វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2114 នាក់
ម្សិលមិញ 10264 នាក់
សរុប 14141296 នាក់
ប្រទេសអង់គ្លេស៖ប្រទេសអង់គ្លេសនឹងអនុញ្ញាតឲ្យអ្នកដំណើរមកពីសហភាពអឺរ៉ុបនិងអាមេរិកដែលបានចាក់វ៉ាក់សាំងពេញលេញចូលក្នុងប្រទេសរបស់ខ្លួនដោយមិនចាំបាច់ធ្វើចត្តាឡីស័កចាប់ពីសប្តាហ៍ក្រោយ។
រដ្ឋាភិបាលអង់គ្លេសបាននិយាយក្នុងសេចក្តីថ្លែងការណ៍កាលពីថ្ងៃទី២៨ក្កដាថា ចាប់ពីថ្ងៃទី០២ ខែសីហាតទៅ អ្នកដំណើរមកពីអាមេរិកនិងអឺរ៉ុបនឹងមិនចាំបាច់ត្រូវធ្វើចត្តាឡីស័កឡើយ ប្រសិនបើពួកគេបានចាក់វ៉ាក់សាំងការពារជំងឺកូវីដ-១៩ពេញលេញ។ប៉ុន្តែ លោក ហ្គ្រេន សេប (Grant Shapps)រដ្ឋមន្ត្រីក្រសួងដឹកជញ្ជូន បាននិយាយថា អ្នកដំណើរនៅតែចាំបាច់ត្រូវធ្វើតេស្តិ៍រកវីរុសកូវីដ-១៩មុនពេលចាកចេញពីប្រទេសរបស់ពួកគេ និងពេលមកដល់ប្រទេសអង់គ្លេស។
ការប្រកាសនេះត្រូវបានគេរំពឹងថានឹងជួយឲ្យក្រុមហ៊ុនទេសចរណ៍និងអាកាសចរណ៍មានដង្ហើមដកឡើងវិញបន្ទាប់ពីមានការរឹតបន្តឹងរយៈពេល១៦ខែដែលធ្វើឲ្យក្រុមហ៊ុនជាច្រើនជួបវិបត្តិហិរញ្ញវត្ថុធ្ងន់ធ្ងរ។សូមបញ្ជាក់ថា ការធ្វើចត្តាឡីស័កសម្រាប់ពលរដ្ឋអង់គ្លេសដែលបានចាក់វ៉ាក់សាំងពេញលេញនិងវិលត្រឡប់មកពីប្រទេសដែលមានហានិភ័យមធ្យមក៏ត្រូវបានលុបចោលផងដែរកាលពីថ្ងៃទី១៩ ខែកក្កដា៕