វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3751 នាក់
ម្សិលមិញ 10264 នាក់
សរុប 14142933 នាក់
ភ្នំពេញ៖ រយៈពេល១២ម៉ោងមុននេះ ពោលគឺ នៅថ្ងៃទី១០ ខែឧសភា ឆ្នាំ២០២២ រូបភាពប្រមាណ ៧សន្លឹក បង្ហាញពីនារីម្នាក់ ហាក់បីដូចជារងនូវអំពើហឹង្សា ដែលបង្ហាញស្នាមរបួសនៅផ្នែកខាងក្រោម ចាប់ពីភ្លៅដល់កំភួនជើង និងកញ្ចឹងក។ រូបភាពទាំងនេះ ត្រូវបានចែកចាយពេញបណ្តាញសង្គមហ្វេសបុក ដោយភ្ចាប់ជាមួយរូបភាពបុរសម្នាក់ ដោយគេសង្ស័យថាជាជនបង្ក ដូចដែលគាត់បានអះអាងថា ជាស្នាដៃបងថ្លៃ និងជាគ្រូបង្រៀន។
យោងតាមគណនីយហ្វេសប៊ុកដែលមានឈ្មោះ Chanthea Mam បានបង្ហោះដោយសរសេរយ៉ាងដូច្នេះថា៖ “នាងខ្ញុំសុំអំពាវនាវដល់សម្តេច ហ៊ុន សែន និងសម្តេចគតិព្រឹត្តិបណ្ឌិត ប៊ុន រ៉ានី ជួយរកយុត្តិធម៌ដល់កូនស្រីនាងខ្ញុំផង គាត់ជាគ្រូបង្រៀន ហើយត្រូវជាបងថ្លៃ មិនគួរណាប្រើអំពើហឹង្សាយ៉ាងព្រៃផ្សៃដូចនេះទេ”។ម្ចាស់ហ្វេសប៊ុកដែលសង្ស័យថារស់នៅខេត្ត្ព្រះសីហនុបានសង្កត់ធ្ងន់ថា៖យុត្តិធម៌ ត្រូវតែមានសម្រាប់កូនស្រីនាងខ្ញុំធ្វើជាគ្រូវបង្រៀន ហេតុអីក៏សាហាវព្រៃផ្សៃខ្លាំងម្លេះ ? តើអ្នកឯង មានសន្ដានជាមនុស្សដែរទេ ? ឬមួយ អ្នកឯង ជាសត្វតិច្ឆាន ? ខុសត្រូវម្តេចម្តា ក៏មិនគួរសាហាវយង់ឃ្នងដល់ថ្នាក់នេះដែរ ។
សូមបងប្អូន ជួយរកយុត្តិធម៌ឱ្យកូនស្រីនាងខ្ញុំផង ។
បើ យោងតាមការលើកឡើងរបស់អ្នកលេងបណ្តាញសង្គម បានលើកឡើងថា ករណីនេះជារឿងពិត ហើយប្រជាពលរដ្ឋកំពុងទន្ទឹងរង់ចាំមើលផងដែរថា តើសមត្ថកិច្ចនឹងមានវិធានការយ៉ាងដូចម្តេចចំពោះការប្រើហឹង្សាមួយនេះ?៕