» កាលី​នី​ន​ក្រា​ត​ទឹកដី​ដែល​អាច​បង្កើន​ភាព​តានតឹង​រវាង​រុស្ស៊ី​និង​ណា​តូ? » ក្រុម​ជន​ងងឹត​ប្រដាប់អាវុធ​បាញ់​ត្រូវ​អធិការរង​នគរបាល​ក្រុង​សីហនុ​រងរបួស​ចាប់ខ្លួន​បាន​ហើយ​! » ផ្លូវជាតិ​លេខ​១០​ថ្មី​ពី​សំឡូត​-​វាលវែង​-​អូរ​សោម​ដល់​កោះកុង​សង់​បាន​៦០​ភាគរយ​ហើយ​ » សម ម៉ា​ណា ធ្វើ​ខួប​គម្រប់​អាយុ ២​ឆ្នាំ​ឱ្យ​កូនស្រី​តែ មិន​ហ៊ាន​បង្ហាញមុខ​ស្វាមី​! » ប្រធានាធិបតី​ហ្វីលីពីន​កាន់តំណែង​ថែម​ជា​រដ្ឋមន្ត្រី​កសិកម្ម​អនុ​ប្រធានាធិបតី​កាន់តំណែង​ជា​រដ្ឋមន្ត្រី​អប់រំ​! » កិច្ចប្រជុំ​រដ្ឋមន្ត្រី​ការពារជាតិ​អាស៊ាន លើក​ទី​១៦​ប្រធាន​កិច្ចប្រជុំ​បកស្រាយពី​រឿង​មី​យ៉ាន​ម៉ា​និង​សមុទ្ទ​ចិន​ខាងត្បូង​ » អាមេរិក​ប្រកាសថា​៖​ណា​តូ​ឈរ​ជាមួយ​ប្រទេស​លី​ទុយ​អា​នី » ការចាប់ខ្លួន​មេឃុំ​ជាប់ឆ្នោត​គណបក្ស​ភ្លើងទៀន​និង​បណ្តេញ​ចេញពី​ការងារ​ជាការ​រើស​អ៊ើ​ង​នយោបាយ​?! » បទបញ្ជារ​អភិបាលខេត្ត​រតនៈគិរី​ជា​ភ្លើង​ខៀវ​សម្រាប់​ឈ្មួញ​ឈើ​ហូ​ជី​វ៉ៃ​? » លី​ទុយ​អា​នី​បិទ​ច្រក​ដឹកទំនិញ​ទៅកាន់​ដែនដី​កាលី​នី​ន​ក្រា​តរបស់​រុស្ស៊ី​ » កូន​ល្អ​សុំ​លុយ​ម៉ែមិនបាន​ដុត​ផ្ទះ​ម៉ែ​ចោល​! » ខួប​ចេញតស៊ូ​សម្តេច​តេ​ជោ ហ៊ុន សែន បញ្ជាក់​ពី​គោលដៅ​របស់​សម្តេច កែប្រែ​តំបន់​ព្រំដែន​កម្ពុជា​-​វៀតណាម X16 ទៅជា​តំបន់​សន្តិភាព និង​អភិវឌ្ឍន៍​ » កញ្ញា ឈឹម ស៊ីថរ ដឹកនាំ អតីត បុគ្គលិក ក្រុមហ៊ុន​ណាហ្គា​វើ​លដ៍​​ទៅ ដាក់​ញ្ញត្តិ ជូន​មេដឹកនាំ​ » គណបក្សនយោបាយ​លោក​ប្រធានាធិបតី​ម៉ា​ក្រុង​បរាជ័យ​ក្នុងការ​បោះឆ្នោត​សភា​ » ចាប់បាន​អ្នករកស៊ី​ជួញ​អាវុធ​ម្នាក់​នៅ​ខេត្ត​ព្រះសីហនុ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5272 នាក់

ម្សិលមិញ 5264 នាក់

សរុប 10967780 នាក់

លេច​ធ្លាយ​រឿង​មេបញ្ជាការរង​ប៉េអឹម​ខេត្តស្ទឹងត្រែង​គោះ​លុយ​២៥០០​ដុល្លារ​ពី​អ្នកបើក​ឡាន​ដឹក​ដី​!

 

​ខេត្តស្ទឹងត្រែង :​លេច​ធ្លាយ​រឿង​លោក ដួង វិចិត្រ មេបញ្ជាការរង​កងរាជអាវុធហត្ថ​ខេត្តស្ទឹងត្រែង​ប្រព្រឹត្ត​អំពើពុករលួយ ជម្រិត​ទារប្រាក់​ពី​អ្នក​បើកឡាន​ដឹក​ដី ដល់​២៥០០​ដុល្លារ បំពាន​នឹង​ចំណារ​តំណាង​អយ្យការ​។​a dourng vichet 

​តាម​របាយការណ៍​ខាង​អង្គភាព មន្ទីរ​សាធារណការ និង​ដឹកជញ្ជូន ខេត្តស្ទឹងត្រែង​រាយការណ៍​ជូន លោក​ព្រះរាជអាជ្ញា នៃ​អយ្យការ​អម​សាលាដំបូង​ខេត្តស្ទឹងត្រែង កាលពី​ថ្ងៃទី​២៤ ខែវិច្ឆិកា ឆ្នាំ​២០២១ បាន​បង្ហាញថា​, ការឃាត់​រថយន្ត​ដឹកជញ្ជូន​ដែល​ធ្វើអោយ​ខូច​សណ្តាប់ធ្នាប់​សាធារណៈ គឺ​មន្ទីរ​សាធារណការ និង​ដឹកជញ្ជូន​ខេត្តស្ទឹងត្រែង បាន​ចូលរួម​ជាមួយនិង​កង​កំលាំង​កងរាជអាវុធហត្ថ​ខេត្ត​ចុះទៅ​ដល់ ទីតាំង​ចំណុច​ផ្លូវជាតិ​លេខ ៧៨ ស្ថិតក្នុង​ភូមិ​ច្រប់ ឃុំ​ក្បាល​រមាស ស្រុក​សេសា​ន ខេត្តស្ទឹងត្រែង កាលពី​ថ្ងៃទី​១៨ ខែវិច្ឆិកា ឆ្នាំ​២០២១ និង​បាន​ឃាត់​រថយន្ត​ដឹកទំនិញ​ចំនួន ០៨​គ្រឿង ប្រគល់​ឲ្យ​កងកំលាំង​កងរាជអាវុធហត្ថ រក្សាទុក​នៅ​ទីស្នាក់ការ​លេខ​៧៤៤ នៅ​ផ្លូវជាតិ​លេខ​៧៨​។

​ខាង​មន្ទីរ​សាធារណការ និង​ដឹកជញ្ជូន​ខេត្តស្ទឹងត្រែង​បាន​ពិនិត្យ ឃើញថា​រថយន្ត​ទាំង ០៨​គ្រឿង​នេះ​មាន​កំហុស​ដូចខាងក្រោម​៖-​ដឹក​ដី​ជ្រុះ​លើផ្លូវ​ថ្នល់​ដែល​ធ្វើអោយ​ផ្ទៃ​ថ្នល់​រអិល ស្អិត​
-​ធ្វើការ​លុប​គន្លង​បង្ហូរទឹក​សម្រួល​សុវត្ថិភាព​ផ្លូវថ្នល់​​ក្នុងនោះ​ក៏​បញ្ជាក់​ពី​សមាសភាព​ចូលរួម ដល់​លោក​ព្រះរាជអាជ្ញា នៃ​អយ្យការ​អម​សាលាដំបូង​ខេត្តស្ទឹងត្រែង បានដឹងថា​,
1. លោក គង់ សុធា អនុប្រធាន​មន្ទីរ​សាធារណការ និង​ដឹកជញ្ជូន​ខេត្តស្ទឹងត្រែង​2. លោក វរសេនីយ៍ឯក ដួង វិចិត្រ មេបញ្ជាការរង​កងរាជអាវុធហត្ថ​ខេត្តស្ទឹងត្រែង​
3. លោក អនុសេនីយ៍ទោ សៀង សុគន្ធ នាយការិយាល័យ​ប្រឆាំង​ភេ​វក​ម្ម​4. លោក អនុសេនីយ៍ត្រី យន់ សំណាង​5. លោក យឿ​ង សុ​ក្ខី​តូ អនុប្រធាន​ការិយាល័យ​បច្ចេកទេស​។​

មន្ទីរ​សាធារណការ​និង​ដឹកជញ្ជូនខេត្តស្ទឹងត្រែង បាន​បន្តថា​, ក្រោយពី​បានធ្វើ​ការពិនិត្យ​លើ​បច្ចេកទេស និង​ធ្វើ​ការណែនាំ​ម្ចាស់​រថយន្ត​ខាងលើ បាន​បង់ពិន័យ​រួចរាល់​ហើយ​តាម រយៈ​តំណ​ត់​ហេតុ​ចុះ​ថ្ងៃទី​២៣ ខែវិច្ឆិកា ឆ្នាំ​២០២១​។ ដូចនេះ​រថយន្ត​ទាំងអស់​ខាងលើ​ពុំមាន​កំហុស​អ្វី​ផ្សេង​ទៀតឡើយ​។ ក្នុងនាម​មន្ទីរ​សាធារណការ និង​ដឹកជញ្ជូន​ខេត្ត សូម​គោរព​ស្នើសុំ លោក​ព្រះរាជអាជ្ញា មេត្តា​ពិនិត្យ និង​សម្រេច​ប្រគល់ រថយន្ត​ទាំង ០៨​គ្រឿង ខាងលើ​ឲ្យ​ទៅ​ម្ចាស់​ដើម​វិញ ដើម្បី​គាត់​យកទៅ​ប្រកប​អាជីវកម្ម​បន្តទៀត​។ សូម​ជម្រាបជូន​ថា​, យោងតាម​ការស្នើសុំ​ដែលមាន​បញ្ជាក់​ពី​ហេតុផល​ច្បាស់លាស់ លោក ជា សុ​ភ័​ក្ក្រ ព្រះរាជអាជ្ញារង នៃ​អយ្យការ​អម​សាលាដំបូង​ខេត្តស្ទឹងត្រែង នៅ​ថ្ងៃទី​២៤ ខែវិច្ឆិកា ឆ្នាំ​២០២១ ក៏​ចំណារ​ថា​, បានឃើញ និង​បញ្ជូនមក​លោក​មេបញ្ជាកា​រ កងរាជអាវុធហត្ថ​ខេត្តស្ទឹងត្រែង ប្រគល់​រថយន្ត​ទាំង​០៨​គ្រឿង ជូន​ម្ចាស់​ដើម​វិញ​។​

តែ​លោក ដួង វិចិត្រ មេបញ្ជាការរង​កងរាជអាវុធហត្ថ​ខេត្តស្ទឹងត្រែង កូ​សរូស​ជម្រិត​ទារប្រាក់ រហូតដល់ ២៥០០​ដុល្លារ ទើប​អនុញ្ញាតអោយ​យក​ឡាន​ចេញ ។ បើទោះបី​ម្ចាស់​ឡាន​ទាំង ០៨​គ្រឿង បាន​បំពេញ​កាតព្វកិច្ច ចូលខ្លួន​បង់ពិន័យ​អន្ត​ការណ៍​រួចរាល់​ហើយ ក្នុង​ឡាន​១​គ្រឿង ១៦ ០០០០០ រៀល ហើយក៏​ដោយ​។​​ក្រៅពី​រឿង​ខាងលើ​លោក ដួង វិចិត្រ មេបញ្ជាការរង​កងរាជអាវុធហត្ថ​ខេត្តស្ទឹងត្រែង ត្រូវបាន​គេ​និយាយថា​គាត់​ដើរ​ដាក់​ខែ​តាម​ល្បែងស៊ីសង​ផងដែរ ។​ពាក់ព័ន្ធ​ករណីនេះ លោក ដួង វិចិត្រ មេបញ្ជាការរង​កងរាជអាវុធហត្ថ​ខេត្តស្ទឹងត្រែង នៅ​រសៀល​ថ្ងៃទី​១០ ខែឧសភា ឆ្នាំ​២០២២ បាន​ប្រាប់​សារព័ត៌មាន​ថា “​ខ្ញុំ​ដូចជា​មិនដឹង​រឿង​ហ្នឹង​ទេ ហើយ​ខ្ញុំ​ក៏​មិនបាន​យកលុយ​អី​ដែរ ។ លោក​បន្តថា សូម​សួរ​ទៅ​មេ​ខ្ញុំ​ទៅ ! ហើយ​លោក​ដឹង​ព័ត៌មាន​នេះ មកពីណា ! រួច​ក៏​បិទ​ទូរស័ព្ទ ៕a dourng vichet1