វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2786 នាក់
ម្សិលមិញ 6359 នាក់
សរុប 14089419 នាក់
ស្វាយរៀង៖ ប្រជាពលរដ្ធក៏ដូចជាអជីវករមួយចំនួនដែលនាំចូលទំនិញតាមច្រកតំបន់ដូង ស្រុករមាសហែក ខេត្តស្វាយរៀង បានបង្ហើបឲ្យដឹងពិសេវាខុសច្បាប់ក្រោមតុឲ្យមន្ត្រីនគរបាលប៉េអឹមនិងគយថាមានមិនតិចជាង១លានរៀលហើយគ្មានវិក័យបត្រ័ដែលអាចបញ្ជាក់ថាបង់ចូលរដ្ឋនោះទេ។
ពួកគាត់បានសុំអំពាវនាវឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ដែលប្ដេជ្ញាលុបបំបាត់អំពើពុករលួយនៅតាមដងផ្លូវជួយចាត់វិធានការទៅលើអំពើពុករលួយបង្កឡើងដោយមន្ត្រីពាក់ព័ន្ធករណីខាងលើនេះជាបន្ទាន់ផង។ ព្រោះលោក ម៉ែន វិបុល អភិបាលខេត្តស្វាយរៀង ក៏ដូចជាលោក កឹង ឃន ស្នងការនគរបាលខេត្តស្វាយរៀង ដូចជាគ្មានសមត្តភាពលប់បំបាត់បានឡើយ។
អាជីវករដែលនាំចូលទំនិញផ្សេងៗតាមច្រកតំបន់ដូង ស្រុករមាសហែក បានឲ្យដឹងថា ពួកគាត់នាំចូលទំនិញដូចជា សំបកបាវ កៅអីជ័រ ស្បៃមុង នំចំណី និងទំនិញផ្សេងៗទៀតច្រើនមុខក្នុងមួយគោយន្តត្រូវបង់ឲ្យសមត្ថកិច្ចពុករលួយអស់យ៉ាងតិចមួយលានរៀលទើបអាចទៅដល់គោលដៅ។
ក្នុងនោះពួកគាត់ត្រូវបង់លុយឲ្យនគរបាលច្រកទ្វារតំបន់ដូង ២០ម៉ឺនរៀលដោយមិនអាចតវ៉ាបានឡើយ ។បោះឲ្យនគរបាលសេដ្ឋកិច្ចនិងសមត្ថកិច្ចអាវុធហត្ថនៅតាមដងផ្លូវ ក៏ដូចជាគយចល័តតាមផ្លូវជាតិលេខ៨ ចំនួន២០ម៉ឺនរៀលថែមទៀត។
ប្រភពពីក្រុមអាជីវករបានឲ្យដឹងទៀតថា ពួកគាត់ត្រូវបង់ឲ្យមន្ត្រីគយខាងកើតរង្វង់មូលស្វាយអន្ទរ ចំនួន១៥ម៉ឺនរៀលនិងបង់ឲ្យនគរបាលសេដ្ឋកិច្ចនៅរង្វង់មូលស្វាយអន្ទរ ៥ម៉ឺនរៀល ហើយទម្រាំដល់គោលដៅក្នុងស្រុកពារាំង និងខេត្តកណ្ដាល គឺអស់មិនតិចជាងមួយលានរៀលនោះទេ។
ក្រុមអាជីវករដែលរកស៊ីនាំចូលទំនិញពីស្រុកយួនតាមច្រកតំបន់ដូង ស្រុករមាសហែក ខេត្តស្វាយរៀង ហើយដឹកជញ្ជូនឆ្លងកាត់ផ្លូវជាតិលេខ៨ ក្នុងខេត្តស្វាយរៀង បានឲ្យដឹងថា រាល់ការបង់លុយរបស់ពួកគាត់ពុំបានទទួលបង្កាន់ដៃបង់លុយឬលិខិតស្នាមអ្វីផ្សេងៗនោះទេ។ មានន័យថា សមត្ថកិច្ចនៅច្រកតំបន់ដូង ក៏ដូចជាសមត្ថកិច្ចនៅតាមផ្លូវជាតិលេខ៨ ឃុបឃិតគ្នាប្រព្រឹត្តអំពើពុករលួយគាបយកលុយពីពួកគាត់តាមអំពើចិត្តធ្វើឲ្យពួកគាត់រកស៊ីស្ទើរគ្មានសល់កម្រៃសម្រាប់ដោះស្រាយជីវភាពគ្រួសារទៅហើយ។
លោក សៅ វណ្ណា មេប៉ុស្ដិ៍នគរបាលច្រកទ្វារតំបន់ដូង ស្រុករមាសហែក កំពុងប្រើតួនាទីនិងអំណាចគាបយកលុយពីពួកគាត់យ៉ាងគឃ្លើន ។
មេគយធំៗក្នុងអគ្គនាយកដ្ឋានគយនិងរដ្ឋាករមិនគួរមើលរំលងអំពើពុករលួយរបស់មន្ត្រីគយចលត័នៅលើផ្លូវជាតិលេខ៨ របស់លោកព្រាបគារ៉ាត់នោះទេ ព្រោះពួកគេកំពុងគាបយកលុយពីឈ្មួញ និងអាជីវករ តាមរបៀបពុករលួយ ស្រេចតែអំពើចិត្តរបស់ខ្លួន..?៕