វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5446 នាក់
ម្សិលមិញ 6001 នាក់
សរុប 13878276 នាក់
កំពង់ស្ពឺ៖ បុរសម្នាក់ត្រូវបានកម្លាំងនគរបាលស្រុក បសេដ្ឋ ធ្វើការចាប់ខ្លួននៅថ្ងៃទី៣១ ខែកក្កដាឆ្នាំ២០២២ ក្នុងភូមិត្រពាំងទន្ទឹម ឃុំពោធិ៍ចំរើន ស្រុកបរសេដ្ឋ ខេត្តកំពង់ស្ពឺពាកពន្ធ័ការធ្វើទារុណ្ឌកម្មលើកូនស្រីរបស់ខ្លួនរហូតដល់ស្លាប់បាត់បង់ជីវិត។ បប្រភពពីលោកស្រី ព្រំ សុខា មេឃុំពោធិ៍ចម្រើន បានឲ្យដឹងថាជនសង្ស័យ មានឈ្មោះសៀក ទ្រី អាយុ៤២ឆ្នាំ រស់នៅភូមិត្រពាំងទន្ទឹមឃុំពោធិ៍ចំរើន ស្រុកបរសេដ្ឋខេត្តកំពង់ស្ពឺ។
បុរសរូបនេះបានប្រើប្រាស់សារធាតុញៀនលើសកម្រិតបណ្តាលឱ្យសតិមានភាពមិនប្រក្រតី ហើយតែងប្រើហិង្សាញឹកញ៉ាប់ទៅលើប្រពន្ធ ហើយសមត្ថកិច្ចក៏បានឃាត់ខ្លួនច្រើនដងដើម្បីយកមកអប់រំ។
សមត្ថកិច្ចធ្លាប់បានឃាត់ខ្លួនបុរសជាប្តីយកមកកាន់អធិការស្រុកច្រើនដងតែប្រពន្ធតែងតែមកយំស្រែកអង្វរនៅចំពោះមុខសមត្ថកិច្ចឱ្យមានការដោះលែងបុរសជាប្តីនោះត្រឡប់ទៅវិញ។ដោយមើលឃើញពីជីវភាពមានការខ្វះខាតក្នុងគ្រួសារដែលមិនអាចអត់បុរសជាប្តីជំហ៊រ សមត្ថកិច្ចក៏សម្រេចដោះលែងឱ្យត្រឡប់ទៅវិញដោយគ្រាន់តែឱ្យធ្វើកិច្ចសន្យាបញ្ឈប់ការប្រើហឹង្សាបន្តទៀត។
បើតាមសមត្តកិច្ចករណីហឹង្សាទៅលើក្រុមគ្រួសារពិសេសលើប្រពន្ធបានក្លាយទៅជារឿងជ្រាំដែលសម្រាប់គ្រួសារមួយនេះ ហើយនៅថ្ងៃទី២៥ ខែកក្កដា ឆ្នាំ២០២២ពេលដែលបុរសប្តីបានផឹកស្រាក៏កើតហឹង្សាជាថ្មីម្តងទៀតដោយប្តីបានយកកាំបិតកាប់ទៅលើប្រពន្ធមួយកាំបិតបណ្តាលឱ្យរងរបួសដៃ គ្រានោះប្រពន្ធក៏បានរត់គេចចេញពីផ្ទះដោយទុកកូនស្រីតូចអាយុទើបតែមួយខែជាងចោលនៅផ្ទះ។ក្រោយប្រពន្ធគេចខ្លួនបាត់ អ្នកភូមិក្បែរផ្ទះបានឃើញបុរសជាប្តីច្របាច់កនិងសង្កត់ទ្រូងកូនស្រីតូចដែលម្តាយទុកចោលនោះ ហើយនៅព្រលប់ថ្ងៃទី៣០ខែកក្កដាឆ្នាំ២០២២កូនស្រីនោះក៏បានស្លាប់បាត់បង់ជីវិតបាត់ទៅ។ក្រោយការស្លាប់របស់ទារិកាតូចនោះក៏មានភ្ញាក់ផ្អើលដល់សមត្ថកិច្ចនិងអាជ្ញាធរមូលដ្ឋានចុះមកពិនិត្យនិងសួរនាំទើបដឹងថាការស្លាប់របស់ទារិកាកម្សត់ផ្តើមចេញពីការធ្វើទារុណ្ឌកម្មធ្ងន់ធ្ងរនិងទារិកាមានជំងឺផ្លូវដង្ហើមស្រាប់ផងក៏បណ្តាលឱ្យស្លាប់តែម្តងទៅ។