វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 593 នាក់
ម្សិលមិញ 6001 នាក់
សរុប 13873423 នាក់
ខេត្តមណ្ឌលគិរី៖ ឧកញ៉ា សឹង្ហ សំអុលដែលគេស្គាល់ថាជាមន្ត្រីប៉េអឹមនិងជាឈ្មួញឈើគ្រាក់នៅភូមិភាគឥសាន្តបាន ប្រកាសថានឹងចេញឈើចំនួន២០រថយន្តវេអងពីក្រុមហ៊ុនម៉ាស្ទ័រខេសាន់នៅព្រលប់ថ្ងៃទី២២ខែកញ្ញាឆ្នាំ២០១៨ដោយគាត់អះអាងថាឈើទាំងនោះជាឈើស្របច្បាប់របស់ក្រុមហ៊ុនក្រុមហ៊ុនប៉ាវី ភីអ អ៉ីមផត អ៉ិចផតដែលជារបស់មន្ត្រីជាន់ខ្ពស់?!។
សេចក្តីរាយការណ៍ឲ្យដឹងថាមុនដឹកឈើចេញ លោកឧកញ៉ាសឹង្ហ សំអុល និងបក្ខពួកកាលពីវេលាម៉ោង៩ព្រឹកថ្ងៃទី២២សីហា បានដឹកនាំសន្តិសុខប្រមាណជិត២០នាក់ ជិះរថយន្តចំនួន ២ គ្រឿងនិងម៉ូតូចំនួន១២គ្រឿង មកស្ទាក់ឃាត់រថយន្តអ្នកឃ្លាំមើលបទល្មើសព្រៃឈើនិងអ្នកសារព័ត៌មានមិនឧ្យធ្វើ សកម្មភាពផ្តិតយករូបភាពនៅចំណុចក្បែរខ្ទម អ្នកតាជ័យ ក្នុងភូមិសាស្ត្រក្រុមហ៊ុនមាស្ទ័រខេសាន់ ដែលមានទីតាំងក្នុងភូមិល្ហក ឃុំសុខសាន្ត ស្រុកកោះញែក ខេត្តមណ្ឌលគិរី ។
ឧកញ៉ាសឹង សំអុលបានបញ្ជាកូនចៅខ្លួនឲ្យឆែកឆេរ រកយន្តហោះដ្រូនដូចចោរប្លន់ ហើយចាប់បោកទៅលើដីធ្វើឲ្យខូចខាតប្រើការលែងកើត និងប្រើពាក្យគំរាមកំហែងថានឹងឲ្យស្នងការនិងអភិបាលខេត្តឃាត់ខ្នួនទៀតផង។ក្រៅពីនោះមេឈ្មួញព្រៃឈើដុះស្លែរូបនេះនៅបានគំរាមដុតរថយន្តក្រុមការងារអ្នកឃ្លាំមើលបទល្មើសព្រៃឈើចោលថែមទៀត?។ ខ្លាំងផសគាត់មែន!!។
នាយខណ្ឌរដ្ឋបាលព្រៃឈើខេត្តមណ្ឌលគិរីលោក អុំ វណ្ណសុភ័ក្រធ្លាប់ បានប្រាប់សាព័ត៌មានថា រាល់ការដឹកជញ្ជូនឈើ របស់ឧកញ៉ា សឹង្ហ សំអុល ត្រូវតែវាស់វែងសិន ទើបអាចលើកឡើងឡានបាន តែកាលពីថ្ងៃ ២២កញ្ញា ឈើបានលើកឡើងឡានរួច២០គ្រឿងដោយមិនមានការវាស់វែងអ្វីឡើយ?។ដល់តែឃើញចារឹកអាងវ៉ាងចឹងធ្វើឲ្យមានការវាតម្លៃថាបើគមានការឃុបឃឹតគ្នាជាប្រពន្ធ័ដើម្បីលាភសក្ការៈទេ បទល្មើសព្រៃឈើករឹតឧកញ៉ាក៏ មិនអាចចរាចរណ៍ទៅរួចដែរ។
ក្រុមអ្នកឃ្លាំមើលបទល្មើសព្រៃឈើនិយាយថា៖ បើក្រុមហ៊ុនម៉ាស្ទ័រខេសាន់ឧកញ៉ា សឹង សំអុល រកស៊ីត្រឹមត្រូវមែននោះ ហេតុអ្វីចាំបាច់ដាក់កម្លាំងប្រដាប់អាវុធឲ្យយាមការពារ សន្ធឹកបែបនេះ ។ តើសម័យនេះរកបានឈើប្រណិតពីណាមកបើរដ្ឋបិទដីសម្បទានអស់ហើយហ្នឹង?ចឹងមានតែការប្រមូលទិញឈើពីប្រជាពលរដ្ឋដែលចូលទៅកាប់ខុសច្បាប់ពីក្នុងដីដែនជម្រកសត្វភ្នំព្រេច ដោយឃុបឃិតជាមួយមន្ត្រីជំនាញពាក់ព័ន្ធ ។
ប្រភពពីប្រជាពលរដ្ឋដែលរស់នៅភូមិល្ហត ឃុំសុខសាន្ត ស្រុកកោះញែកខេត្តមណ្ឌលគិរី ក៏ដូចជាអ្នកសុំឈ្នួលកាប់ឈើលក់ សុំមិនបញ្ចេញឈ្មោះបានឲ្យដឹងថា ឈើក្នុងបរិវេណក្រុមហ៊ុនម៉ាស្ទ័រខេសាន់ត្រូវបានគេកាប់អស់ទៅហើយ។
សូមបញ្ជាក់ដែរថាបើយោងតាមប្រភពពីស្រុកកោះញែក បានឲ្យដឹងថាកាលពី យប់ថ្ងៃទី១៥ខែកញ្ញាឆ្នាំ២០១៨កន្លងនេះក៏មាន រថយន្តយីឌុប ប្រភេទយក្សរបស់លោកឧកញ៉ា សឹងសំអុល ក៏បានធ្វើសកម្មភាពដឹកជញ្ជូនឈើចេញ ពីក្នុងស្រុកកោះញែកចំនួន១៣គ្រឿង សុទ្ធតែឈើប្រភេទសុក្រំ ស្រឡៅ កកោះ និងគគីជាដើម ។ករណីយ៍នេះមានពតិមានបែកធ្លាយតាមបណ្តាញសង្គមវ៉តអាប់ថាមេព្រៃខេត្តមណ្ឌលគិរីបានព្រមានវាយក្បាលអ្នកកាសែតណាដែលហ៊ាននិយាយរឿងនេះទៀតផង។
គួរំលឹកថា លោកឧកញ៉ា សឹង សំអុលដែលជាមន្ត្រីប៉េអឹមនិងជាឈ្មួញឈើគ្រាក់នៅភូមិភាគឥសាន្តធ្លាប់ មានបណ្តឹងរឿងករណីកាប់បំផ្លាញព្រៃឈើប្រព្រឹត្តនៅភូមិ-ឃុំចុងផ្លាស់ ស្រុកកែវសីមា ឆ្នាំ២០១៦ ក្នុងក្រុមហ៊ុនដាយថាន់ខេត្តមណ្ឌលគិរី ។ចៅក្រមសើបសួរសាលាដំបូងខេត្តមណ្ឌលគិរី លោក ស៊ុយ សុភាបាន កោះហៅកាលពីថ្ងៃទី២៩ ខែកញ្ញា ឆ្នាំ២០១៧ អោយចូលខ្លួននៅថ្ងៃទី១២ ខែតុលា ឆ្នាំ២០១៧ នៅវេលាម៉ោង៩ព្រឹក។តែ លោក សឹង សំអុល មិនបានចូលខ្លួនតាមការកំណត់រហូតដល់បច្ចប្បន្ន ធើអី អុល ។