វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2001 នាក់
ម្សិលមិញ 5378 នាក់
សរុប 14081294 នាក់
កំពង់ឆ្នាំង: សណ្ដាប់ធ្នាប់សោភ័ណភាពអនាម័យបរិស្ថានផ្សារលើក្រុងកំពង់ឆ្នាំង ក្លាយជាជំងឺរ៉ាំរ៉ៃ។អាជីវករលក់ដូរក្នុងផ្សារនិងមុខផ្សារចំហៀងផ្សាររអ៊ូរទាំប្រាប់អ្នកសារព័ត៌មានថា សព្វថ្ងៃគាត់ពិបាកលក់ដូររកស៊ីចិញ្ចឹមជីវិតណាស់ដោយសារតែគ្មានការរៀបចំឲ្យបានត្រឹមត្រូវ ម្យ៉ាងទៀតប្រជាពលរដ្ឋដែលរស់នៅសង្ខាងផ្សារនៅក្រោយផ្សារមានការព្រួយបារម្ភព្រោះផ្លូវចូលផ្សារខាងត្បូងនិងខាងជើងមានសភាពចង្អៀតណែនណាន់តាន់តាប់រកផ្លូវឡានចូលមិនបាន។
គាត់ថាប្រសិនបើមានគ្រោះអគ្គីភ័យកើតឡើងជាយក្សថាហេតុ គឺច្បាស់ជាមិនមានការជួយអន្តរាគមន៍ពីក្រុមពន្លត់អគ្គីភ័យបានឡើយ ព្រោះពុំមានផ្លូវចូលរថយន្តពន្លត់អគ្គីភ័យចូលរួចទេ។
រីឯសណ្ដាប់អនាម័យបរិស្ថានគឺបានបាត់បង់ទាំងស្រុងដោយសារក្រុមអ្នករកស៊ីលក់ដូរខាងក្រៅផ្សារទាំងខាងត្បូងទាំងខាងជើងនិងខាងមុខផ្សារបានដាក់ពង្រាយអីវ៉ាន់ទំនិញពាសពេញគ្មានសណ្ដាប់ធ្នាប់និងបានទាញយកអីវ៉ាន់រុញមកលក់នៅកណ្ដាលផ្លូវទាំងព្រឹកទាំងល្ងាចគ្មានការរៀបចំសណ្ដាប់ធ្លាប់ពីមន្ត្រីជំនាញនិងអាជ្ញាធរពាក់ព័ន្ធឡើយ។
ចំណែកអ្នកលក់ដូរខាងក្នុងផ្សារ ដែលជាគ្រួសារមន្ត្រីរាជការនិងកងកម្លាំងប្រដាប់អាវុធ ក៏បានរអ៊ូរទាំថាពួកគាត់ស្ទើរតែដាច់បាយហើយ ព្រោះលក់មិនដាច់ដោយសារតែក្រុមអ្នករកស៊ីលក់ដូរទំនិញខាងក្នុងមួយចំនួននាំគ្នារើទំនិញរត់ចេញមកលក់នៅខាងក្រៅផ្សារធ្វើឲ្យភ្ញៀវដែលជាអ្នកមករកទិញអីវ៉ាន់ទំនិញផ្សេងៗបាននាំគ្នាទិញតែខាងក្រៅចំណែកខាងក្នុងពុំសូវមានអ្នកចូលទៅទិញទំនិញនោះទេ។
ករណីនេះជាហេតុធ្វើឲ្យប៉ះពាល់ដល់អារម្មណ៍ប្រជាពលរដ្ឋយ៉ាងខ្លាំង។ជាពលរដ្ឋនិងអាជីវករដែលជួបផលលំបាកស្នើសុំឲ្យឯកឧត្តមអភិបាលខេត្តមេត្តាជួយសម្រួលរៀបចំឲ្យពួកគាត់បានប្រកបរបរអាជីវកម្មគ្រាន់បានរស់នឹងគេផងទាន។