លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី ត្រូវកូនចៅប្តឹងហើយធ្លាប់ចៅហ្វាយខេត្តស្នើដក!

ដីចំណីផ្លូវសាធារណ:នៅតាមដងផ្លូវទៅច្រកទ្វារព្រំដែនអន្តរជាតិអូរស្មាច់ត្រូវបានគេរំលោភបំពានយកធ្វើសំណង់អគារតូបលក់ដូរឯកជន ស្រេចចិត្ត ?

រដ្ឋាភិបាលសម្រេចឱ្យក្រសួងការពារជាតិ ជ្រើសរើស«ពលទាហានថ្មី ចំនួន៣០០នាក់»

ស្ងាត់ៗឈ្មួញចាក់ដីលុបទន្លេសាបចូលជ្រៅ៧០ម៉ែត្រ អាជ្ញាធរខេត្ត និងមន្ទីរធនធានទឹក ទើបដឹង!

អតីតនាយករដ្ឋមន្ត្រីរដ្ឋាភិបាលជជុះលោក សម សេរី វិលត្រឡប់ចូលស្រុកវិញរកលាភសក្កាៈ

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

បញ្ជូនប្រពន្ធនគរបាលនិងគ្នីគ្នា៤នាក់ទៀតទៅតុលាការករណីយ៍ជួញគ្រឿងញៀន

ជាច្រើនទៀត

ចំនួនអ្នកទស្សនា

ថ្ងៃនេះ 225 នាក់

ម្សិលមិញ 8656 នាក់

សរុប 16620939 នាក់

ជួគាំទ្រប្រេងដូងខ្មែរផលិតដោយអ្នកស្រុកឈូកផង

06-April-2025 / សេដ្ឋកិច្ច

កំពត៖ ប្រេងដូង ត្រូវបានគេម្រាញ់ចេញពីខ្ទីសដូងទុំ ដែលចាស់ៗជំនាន់មុនពិសេសស្ត្រីខ្មែរឥស្លាមទម្លាប់យកទៅប្រើប្រាស់ដើម្បីលាបសក់ឱ្យមានសភាពខ្មៅ ទន់រលោង។ បច្ចុប្បន្នអ្នកជំនាន់ក្រោយមិនសូវដែលបានឃើញ បានស្គាល់ និងយល់ដឹងអំពីអត្ថប្រយោជន៍របស់ប្រេងដូងនេះទេ។តែ ប្រេងដូងមានផលប្រយោជន៍ច្រើនយ៉ាងព្រោះត្រូវបានគេយកមកកែច្នៃយកទៅប្រើប្រាស់ក្នុងការចម្អិនម្ហូបអាហារ ក៏ដូចជាយកទៅធ្វើជាឱសថសម្រាប់ថែទាំសុខភាពផងដែរ។ a cocnut4

លោក ឆាយ ស៊ីនឿន ម្ចាស់សិប្បកម្មផលិតប្រេងដូងដែលមានស្លាកយីហោ “The Coconut” ស្ថិតក្នុងស្រុកឈូក ខេត្តកំពត បានឱ្យដឹងថា លោកបានផលិតប្រេងដូងធម្មជាតិសុទ្ធ ១០០ភាគរយ ដែលធ្វើដោយដៃ និងចម្រាញ់ដោយពន្លឺ មានគុណភាពខ្ពស់ សម្រាប់ទទួលទានជាឱសថថែមទាំសុខភាពក៏បាន ឬប្រើសម្រាប់ការចម្អិនម្ហូបអាហារក៏បាន។ ការផលិតផលប្រេងដូងធម្មជាតិនេះ កំពុងទទួលបានការនិយមគាំទ្រប្រើប្រាស់កាន់តែច្រើនឡើងពីប្រជាពលរដ្ឋនៅទូទាំងប្រទេស។

លោក ឆាយ ស៊ីនឿន ម្ចាស់សិប្បកម្មផលិតប្រេងដូងនេះ បានឱ្យដឹងថា ដោយមើលឃើញពីសកត្តានុពលផ្លែដូងស្រុកឈូកមានរសជាតិផ្អែម ក្លិនក្រអូបប្រហើរ តែពេលទុំច្រើនបែជាគ្មានអ្នកទិញ ទើបធ្វើឱ្យលោកមានគំនិតផ្តួចផ្តើមផលិតប្រេងដូងធម្មជាតិនេះ ដើម្បីជួយទិញផ្លែដូងទុំពីអ្នកភូមិ និងលើកតម្កើងដំណាំដូងក្នុងស្រុកឈូកផង។ ក្រោយចំណាយពេលអស់ជាច្រើនឆ្នាំក្នុងការពិសោធន៍ធ្វើប្រេងដូងនេះ និងបានទៅរៀនបន្ថែមពីប្រទេសថៃផង ធ្វើឱ្យលោកអាចផលិតបានប្រេងដូងធម្មជាតិសុទ្ធ ១០០ភាគរយ ដែលមានលក្ខណៈពិសេសខុសពីប្រេងដូងដ៏ទៃទៀត ដែលមានការទទួលស្គាល់មន្ទីរ អង្គភាពជំនាញ ហើយលោកបានបើកជាសិប្បកម្មបង្កើនការផលិតរហូតមកដល់បច្ចុប្បន្ន។

លោកបានបញ្ជាក់ថា មានកត្តាជាច្រើនដែលធ្វើឱ្យប្រេងដូងធម្មជាតិស្រុកឈូក មានគុណភាពខ្ពស់ជាងប្រេងដូងរបស់ប្រទេសដ៏ទៃ ទី១ គុណភាពផ្លែដូង ផ្អែមក្រអូបប្រហើរ ទី២ បច្ចេកទេសផលិត ធ្វើដោយដៃ និងប្រើតែពន្លឺអំពូលភ្លើង ដើម្បីចម្រាញ់(មិនប្រើម៉ាស៊ីន ឬឆ្នាំងចម្រាញ់ទេ) ទើបធ្វើឱ្យប្រេងដូងមានគុណភាពល្អ និងអាចប្រើប្រាស់បានក្នុងការចម្អិនម្ហូបអាហារ និងអាចធ្វើជាឱសថថែទាំងសុខភាពផងដែរ។

ពាក់ព័ន្ធទៅនឹងការផលិតប្រេងដូងធម្មជាតិក្នុងស្រុកឈូកនេះ លោក សុខ គឹមជឿន ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា វាជាមោទនភាពសម្រាប់ពលរដ្ឋស្រុកឈូក ក៏ដូចជាខេត្តកំពតទាំងមូល ដែលប្រជាកសិករចេះឆ្នៃប្រឌិតបង្កើតប្រេងដូងធម្មជាតិសុទ្ធដែលមានគុណភាពល្អ ជួយដល់សុខភាពអ្នកប្រើប្រាស់ ហើយក្នុងនាមមន្ទីរជំនាញ លោកនឹងជួយជំរុញគាំទ្រឱ្យប្រេងដូងធម្មជាតិស្រុកឈូកនេះ មានដំណើរការកាន់តែល្អប្រសើរទៅមុខថែមទៀត៕ a coconut a coconut1 a coconut2 a coconut3 a coconut4 a coconut5 a coconut6 a coconut7