វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4462 នាក់
ម្សិលមិញ 6359 នាក់
សរុប 14091095 នាក់
ភ្នំពេញ៖ គណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា កោះប្រជុំសន្និបាតគណៈកម្មាធិការកណ្ដាលវិសាមញ្ញរបស់គណបក្សនៅថ្ងៃទី៩- ១០ ខែកក្កដា ឆ្នាំ២០២២ នៅវិមាន៧មករា។ នេះបើយោងតាមសេចក្តីជូនដំណឹង របស់ខុទ្ទកាល័យនៃគណៈកម្មាធិការកណ្តាលនៅថ្ងៃទី៧ ខែមិថុនា ឆ្នាំ២០២២។
សេចក្តីជូនដំណឹងមិនបានប្រាប់ពីរបៀបវារៈនៃកិច្ចប្រជុំនោះទេតែគេជឿថានឹងពិភាក្សាចំពោះលទ្ធផលបោះឆ្នោតក្រុមប្រក្សាឃុំសង្កាត់ដែលគណបក្សភ្លើងទៀនអត់់ចាយលុយម៉ារៀលសោះទទួលបានប្រមាណ២ពាន់កៅអីក្រុមប្រឹក្សាក៏ដូចជាបញ្ហាប្រឈមសម្រាប់ការបោះឆ្នោតសកលឆ្នាំ២០២៣ខាងមុខនេះ ។ក្រៅពីនេះគេជឿថាអាចនឹងបញ្ចូលសមាជិកគណៈអចិន្ត្រៃគណបក្សថែម៣នាក់ទៀតដែលជាជឿថាអាចជាបុត្រារបស់សម្តេចអនុប្រធានគណបក្សសម្រាប់ជាកម្លាំងបន្តវេននៅអាណត្តក្រោយៗ។
សូមបញ្ជាក់ដែរថាបើតាមលទ្ធផលបឋមដែលគណៈកម្មាធិការជាតិរៀបចំការបោះឆ្នោត(គ.ជ.ប)បានស្រង់មកផ្សាយបង្ហាញថា៖គណបក្សធំៗចំនួន២ គឺគណបក្សប្រជាជនកម្ពុជា និងគណបក្សភ្លើងទៀន បានស្រូបយកសម្លេងឆ្នោតជាង ៩០%ទៅហើយ ក្នុងចំណោមពលរដ្ឋដែលបានទៅបោះឆ្នោតចំនួនជាង ៧,៣លាននាក់។ ពោលគឺ គណបក្សប្រជាជនកម្ពុជាទទួលបាន ៥,៣លានសម្លេង និងគណបក្សភ្លើងទៀន ដែលជាបក្សប្រឆាំងធំជាងគេទទួលបានជាង ១,៦លានសម្លេង។ ក្រៅពីនេះ គណបក្សចំនួន ១៥ផ្សេងទៀតបូកបញ្ចូលគ្នា គឺមានសម្លេងត្រឹមតែ ៣,៤២%ប៉ុណ្ណោះ។
ក្នុងចំណោមគណបក្សដែលមានសម្លេងគាំទ្រតិចតួចទាំងនោះរួមមាន គណបក្សហ្វុនស៊ីនប៉ិច ដែលបានដាក់បេក្ខភាពតែពាក់កណ្តាលក្នុងចំណោមឃុំសង្កាត់សរុបទាំង១៦៥២នោះទទួលបានសម្លេងគាំទ្រលេខ៣ គឺ ជាង៩ម៉ឺនសម្លេង ស្មើនឹង ១,២៧%។ គណបក្សបន្ទាប់គឺគណបក្សខ្មែររួបរួមជាតិរបស់លោក ញឹក ប៊ុនឆៃ អតីតមេទ័ពហ្វុនស៊ីនប៉ិចទទួលបានជាង ៦៣ ០០០សម្លេង ស្មើនឹង០,៨៨%។ដោយឡែកគណបក្សប្រជាធិបតេយ្យមូលដ្ឋាន ដែលបានដាក់បេក្ខភាពចំនួន ៣២ឃុំ សង្កាត់នោះទទួលបានសម្លេងគាំទ្រតែជាង ៦៨០០សម្លេងប៉ុណ្ណោះ ខណៈដែលគណបក្សដែលទទួលបានសម្លេងគាំទ្រទាបជាងគេបំផុតសម្រាប់ការបោះឆ្នោតនេះ គឺគណបក្សខ្មែរអភិវឌ្ឍន៍សេដ្ឋកិច្ចដែលមានមនុស្សតែ២៩៤នាក់ប៉ុណ្ណោះបោះឆ្នោតឲ្យ ឬស្មើនឹង ០,០៤%។