វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2756 នាក់
ម្សិលមិញ 8227 នាក់
សរុប 14129637 នាក់
សៀមរាប៖ ការជួបជុំរបស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នៅលើដីចម្ការក្នុងស្រុកបន្ទាយស្រី ខេត្តសៀមរាប នឹងផុតឱសានវាទត្រឹមម៉ោង៥៖៣០នាទីល្ងាចនេះ បើមិនរំសាយទេនោះ អាជ្ញាធរនឹងចាត់ វិធានការទៅតាមអ្វីដែលបានសន្យា។តែបើតាមលោកនាយឧត្តមសេនីយ៍ ឆៃ ស៊ីណារិទ្ធ អគ្គស្នងការរងនគរបាលជាតិ បានប្រាប់បណ្តាញព័ត៌មាន ឱ្យដឹងពេលផុតឱសានុវាទថា រហូតដល់ពេលនេះ សមត្ថកិច្ចបានគ្រប់គ្រង ស្ថានភាពប្រមូលផ្តុំរបស់ លោក ខឹម វាសនា នៅជើងភ្នំគូលែន ខេត្តសៀមរាប ស្ទើរតែទាំងស្រុងហើយ ចំណែកបញ្ហាសេសសល់ សមត្ថកិច្ចនឹងសម្របសម្រួលដោះស្រាយបញ្ចប់ឆាប់ៗនេះ។
បើតាមនាយឧត្តមសេនីយ៍ ឆៃ ស៊ីណារិទ្ធ ប្រជាពលរដ្ឋដែលកំពុងបន្តប្រមូលផ្តុំនៅចម្ការរបស់ លោក ខឹម វាសនា នៅសល់តែប៉ុន្មានរយនាក់ទៀតប៉ុណ្ណោះ ក្រៅពីនោះបានរំសាយអស់ហើយ ដោយសារពលរដ្ឋមួយចំនួនពុំមានផ្ទះសម្បែងរស់នៅ និងមួយចំនួនធ្វើការនៅក្នុងចម្ការនោះ។ បច្ចុប្បន្នសមត្ថកិច្ចបានសហការជាមួយម្ចាស់ទីតាំង ដើម្បីសណ្តាប់ធ្នាប់ធ្វើបច្ចុប្បន្នភាពអ្នកស្នាក់នៅ និងគោរពច្បាប់។សមត្តកិច្ចឲ្យដឹងថា បើគិតចាប់ពីថ្ងៃទី៣១ ខែសីហា ឆ្នាំ២០២២ មកដល់ពេលនេះ សមត្ថកិច្ចបានទទួលពាក្យបណ្តឹងជាង១០០បណ្តឹង ដែលមានចំនួនមនុស្សជាង២០០នាក់។
សមត្ថកិច្ចនឹងបន្តស្រាវជ្រាវស្វែងរកមនុស្សដែលបាត់ខ្លួន តាមពាក្យបណ្តឹងរបស់ក្រុមគ្រួសាររបស់គេ។ ដោយមានការវាយតម្លៃថា លោក ខឹម វាសនា ប្រមូលថវិកាបានរាប់សែនលានដុល្លារ ពីយុទ្ធនាការប្រមូលផ្តុំនេះលោកនាយឧត្តមសេនីយ៍អគ្គស្នងការរងនគរបាលជាតិបានអំពាវនាវដល់ប្រជាពលរដ្ឋ សកម្មជននានា កុំឱ្យចាញ់បោកការឃោសនារបស់ លោក ខឹម វាសនា តទៅទៀត ។លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនការងារព្រហ្មទណ្ឌនៃស្នងការដ្ឋាននគរបាលខេត្តសៀមរាប ដែលបានដឹកនាំកម្លាំងចូលទៅក្នុងដីចំការរបស់លោក ខឹម វាសនា បានមានប្រសាសន៍ឱ្យកាសែតដឹងថា សមត្ថកិច្ចទទួលបានការសុំពីពលរដ្ឋចំនួន៨៦នាក់មកពីបណ្តាខេត្តផ្សេងៗ សុំអន្តរាគមន៍ពីសមត្ថកិច្ចឱ្យជួយយកកូនចៅ ប្រពន្ធកូនសរុបចំនួន១៨៣នាក់ ក្នុងនោះមានអនីតិជនចំនួន៧៥នាក់ ចេញពីដីចំការរបស់លោក ខឹម វាសនា។
លោកឧត្តមសេនីយ៍ត្រី ភឹង ចិន្តារ៉េត បានឱ្យដឹងថា មានពលរដ្ឋជាច្រើនបានបន្តចាកចេញពីដីចំការរបស់លោក ខឹម វាសនា នាថ្ងៃទី៥ ខែកញ្ញានេះ ខណៈសមត្ថកិច្ចកំពុងបន្តស្រង់ស្ថិតិអ្នកនៅក្នុងចំការបន្ថែមទៀត។
សូមបញ្ជាក់ថា កាលពីថ្ងៃទី២៣ ខែសីហា កន្លងទៅថ្មីនេះ មានចលនាបំផុសបំផុលមនុស្ស ឲ្យទៅស្នាក់នៅជុំគ្នានៅដីចម្ការរបស់ លោក ខឹម វាសនា ក្នុងស្រុកបន្ទាយស្រី ខេត្តសៀមរាប ក្រោមការសាបព្រោះពាក្យចចាមអារ៉ាម មានគ្រោះរញ្ជួញដី និងទឹកលិចលង់ពិភពលោកជាដើម។ លោក ខឹម វាសនា បានទស្សទាយថា នៅចុងខែសីហាកន្លងទៅនេះ នឹងមានទឹកលិចពិភពលោក រួមទាំងកម្ពុជា លើកលែងតែភ្នំគូលែនប៉ុណ្ណោះ ដែលជាចំណុចខ្ពស់ជាងគេ មិនលិច ប៉ុន្តែជាក់ស្តែង គឺពុំមានបាតុភូតអ្វីកើតឡើង ដូចការផ្សព្វផ្សាយជំនឿរបស់ លោក ខឹម វាសនា នោះឡើយ។
ប្រជាពលរដ្ឋមានជំនឿលើការឃោសនាគ្រប់រាជធានីខេត្ត រួមទាំងពលករបម្រើការក្រៅប្រទេសរួមមានកូរ៉េខាងត្បូង ជប៉ុន និងថៃផង បានចាកចេញពីលំនៅឋាន ចាកចេញពីកន្លែងការងារ សម្រុកទៅរស់នៅក្នុងចម្ការ ដែលគេឃោសនាថាជាទីតាំងតែមួយគត់គេចផុតពីគ្រោះមហន្តរាយពិភពលោក។ប្រជាពលរដ្ឋដែលបានទៅប្រមូលផ្តុំត្រូវបានគេប៉ាន់ប្រមាណថា មានចំនួនជាង ១ម៉ឺននាក់។ ប្រជាពលរដ្ឋដែលទៅទីនោះ ខ្លះទៅទាំងគ្រួសារ គ្រួសារខ្លះទៅស្វាមី គ្រួសារខ្លះទៅតែភរិយា ដោយបានប្រមូលទ្រព្យសម្បត្តិទៅជាមួយផង។ ខ្លះទៀតក៏បានលក់ទ្រព្យសម្បត្តិឡៃឡុងយកលុយទៅតាមខ្លួនថែមទៀតផង។ ក្មេងស្រីដែលបដិសេធមិនចាកចេញ