វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2068 នាក់
ម្សិលមិញ 9706 នាក់
សរុប 14080311 នាក់
ភ្នំពេញ៖គណបក្សភ្លើងទៀន (CP) បានថ្កោលទោសចំពោះការវាយប្រហារលើលោក លន់ ពង្សធិរិទ្ធ អនុប្រធានក្រុមការងារគណបក្សភ្លើងទៀនខណ្ឌពោធិ៍សែនជ័យជាសកម្មជនគណបក្សរបស់ខ្លួន ដោយក្រុមជនដៃដល់៦ នាក់នៅភូមិព្រៃជីសាក់សង្កាត់ចោមចៅទី៣កនុងពេលសកម្មជនរបស់ខ្លួនបង្ហាញពីការព្រួយបារម្ភពីសន្តិសុខផ្ទាល់ខ្លួន។
លោក នល់ ពង្សធារិទ្ធអាយុ៥០ឆ្នាំអនុប្រធានក្រុមការងារគណបក្សភ្លើងទៀន ខណ្ឌពោធិ៍សែនជ័យ ដែលត្រូវជនមិនស្គាល់មុខមួយក្រុមមានគ្នាជិត១០នាក់ ព្រួតគ្នាវាយកាលពីថ្ងៃទី១៧ ខែកក្កដា ស្នើអាជ្ញាធរចាប់ជនដៃដល់មកផ្ដន្ទាទោសតាមច្បាប់ឱ្យបានឆាប់។លោក នល់ ពង្សធារិទ្ធ កាសែតប្រាប់នៅថ្ងៃទី១៨ ខែកក្កដាថារបួសរបស់លោកនៅឈឺចុកចាប់នៅឡើយដោយមិនគេងលក់ដែលត្រូវការសម្រាកព្យាបាលនៅមន្ទីរពេទ្យបន្តទៀត។ តែលោកថា លោកត្រូវបង្ខំចិត្តចេញពីមន្ទីរពេទ្យទាំងរបួសមិនទាន់ធូរស្រាលទៅបន្តព្យាបាលនៅផ្ទះវិញ ដើម្បីធានាពីសុវត្ថិភាពផ្ទាល់ខ្លួន ពីព្រោះក្នុងពេលកើតហេតុក្រុមជនដៃដល់បានស្រែកគំរាមសម្លាប់រូបលោកឱ្យខានតែបាន។ លោក នល់ ពង្សធារិទ្ធ ថាពេលនេះលោកបារម្ភអំពីសុវត្ថិភាពជាខ្លាំងដោយខ្លាចជនទាំងនោះត្រឡប់មកម្តងទៀត ខណៈជំរុញផ្ទះរបស់លោកមានជនប្លែកមុខស្លៀកពាក់ស៊ីវិលជាច្រើននាក់កំពុងតាមឃ្លាំមើល។
លោក លី សុធារ៉ាយុទ្ធ អគ្គលេខាធិការគណបក្សភ្លើងទៀន( CP )ឲ្យដឹងថាលោកលន់ ពង្សធិរិទ្ធ ត្រូវបានជនដៃដល់ចំនួន៦នាក់ដែលជិះម៉ូតូ៣គ្រឿងវាយត្រង់ក្បាលបណ្តាលឲ្យរងរបួសធ្ងន់ធ្ងរកាលពីថ្ងៃអាទិត្យ។លោកបន្តថាលោក លន់ ពង្សធិរិទ្ធ កំពុងជិះម៉ូតូទៅប្រជុំនៅទីស្នាក់ការ CP ក្នុងសង្កាត់ចោមចៅទី៣ ពេលលោកត្រូវគេប្រហារ។លោកបន្ថែមថាគណបក្សភ្លើងទៀនចាត់ទុកការប្រើអំពើហិង្សាលើលោក ពង្សធិរិទ្ធថាជាទម្រង់នៃការគំរាមកំហែងផ្នែកនយោបាយដែលនឹងធ្វើឲ្យបរិយាកាសនយោបាយកាន់តែអាក្រក់ទៅៗនៅមុនការបោះឆ្នោតជាតិនីតិកាលទី៧ ឆ្នាំ២០២៣។លោកនិយាយថា៖ «ជនសង្ស័យ៦នាក់យកដំបងដែកនិងកាំបិតដេញកាប់សកម្មជនយើងបណ្តាលឲ្យរបួសធ្ងន់ ដែលរួមមានរបួសក្បាលច្រើនកន្លែង និងរបួសជាច្រើនកាំបិត។ យើងមិនអាចទទួលយកអំពើហិង្សានេះបានទេ»។លោកបន្តថា៖ « គណបក្សភ្លើងទៀនអំពាវនាវឲ្យអាជ្ញាធរធ្វើការស៊ើបអង្កេតឯករាជ្យ និងមានប្រសិទ្ធភាពដើម្បីចាប់ខ្លួនជនល្មើសនិងអ្នកដែលនៅពីក្រោយពួកគេមកកាត់ទោស»។
លោកម៉ន វុធី អធិការនគរបាលខណ្ឌពោធិ៍សែនជ័យបាននិយាយកាលពីម្សិលមិញថាអាជ្ញាធរកំពុងស្វែងរកជនសង្ស័យពាក់ព័ន្ធនឹងការវាយប្រហារលើលោក ពង្សធិរិទ្ធ។អ្នកនាំពាក្យស្នងការដ្ឋាននគរបាលរាជធានីភ្នំពេញ លោក សាន សុខសីហា ប្រាប់កាសែតថាសមត្ថកិច្ចបានទទួលពាក្យបណ្តឹងរបស់ជនរងគ្រោះរួចហើយ ហើយមន្ត្រីជំនាញកំពុងសហការស្រាវស្រាវ ប៉ុន្តែខាងលោកត្រូវការកិច្ចសហការពីជនរងគ្រោះ។ លោក សាន សុខសីហា ស្នើជនរងគ្រោះ និងអ្នកសារព័ត៌មានកុំលើកឡើងករណីហិង្សាលើសកម្មជននយោបាយកន្លងមកផ្សាភ្ជាប់ទៅនឹងរឿងនយោបាយ ដោយលោកអះអាងថានគរបាលយុត្តិធម៌មិនទាន់បង្ហាញលទ្ធផលស្រាវជ្រាវ និងភស្តុតាងយកមកបញ្ជាក់នៅឡើយ ៖ « កុំស្អីលើកឡើងថាករណីចេះករណីចុះ សំខាន់ករណីកើតឡើងចំពោះសមត្ថកិច្ចនគរបាលយុត្តិធម៌ គឺយើងត្រូវមានភស្តុតាងច្បាស់លាស់មុននឹងធ្វើការវាយតម្លៃ »។