ការកែសម្រួលព្រំប្រទល់ដីតំបន់២ និងតំបន់៣ នៃតំបន់ទន្លេសាប ក្នុងស្រុកកំពង់លែង កំពង់ឆ្នាំងចែកប្រជាពលរដ្ឋនាំឲ្យយអ្នកជាប់ទោសលើកមុននឹងធូស្រាល
21-September-2026 / ព័ត៌មានជាតិ
កំពង់ឆ្នាំង៖, នៅព្រឹកថ្ងៃទី០១ ខែមិថុនា ឆ្នាំ២០២២លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នេះ បានដឹកនាំគណៈប្រតិភូអន្តរក្រសួង ចុះត្រួតពិនិត្យដីតំបន់២ និងតំបន់៣ នៃបឹងទន្លេសាប ស្ថិតនៅក្នុងខេត្តកំពង់ឆ្នាំង បន្ទាប់ពីចុះទៅខេត្តបាត់ដំបង ពោធិសាត់កាលពីថ្ងៃទី ២៧ និង២៨ ខែឧសភា កន្លងមក។
បន្ទាប់ពីបញ្ជារឲ្យធ្វើការចុះដកហូតនិងចាប់ផ្តន្ទាទោសអ្នករំលោភនិងរឹងទទឹងបានប៉ុន្មានខែនៅព្រឹកថ្ងៃទី២៧ ខែឧសភា ឆ្នាំ២០២២ សម្តេចតេជោ ហ៊ុន សែនានកែប្រែជំហរដោយ បានប្រកាសកាត់ឆ្វៀលដីអភិរក្សបឹងទន្លេសាបចេញពីតំបន់៣ និងតំបន់២ ជូនទៅប្រជាពលរដ្ឋដែលបានអាស្រ័យផលជាក់ស្តែងចាប់ពី១០ឆ្នាំឡើងទៅ ឬអាចក្រោម១០ឆ្នាំ ចំពោះដីមិនមែនជាដីព្រៃលិចទឹក ហើយគោករាក់មិនអាចស្តាបាន។ សម្តេចក៏បានបញ្ជាឱ្យ ឧបនាយករដ្ឋមន្ត្រី ជា សុផារ៉ា ត្រួតពិនិត្យចំពោះការឆ្វៀលដីជូនប្រជាពលរដ្ឋនៅតំបន់ទាំងនេះដោយគ្មានឈ្មោះសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រិក្រសួងមហាផ្ទៃនោះឡើយ។
សម្រាប់ការចុះត្រួតពិនិត្យដីតំបន់២ និងតំបន់៣ នៃបឹងទន្លេសាប នៅខេត្តកពង់ឆ្នាំងនេះ មានការចូលរួមពី លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប, លោក សាយ សំអាល់ រដ្ឋមន្ត្រីក្រសួងបរិស្ថាន និង លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយមន្ត្រីអាជ្ញាធរពាក់ព័ន្ធផងដែរ។
ការចុះត្រួតពិនិត្យ ធ្វើឡើងនៅ៣ទីតាំង ក្នុងនោះមាន៖ ទីតាំងទី១៖ ភូមិសំរោងសែន ឃុំសំរោងសែន ស្រុកកំពង់លែង ខេត្តកំពង់ឆ្នាំង ស្ថិតក្នុងតំបន់៣។ ទីតាំងទី២៖ ភូមិថ្នល់ឈើទាល ឃុំផ្លូវទូក ស្រុកកំពង់លែង ខេត្តកំពង់ឆ្នាំង ស្ថិតក្នុងតំបន់៣។ បន្ទាប់ពីចុះពិនិត្យទីតាំង លោកឧបនាយករដ្ឋមន្ត្រីបានដឹកនាំកិច្ចប្រជុំពិភាក្សាកិច្ចការនេះ នៅសាលាខេត្តំកំពង់ឆ្នាំង។នៅក្នុងឱកាសនោះ លោកឧបនាយករដ្ឋមន្ត្រី ជា សុផារ៉ា ក៏បានជួបសំណេះសំណាល និងសួរសុខទុក្ខប្រជាពលរដ្ឋ ដែលរស់នៅ និងអាស្រ័យផលនៅលើដីទាំងនោះផងដែរ។រាជរដ្ឋាភិបាលកម្ពុជា បានបែងចែកដីបឹងទន្លេសាបជា៣តំបន់ ដើម្បីបង្កភាពងាយស្រួលដល់ការគ្រប់គ្រង។ ក្នុងនោះដីតំបន់៣ ជាដីដែលមិនអាចអាស្រ័យផល និងមិនអាចធ្វើជាម្ចាស់កម្មសិទ្ធិបានឡើយ, តំបន់២ ជាដីដែលអាចអាស្រ័យផល តែមិនអាចធ្វើជាម្ចាស់កម្មសិទ្ធិ និងតំបន់១ ជាដីដែលអាចអាស្រ័យផល និងអាចធ្វើជាម្ចាស់កម្មសិទ្ធិបានផងដែរ។
សូមបញ្ជាក់ថារយ:ពេល ប្រមាណជិត៥ខែកន្លងមក ក្រុមប្រតិបត្តិការ បង្ក្រាប និងស្វែងរកមុខ សញ្ញាក្រុមឈ្មួញទុច្ចរិត និងបុគ្គលមានអំណាច មួយចំនួន ដែលបានរំលោភបំពាន កាប់ឆ្ការ ទន្ទ្រានព្រៃលិចទឹក ដើម្បីវាយយកដីក្នុងតំបន់៣ ( តាមមាត់បឹងទន្លេសាប ) ធ្វើជាកម្ម សិទ្ធិឯកជន ត្រូវបានកម្លាំងសមត្ថកិច្ចចំរុះ ដឹកនាំបញ្ជាផ្ទាល់ដោយ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគរូបណីយកម្ម និង សំណង់ អនុវត្តតាមបញ្ជារបស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះ រាជាណាចក្រកម្ពុជា បានចាប់ខ្លួន ជាបន្ត បន្ទាប់បញ្ជូនទៅកាន់តុលាការដើម្បីចាត់ការតាមផ្លូវច្បាប់ ក្នុងនោះ ក៏មានអ្នកកាសែតខ្លះផងដែរ ។
មហាជន ប្រជាពល រដ្ឋបានគាំទ្រយ៉ាងពេញ ទំហឹងនូវ ចំណាត់ការ ដ៏ក្តៅគគុក ក្រោមកណ្តាប់ ដៃដែករបស់ឯកឧត្តម ជា សុផារ៉ា ក្នុង នោះ ករណីលេចធ្លោ ជាងគេគឺ ករណី ចាប់ លោក ស៊ុំ សុជាតិ និង លោក កែវ ណារ៉ុន ជា មន្ត្រីនគរបាលថ្នាក់ខ្ពស់ក្នុងស្នងការដ្ឋាននគរ បាលខេត្តកំពង់ឆ្នាំង បញ្ជូនទៅកាន់ស្ថាប័ន អយ្យការអមសាលា ដំបូងរាជធានីភ្នំពេញ ដើម្បីផ្តន្ទាទោស តាម ច្បាប់ ។ ប៉ុន្តែអ្វីដែល មហាជន ប្រជាពលរដ្ឋ ក៏ដូចជាមន្ត្រីរាជការនៅ ទូទាំងប្រទេស ជា ពិសេស មន្ត្រីរាជការ និងពលរដ្ឋនៅក្នុងខេត្ត កំពង់ឆ្នាំង ទន្ទឹងរង់ចាំ មើលថា តើ វាសនា លោក ឈួរ ចាន់ឌឿន អតីតចៅហ្វាយខេត្តកំពង់ ឆ្នាំង អាចគេចរួចខ្លួន ពី សំណុំរឿងរំលោភយក ដី រដ្ឋជា២ពាន់ហិកតា ក្នុងតំបន់៣ នេះដែរទេ? ។ឡូវនេះចូលដល់រដូវបោះឆ្នោតសម្តេចតេជោបានកែរប្រែជំហរ។ ចឹងគេជឿថាករណី លោក ឈួរ ចាន់ ឌឿនអតីតអភិាបលខេត្តកមបង់ឆ្នាំង រំលោភយកដីជាង ២០០០ហិកតានឹងត្រុវគេគ្របទុកផងដែរ។ឯលោក ស៊ុំ សុជាតិ ដែលជាប់ពាក់ពន្ធ័រំលោភយកដី ៦០០ហិកតា ហើយក៏បានប្រគល់ ដីជូនរដ្ឋវិញដែរ ក៏អាចនឹងបានធូស្រាលផងដែរ ៕
