ដឹងមូលហេតុនៃការរុះរើក្បាលម៉ាស៊ីនរដ្ឋបាលសន្តិសុខខេត្តមណ្ឌលគីរីហើយ!

ភ្នំពេញ ៖ សម្តេចតេជោ ហ៊ុន សែន ប្រមុខរដ្ឋស្តីទីក្នុងពិធីជួបសំណេះសំណាលមន្ត្រីរាជការបង្គោលនិងសមាជិក្រុមប្រឹក្សាសង្កាត់ក្នុងរាជធានីភ្នំពេញនាព្រឹកថ្ងៃទី២៤ឧសភានៅកោះពេជ្រ បានថ្លែងឲ្យដឹងថា នៅខេត្តរតនគិរី (គ្រប់គ្រងដោយលោកញ៉ែមសំអឿនសែក្រសួងមហាផ្ទៃ)ក៏កំពុងមានសកម្មភាពឆបោក​តាម​ប្រព័ន្ធបច្ចេកវិទ្យាផងដែរ។ ករណីនេះសម្តេចតេជោ បានផ្តាំទៅអភិបាលខេត្តរតនគិរី និងអភិបាលខេត្តមណ្ឌលគិរី មេ​នគរបាល និងមេកងរាជអាវុធហត្ថ ដែលទើបតែងតាំងថ្មី ឱ្យចាត់វិធានការតឹងរឹងបំផុតលើជម្រកក្រុមឆបោកតាមបច្ចេកវិទ្យា។

លោកញ៉ែមសំអឿន 

សម្តេចតេជោ ហ៊ុន សែន បានលើកឡើងថា ៖ មិនអាចជោគជ័យបានទេ បើកម្ចាត់ត្រឹមក្រុមឆបោកតាមប្រព័ន្ធបច្ចេកវិទ្យា ហើយមិនកម្ចាត់ក្រុមមន្ត្រីដែលពាក់ព័ន្ធ ! ។ប្រាវ៉ូ!។សូមបញ្ជាក់ថាមុនពិធីជួបនេះ២ថ្ងៃនាយករដ្ឋមន្ត្រីនិងប្រមុខរដ្ឋស្តីទីបានចេញអនុក្រឹត្យដកតំណែងមេនគរបាលនិងមេប៉េអឹមខេត្តនិងចេញព្រះរាជក្រឹត្យដកអភិបាលខេត្តមណ្ឌលគីរីនិងតែងតាំងថ្មីយ៉ាងទាន់ហន់។

ការដកនេះបើតាមប្រសាសន៍ខាងលើបង្ហាញថាដកតំណែងនេះគឺដោយសារមានការគុបគិតជាមួយមេឆបោកតាមអនឡាញ(មិនបង្ក្រាប)។បើចឹងមែននោះករណីគុបគិតជាមួយពួកមេឧក្រឹដ្ឋជនឆបោកអនឡាញវាមិនមែនមានតែនៅខេត្តមណ្ឌលគីរីមួយទេហេតុអីធ្វើតែខេត្តមួយនេះ?ឬមកពីក្បាលម៉ាស៊ីនរដ្ឋបាលនិងសន្តិសុខខេត្តមណ្ឌលគីរីជាចំណុចនៃខ្សែច្រវ៉ាក់ដែលខ្សោយស្រួលធើ?.។

លោក ថង សាវុនអតិតអភិបាលខេត្តមណ្ឌលគិរី ត្រូវបានតែងតាំងជារដ្ឋលេខាធិការក្រសួងមហាផ្ទៃដែលជាប្រអប់នយោបាយគ្មានអំណាចបញ្ជា បន្ទាប់ពីតំណែងអភិបាលខេត្តមណ្ឌលគិរីត្រូវបានលោកគង់គឺមនីមកអង្គុយ។

សូមបញ្ជាក់ថាលោកថងសាវុនគឺជាបុត្រាលោកប៊ូថងដែលជាអ្នកតស៊ូមកពីភូមិភាគឥសាន្តហើយបានក្លាយសមាជិកអចិន្ត្រៃយ៍គណបក្បប្រជាជនកម្ពុជានិងជាអតីតឧបនាយករដ្ឋមន្ត្រីរដ្ឋមន្ត្រីក្រសួងការពារជាតិប្រធានគណឃោសនាអប់រំមជ្ឈឹមតាំងពីជំនាន់សាធារណៈរដ្ឋប្រជាមានិតកម្ពុជានាទសវត្ស៨០ប្លាយ។លោកប៊ូថងបានចូលមរណៈភាពកាលពីខែកញ្ញាឆ្នាំ២០១៩ដែលធ្វើឲ្យលោកថងសាវុនរងារជាង៧ឆ្នាំកន្លងមកនេះបើទោះជាមានតួនាទីជាអភិបាលខេត្តក៏ដោយ។