បិទទីតាំងរុករករ៉ែមាសទាំងខ្មែរទាំងចិនជិត៣០កន្លែងនៅស្រុកកែវសីម៉ាប្រជាជនក្តៅក្រហាយ
21-September-2026 / សន្តិសុខសង្គម
ណ្ឌលគិរី៖ ទោះបីសម្តីលោកចមប្រសីទ្ធរដ្ឋមន្ត្រីក្រសួងឧស្សាហកម្មនិងសិប្បកម្មដែលអះអាងថាប្រជាពលរដ្ឋចំនួន១៣នាក់បានស្លាប់និងជាង២០០នាក់នៅឃុំកន្ទួតត្រូវបានពុលដោយសារជាតិពុលស្សានីតដែលកើតមកពីសារធាតុគីមីដែលក្រុមហ៊ុនរុករករ៉ែមាសនៅស្រុកកែវសីមាត្រូវបានទាត់ចោលនិងកែតម្រូវក៏ដោយក៏ទីចុងបំផុតសមត្តកិច្ចចំរុះទៅពីភ្នំពេញបានរកឃើញនិងបានសម្រេចចិត្តបិទទីតាំងរុករករ៉ែមាសក្នុងស្រុកកែវសីម៉ាប្រមាណ៣០កន្លែងទាំងក្រុមហ៊ុននិងរបស់សហគមន៍ដែលកន្លងមកជាឆ្នាំងបាយរបស់សមត្តកិច្ចខេត្តមណ្ឌលគីរីពិសេសមន្ទីររ៉ែនិងឋាមពលខេត្តមណ្ឌលគីរី។
ប្រភពពីសមត្តកិច្ចនគរបាលខេត្តមណ្ឌលគីរីបានឲ្យដឹងថា៖នៅថ្ងៃសុក្រ ៣រោច ខែ ជេស្ឋ ឆ្នាំច ព.ស ២៥៦២ ត្រូវនឹងថ្ងៃទី០១ ខែមិថុនា ឆ្នាំ២០១៨ លោកឧត្តមសេនីយ៍ឯក ធាម ប៊ុនសេង ប្រធាននាយកដ្ឋានគ្រប់គ្រងអាវុធជាតិផ្ទុះនិងជាតិពុល ក្រសួងមហាផ្ទៃ និងសហការី និងលោកឧត្តមសេនីយ៍ត្រី ឡោ សុខា ស្នងការនគរបាលខេត្ត ព្រមទាំងលោកស្នងការរងទទួលផែនគ្រប់គ្រងអាវុធគ្រឿងផ្ទុះនិងអគ្គីភ័យ និងការិយាល័យជំនាញពាក់ព័ន្ធ បានចុះត្រួតពិនិត្យការប្រើប្រាស់រំសេវជាតិផ្ទុះនៅតាមបណ្តាក្រុមហ៊ុន សហគមន៍ ដែលកំពុងធ្វើអាជីវកម្មរុករករ៉ែមាស នៅឃុំចុងផ្លាស់ ស្រុកកែវសីមា ខេត្តមណ្ឌលគិរី។
ក្រុមការងារបានត្រួតពិនិត្យជាក់ស្តែងលើការស្តុកទុក ការប្រើប្រាស់ និងការដាក់ន្ទុះបម្រើអោយអាជីវកម្មរុករករ៉ែមាស ជាលទ្ធផល ក្រុមការងារបានឃើញក្រុមហ៊ុនចំនួន០១ និងសហគមន៍ចំនួន០១ ពុំបានប្រើ ប្រាស់រំសេវជាតិផ្ទុះអោយបានត្រឹមត្រូវទៅតាមលក្ខណៈបច្ចេកទេសនៅឡើយ, ទី១ ក្រុមហ៊ុន រ៉ុង ឆេង គឺជាក្រុមហ៊ុនចិនរុករករ៉ែមាសមានលក្ខណៈទ្រង់ទ្រាយធំ, ទី២ សហគមន៍ សេង ឌី ជាសហគមន៍ប្រកបអាជីវកម្មរុករករ៉ែមាសជាលក្ខណៈគ្រួរសារទ្រង់ទ្រាយតូច។
-ក្រុមការងារបានត្រួតពិនិត្យនិងវាយតំលៃឃើញថាក្រុមហ៊ុននិងសហគមន៍ខាងលើនេះ ពុំបាន សហការអោយបានល្អជាមួយមន្ត្រីជំនាញពាក់ព័ន្ធ និងនគរបាលមូលដ្ឋានជុំវិញ ការគ្រប់គ្រង ត្រួតពិនិត្យ និងការប្រើប្រាស់រំសេវគ្រឿងផ្ទុះបានល្អនៅឡើយ(កម្លាំងយោធាជាអ្នកការពារទីតាំងក្រុមហ៊ុន) ព្រមទាំងការប្រើប្រាស់សាធាតុផ្ទុះនិងជាតិពុលពុំបានត្រឹមត្រូវតាមលក្ខណៈបច្ចេកទេស និងការប្រើប្រាស់សារធាតុគីមីមានកំរិតហានិភ័យខ្ពស់ដែលជាហេតុបង្កគ្រោះថ្នាក់ដល់ជីវិតមនុស្សនិងសត្វនៅក្នុងមូលដ្ឋាន។
បច្ចុប្បន្នក្រុមហ៊ុនរុករករ៉ែមាស និងសហគមន៍ខាងលើត្រូវបានផ្អាកដំណើរការរុករករ៉ែមាសក្នុងតំបន់នោះ មូលហេតុដោយស្ថាប័នជំនាញរកឃើញ ប្រើប្រាស់សារធាតុគីមីដែលមានកំរិតហានិភ័យខ្ពស់។ទោះការបង្ក្រាបនេះបានទទួលលទ្ធផលជោគជ័យក៏ពិតមែនតែផលប៉ះពាល់ដល់សហគមន៍ក៏មានកើតឡើងផងដែរ បញ្ហាគឺនៅត្រង់ថា ការបិទរណ្តៅរ៉ែ ទាំងអស់គឺមានទាំងរណ្តៅរបស់ប្រជាសហគមន៍ ដែលធ្វើអោយប្រជាសហគមន៍រ៉ែមាសតំបន់នេះជួបវិបត្តិសេដ្ឋកិច្ចគ្រប់ក្រុមគ្រួសារ។
ក្រុមហ៊ុន RONG CHENG ដែលចូលទៅធ្វើរ៉ែមាស ក្នុងតំបន់នោះ មិនបានធ្វើអោយប្រជាសហគមន៍បានទៅទទួលផលប្រយោជន៍អ្វីឡើយ ហើយការដឹកជញ្ជូនសំភារះចូលទៅក្នុក្រុមហ៊ុនបានបំផ្លាញផ្លូវលំមួយខ្សែនេះអោយមានសភាពខូចខាតយ៉ាងធ្ងន់ធ្ងរបណ្តាលអោយប្រជាសហគមន៍ក្នុងតំបន់នេះរិតតែលំបាកវេទនាធ្វើតំណើរដូចឃើញក្នុងរូបភាពខាងក្រោមនេះស្រាប់។
ពលរដ្ឋដែលរស់នៅក្នុងតំបន់ភូមិ ពូទុង ក្នុងតំបន់ព្រៃមាសម៉េម៉ង់ ខេត្តមណ្ឌលគិរី បានអោយដឹងថា មុខរបរ ជីកមាសដែលសហគមន៍ បានធ្វើមកជាយូរឆ្នាំមកហើយ គឺពួកគាត់រាប់រយគ្រួសារពឹងផ្អែកលើមុខរបរនេះ ហើយបើមិនបានរកមុខរបរនេះទេ តើអោយពួកគាត់សង្ឃឹមលើអ្វី? បើអាជីពគាត់មានតែប៉ុណ្ណឹង !
