ឋមន្ត្រីរបស់ប្រទេសអាមេនី លោកនិកូឡប៉ាស្ស៊ីនយ៉ាន( Nikol Pashinyan )បានសម្តែងការត្រេកអរនិងថ្លែងអំណរគុណ ចំពោះវត្តមានលោកស្រីណាន់ស៊ីប៉េឡូស៊ី( Nancy Pelosi) ប្រធានសភាសហ្រដ្ឋអាម៉េរិកដែល មកកាន់រាជធានីយ៉េរ៉េវ៉ាន( Yerevan )ដើម្បីបើកកិច្ចពិភាក្សាគ្នានិងជាការបង្ហាញការគាំទ្រចំពោះប្រទេសអាមេនី នៅក្នុងបញ្ហាជម្លោះព្រំដែននៅតំបន់ណាហ្គោណូការ៉ាបាត់( Nagorno karabakh )ជាមួយនិងប្រទេសអាហ្សាបៃហ្សង់ ដែលថ្មីៗនេះជម្លោះប្រដាប់អាវុធបណ្ដាលឱ្យនមទាហានភាគីទាំងសងខាងប្រមាណជាង ២០០នាក់បានស្លាប់។
ថ្លែងចេញពីទីក្រុងក្រុងយេរ៉វ៉ាន( Yerevan) របស់ប្រទេសអាមេនី លោកស្រីប៉ែឡូស៊ី( Pelosi) បានលើកឡើងពីដំណើរទស្សនកិច្ចរបស់លោកស្រីនៅពេលនេះ គឺដើម្បីជាការពង្រឹងការគាំទ្ររបស់សហរដ្ឋអាម៉េរិកសម្រាប់ប្រទេសអាមេនី ដែលលោកស្រីចាត់ទុកជា ជាប្រទេសដែលប្រកាន់នូវគោការណ៍លទ្ធិប្រជាធិបតេយត្យដ៏សំខាន់មួយនៅក្នុងតំបន់អាស៊ីកណ្តាល ជាអតីតដែនដីរបស់សហភាពសូវៀត នឹងកំពុងបន្ដរងការគំរាមកំហែងដោយសារតែឥទ្ធិពលរបស់ប្រទេសរុស្ស៊ី។ លោកស្រីក៏បានចាត់ទុកហេតុការណ៍ផ្ទុះអាវុធនៅក្នុងតំបន់ជម្លោះ Nagorno karabakh កាលពីពេលថ្មីៗនេះ ថាបានបង្កឡើងដោយប្រទេសអាហ្សង់បៃហ្សង់ បានបង្កការខូចខាតទ្រព្យសម្បត្តិនិងអាយុជីវិតពលរដ្ឋជាច្រើននាក់។
ជុំវិញជំហយ៉ាងច្បាស់លាស់របស់លោកស្រីប្រធានសភាអាម៉េរិកទៅលើបញ្ហាជម្លោះព្រំដែននេះដែរ ត្រូវបានប្រមុខដឹកនាំប្រទេសអាមេនី សម្តែងការពេញចិត្ត និងកោតសរសើរយ៉ាងខ្លាំងចំពោះលោកស្រី ដោយបានលើកឡើងថា ហេតុការណ៍ផ្ទុះអាវុធកាលពីពេលថ្មីៗនេះ គឺបណ្ដាលមកពីចេតនាឈ្លានពានយ៉ាងច្បាស់លាស់របស់ប្រទេសអាហ្សង់បៃហ្សងមកលើដែនអធិបតេយ្យភាពរបស់ប្រទេសអាមេនី ដែលបានធើ្វឱ្យបញ្ហាជម្លោះព្រំដែននៅក្នុងតំបន់ Nagorno karabakh កាន់តែមានសភាពធ្ងន់ធ្ងរ។
បើតាមអាជ្ញាធររបស់ប្រទេសអាមេនី បានអះអាងឱ្យដឹងថា យោធារបស់ប្រទេសអាហ្សង់បៃហ្សង់បានបើកការបាញ់ផ្លោងទៅលើទីប្រជុំជនរបស់ខ្លួននៅក្នុងតំបន់ Nagorno karabakh ចំនួន ៦ ផ្សេងៗគ្នា ដែលបានកើតឡើងកាលពីរំលងអាធ្រាត្រថ្ងៃអង្គារសប្តាហ៍កន្លងទៅ ដោយបានប្រើប្រាស់នូវប្រភេទគ្រាប់ធុនធ្ងន់ ខណៈដែលទីតាំងយោធានិងជនស៊ីវិលមួយចំនួនទៀតក៏បានរងការវាយប្រហារដោយយន្តហោះដ្រូនរបស់យោធាអាហ្សង់បៃហ្សង់ផងដែរ ។ការអះអាងរបស់ប្រទេសអាមេនី ត្រូវបានភាគីរដ្ឋាភិបាលអាហ្សង់បៃហ្សង់ដែលមានការគាំទ្រពីប្រទេសតួគីធើ្វការបដិសេដ ដោយបានលើកឡើងត្រឡប់ទៅវិញថា កងយោធារបស់ប្រទេសអាមេនីខ្លួនឯង គឺជាអ្នកដែលបានចូលមកដាក់ពង្រាយមីននៅក្បែរទីតាំងយោធារបស់ខ្លួនក្នុងតំបន់ Nagorno karabakh ហើយរួមនិងព័ត៌មានអំពីការចល័តទ័ពពីកន្លែងផ្សេងៗជាច្រើនទៀត ដែលជាហេតុបង្កឱ្យមានការផ្ទុះអាវុធកើតឡើង៕Reuters Connect