វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1258 នាក់
ម្សិលមិញ 5020 នាក់
សរុប 14116705 នាក់
បន្ទាយមានជ័យ៖សម្លេងស្រែកយំអឺងកងពេញការដ្ឋាន ក្រោយពីមានហេតុការរលំដងសន្ទូចបង្កអោយមនុស្ស៥ស្លាប់និងរបួស៤នាក់ កាលពីថ្ងៃទី១២ ខែសីហា ឆ្នាំ២០២០ របស់ក្រុមហ៊ុន ឌឹ ផាក ស៊ីធី ដែលគេដឹងថា ជាក្រុមហ៊ុន របស់លោក ឧកញ៉ា ឡាយ ប៊ុនប៉ា ដែលមានឈ្មោះល្បីនៅប៉ោយប៉ែត ដែលមានទីតាំងជាប់ផ្លូវជាតិលេខ៥ ស្ថិតក្នុងភូមិ គីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោក ស្រ៊ិល អិន ចៅសង្កាត់ផ្សារកណ្ដាលបានឲ្យដឹងថា៖កាលពីថ្ងៃទី១៣ សីហា ថា ក្រុមហ៊ុន ឌឹ ផាក ស៊ីធី គឺជាក្រុមហ៊ុន សាងសង់ សំណង់អាគារ ខុនដូ ។មូលហេតុដែលនាំឲ្យ មនុស្សស្លាប់៥នាក់និងរបួស៤នាក់នោះ ដោយសារក្រុមហ៊ុន The Park City Poi Pet បានស្ទួចបេតុង ដែលគេចាក់ទុក ផលិតជញ្ជាំង ( ផែនភឿន) មានទម្ងន់ធ្ងន់ធ្វើឲ្យស្រុត កង់ម្ខាង ទើបជាហេតុបណ្ដាលឲ្យដងស្ទូចនោះ រេរលំ ធ្លាក់មកត្រូវពលរដ្ឋ ជិត១០នាក់ ដែលកំពុងតែអង្គុយជុំគ្នានៅក្បែរការដ្ឋាននោះ ។
ពលរដ្ឋដែលរងរបួស និងស្លាប់មានដូចខាងក្រោម ៖១ -ឈ្មោះ ឈាន ហុង ភេទស្រី អាយុ៤៤ឆ្នាំរស់នៅភូមិកើតហេតុ .២ -ឈ្មោះ ឌឹម សុខណាក់ ភេទស្រី អាយុ២៩ឆ្នាំរស់នៅភូមិកើតហេតុ ។៣ -ឈ្មោះ លឿប ឡាក់ ភេទស្រី អាយុ៥៥ឆ្នាំ រស់នៅក្នុងភូមិកើតហេតុ។៤-ឈ្មោះ សេង មុយគា ភេទស្រី អាយុ ខ្ទង់៤០ឆ្នាំ រស់នៅក្នុងភូមិកើតហេតុ និង ៥ -ឈ្មោះ ចូវ លី ភេទស្រី អាយុ៤៩ឆ្នាំរស់នៅភូមិ កើតហេតុ ។
ដោយឡែកអ្នករបួសចំនួន៤ នាក់រួមមាន៖១ ឈ្មោះ ផល សុដាលីន ភេទស្រី អាយុ៣៣ឆ្នាំ ។២ -ឈ្មោះ កា សុម៉ាមាន ភេទស្រី អាយុ៣៤ឆ្នាំ
៣ -ឈ្មោះ សៅ រិទ្ធ ភេទស្រី អាយុ៤១ ឆ្នាំ។៤.ឈ្មោះខាន់ ចាន់ឌី ភេទស្រី អាយុ២៧ឆ្នាំ(ស្រាល)។អ្នកទាំងអស់រស់នៅភូមគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
សាកសពនិងអ្នករងរបួសត្រូវបានបញ្ចូនទៅកាន់មន្ទីរពេទ្យបង្អែក ដីថ្មី ក្រោយមកដឹកសពមកតម្កល់ធើ្វបុណ្យ នៅវត្តម៉ុងចិន សង្កាត់ផ្សារកណ្តាល ក្រុងប៉ោយប៉ែត ។ក្រុមហ៊ុនខាងលើបានបើកដំណើរការ សាងសង់អាគារនាសម័យកាលលោក សួន បវរ នៅជាអភិបាលខេត្តបន្ទាយមានជ័យនៅឡើយមកម្លេះ ។
ជុំវិញករណីពលរដ្ឋស្លាប់រង្គាលដោយសាររលំដងសន្ទូចកាលពីថ្ងៃទី១២ ខែសីហា ឆ្នាំ២០២០ អាជ្ញាធរនៅមិនទាន់ដឹង ថាតើពលរដ្ឋដែលស្លាប់និងរងរបួសនោះ ត្រូវបានទទួលសំណងពីម្ចាស់ ក្រុមហ៊ុនដែរឬយ៉ាងណានៅឡើយទេ ។
បញ្ហាបង្កគ្រោះមហន្តរាយ ដល់អាយុ ជីវិតអាជ្ញាធរ បានត្រឹមតែ ផ្អាកការដ្ឋាន បណ្តោះអាសន្ន តែប៉ុណ្ណោះ ។ចំណែកប្រធាន ក្រុមហ៊ុន ឌឺ ផាក ស៊ីធី មិនអាចទាក់ទងសុំឲ្យធ្វើការអធិប្បាយ បាននៅឡើយទេជុំវិញហេតុការខាងលើ ព្រោះខលមិនចូល ៕