វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2482 នាក់
ម្សិលមិញ 3717 នាក់
សរុប 14150815 នាក់
ភ្នំពេញ៖សម្លាប់ប្រពន្ធគេចខ្លួនបានបីថ្ងៃសមត្តកិច្ចឃាត់ខ្លួនបាននៅថ្ងៃទី៩ធ្នូតាមផ្លូវជាតិលេខ៥ ស្ថិតនៅក្នងភូមិប្រក់ក្តារ ឃុំវិហារលួង ស្រុកពញាឮ ខេត្តកណ្ដាល ។ ប៉ុន្តែមូលហេតុដែលឈានដល់ការផ្តាច់ជីវិតប្រពន្ធខ្លួនឯងបែបនេះ នៅពុំទាន់ដឹងនៅឡើយគ្រាន់តែសង្ស័យថាមូលហេតុប្រចណ្ឌ័។
ជនដៃដល់ឈ្មោះ គឹម សំអាន ភេទប្រុស អាយុ៥៤ឆ្នាំ មុខរបរកម្មករសំណង់ ស្នាក់នៅបន្ទប់ជួល ភូមិព្រៃវែងកើត សង្កាត់ព្រៃវែង ខណ្ឌដង្កោ រាជធានីភ្នំពេញ ។ ចំណែកស្ត្រីរងគ្រោះជាប្រពន្ធឈ្មោះ កង គា ហៅ អាឈី អាយុ៣៥ឆ្នាំ មុខរបរកម្មការិនីរោងចក្រកាត់ដេរមានស្រុកកំណើត នៅភូមិចុងអំពិល ឃុំចុងអំពិល ស្រុកកញ្ច្រៀច ខេត្តព្រៃវែង ។សមត្តកិចឲ្យដឹងថា កាលពីថ្ងៃទី២៦ ខែវិច្ឆិកា ឆ្នាំ២០២២ មុនពេលកើតហេតុ មានបុរសម្នាក់ឈ្មោះ ថាច់ ឃ្លោក អាយុ៤៣ឆ្នាំ បានទូរស័ព្ទទៅកាន់បុរសម្នាក់ទៀតឈ្មោះ ជា ប៊ុនធឿន អាយុ៣១ឆ្នាំ ដែលជាម្ចាស់ផ្ទះជួលខាងលើ ដើម្បីកក់បន្ទប់ជួលឱ្យមិត្តភក្តិរបស់ខ្លួនស្នាក់នៅ ។ ១អាទិត្យក្រោយមកគឺនៅថ្ងៃទី២ ខែធ្នូ ឆ្នាំ២០២២ វេលាម៉ោង៦យប់ ទើបឃើញឈ្មោះ គឹម សំអាន (ជនដៃដល់) និងជនរងគ្រោះជាប្រពន្ធមកផ្ទះជួលខាងលើ។
ប្រភពដដែលបានឲ្យដឹងថា ពេលនោះអ្នកទាំង២បានជួបជាមួយឈ្មោះ ជា ប៊ុនធឿន ដែលជាម្ចាស់ផ្ទះជួលហើយប្រាប់ថា«ខ្លួនគឺជាមិត្តភក្តិរបស់ឈ្មោះ ថាច់ ឃ្លោក ដែលបានទូរស័ព្ទកក់បន្ទប់ជួលកាលពី១អាទិត្យមុននោះ បន្ទាប់មកម្ចាស់ផ្ទះបាននាំឲ្យទៅស្នាក់នៅបន្ទប់ជួលលេខ១ ។ លុះស្នាក់នៅបាន១ថ្ងៃ រហូតដល់នៅថ្ងៃទី០៣ ខែធ្នូ ឆ្នាំ២០២២ វេលាម៉ោង៤ជិតភ្លឺ ជនដៃដល់ក៏បានជិះម៉ូតូចេញពីបន្ទប់ជួលទៅក្រៅ ហើយបាត់រហូតមិនឃើញត្រឡប់មកវិញឡើយ។
សមត្តកិច្ចប្រាប់ថា រហូតដល់ថ្ងៃទី០៦ ខែធ្នូ ឆ្នាំ២០២២ វេលាម៉ោង១០និង៥០នាទីព្រឹក ឈ្មោះ ជា ប៊ុនធឿន បានដើរកត់លេខកុងទ័រទឹកភ្លើង តាមបន្ទប់ជួលដើម្បីចេញវិក័យបត្រទូទាត់ប្រាក់ពីអ្នកប្រើប្រាស់ ។មកដល់បន្ទប់ជួលលេខ១នោះឃើញចាក់សោរពីខាងក្រៅ ហើយមានធុំក្លិនស្អុយចេញពីខាងក្នុងបន្ទប់ ។ ដោយមានការសង្ស័យម្ចាស់ផ្ទះនេះ ក៏មើលតាមបង្អួចកញ្ចក់ស្រាប់តែឃើញជនរងគ្រោះដេកស្លាប់គ្របភួយពីលើ បន្ទាប់មកគាត់ក៏បានទូរស័ព្ទរាយការណ៍ប្រាប់នគរបាលមូលដ្ឋានបានដឹង និងរាយការណ៍បន្តទៅការិយាល័យបច្ចេកទេសវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ និងគ្រូពេទ្យតុលាការ ចុះទៅធ្វើកោសល្យវិច្ច័យ។លោកឧកញ៉ាវេជ្ជបណ្ឌិត នង សុវណ្ណរ័ត្ន (គ្រូពេទ្យតុលាការ) បានសន្និដ្ឋានថា ជនរងគ្រោះពិតជាស្លាប់ដោយសារថប់ដង្ហើម (ខ្ទប់មាត់និងច្រមុះ) ។