វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5528 នាក់
ម្សិលមិញ 5304 នាក់
សរុប 14145054 នាក់
ភ្នំពេញ៖កំពូលតារាចម្រៀងប្រចាំផលិតកម្មហង្សមាស អ្នកនាង ឱក សុគន្ធកញ្ញានិងជាភរិយាអគ្គនាយកទូរទស្សន៍ហង្សមាសថ្មីៗនេះបានកើតមានរឿងអាស្រូវដ៏ធំមួយចាប់តាំងពីប្រឡូកក្នុងវិស័យសិល្បៈប្រមាណជាង ២០ឆ្នាំមក ។
កាលពីព្រឹកថ្ងៃទី២២ មិថុនា ចំថ្ងៃ Father’s Day ថ្មីៗនេះ គណនីហ្វេសប៊ុកមួយឈ្មោះ Aok Bony (ឱក បូនី) បានបង្ហោះសារ និងរូបថតថ្ងៃមង្គលការឱក សុគន្ធកញ្ញា ដោយខ្លឹមសារនៃសារនោះបានរៀបរាប់ថា «ទោះជាកូនមិនស្គាល់ឪ ក៏ឪនៅតែចាំឈ្មោះកូនដែរព្រោះឪអ្នកដាក់អោយ»ធ្វើឲ្យអ្នកប្រើប្រាស់បណ្ដាញសង្គម និងអ្នកតាមដាន សិល្បៈជាច្រើនមានការចាប់អារម្មណ៍។
លោក Aok Bony (ឱក បូនី) បានបន្តបង្ហាញភាពឈឺចាប់ក្នុងខមិន(comment)ទៀតថា «ឪមិនដែលចង់បានអ្វីពីកូនទេ តែកូនមិនដែលតេសួរសុខទុក្ខឪថា ឪនៅណា? សុខទុក្ខយ៉ាងណា? ឈឺ ឬជា? ពេលប្រាប់ការដូចហៅជាភ្ញៀវ មិនមែនអញ្ជើញជាឪពុកទេ។ បើកុំតែឪខលទៅ មិនបានប្រាប់ការទេ។ ឪសុខចិត្តអត់ទៅចិន ដោយដឹងថា កូនការថ្ងៃនុង តែគេមិនបានអញ្ជើញឪមកចូលក្នុងកម្មវិធីផ្សេងៗដូចហុចផ្កាស្លា កាត់ខាន់ស្លាជាដើម»។
យ៉ាងណា នៅរសៀលថ្ងៃទី ២៥ មិថុនានេះ អ្នកសារព័ត៌មានបានទូរស័ព្ទសួរឱក សុគន្ធកញ្ញា សុំការស្រាយបំភ្លឺជុំវិញបញ្ហានេះ ប៉ុន្តែអ្នកនាងថា៖ ខ្លួនពិតជាមិនបានដឹងអ្វីទាំងអស់ និងមិនយល់ពីអ្វីដែលបានកើតឡើងនាពេលនេះ ហើយថា បើគាត់ (ឪពុក) បង្ហោះសារនេះមែន នាងចង់ឲ្យទៅសួរលោកឪពុកវិញថា ហេតុអ្វីនៅសុខៗ បង្ហោះពាក្យនេះឡើង?។
តែប្រសិនបើគេមិនទាន់ភ្លេចទេកាលពីក្នុងទិវារំលឹកគុណម្តាយតាមរយៈហ្វេប៊ុកអ្នកនាងឱកសុគន្ធកញ្ញាបានបង្ហោះសាមួយឌឹដងមួយដែលអាចជាដើមចមបង្ហាញថានាងបានឌឹដាក់ឪពុករបស់ខ្លួនបើទោះបីថាជាពាក្យម៉ែក៏ដោយ!។ឱក សុគន្ធកញ្ញាបានបង្ហោះសារមួយឃ្លាថា៖ អ្វីៗអាចរកទិញបាន តែកិត្តិយសរកទិញមិនបាននោះទេ.. ត្រូវធ្វើខ្លួនឲ្យមានកិត្តិយស ហើយយកកិត្តិយសទៅរកអ្វីៗគ្រប់យ៉ាង..! ” ពាក្យម៉ែ ” Happy Mother’s Day។
ពាក្យប៉ុណ្ណឹងបង្ហាញពីសម្តីមាក់ងាយឪពុកដែលបង្កើតខ្លួនទៅហើយព្រោះថ្ងៃរំលឹកគុណឪពុកនាងមិនបានបង្ហោះសាអ្វីទេ។តើកាលពីពេលដែលបែកបាក់បាក់គ្នាអ្នកស្រី អ៊ី សុគន្ធ ជាម្តាយអប់រុំកូនតែពាក្យសម្អប់ចំពោះឪពុកខ្លួនបានជានាងធ្វើបែបនេះ?។ព្រោះកាលមុនកាញញាធ្លាប់ប្រកាសថាឪពុកគឺជាអ្នកបណ្តុះឲ្យនាងចេះច្រៀង?។បើតាមហ្វេសប៊ុកមួយបង្ហោះកាលពីឆ្នាំ ២០១៨ ដែលនាងបានចូលរួមក្នុងកម្មវិធីមួយនិយាយពីការ ចែករំលែកពីបទពិសោធន៍ទម្រាំបានជោគជ័យ តើត្រូវឆ្លងកាត់អ្វីខ្លះ? អ្នកនាងក៏បានលើកយករឿងរ៉ាវបែកបាក់គ្រួសារនេះមករៀបរាប់ ដោយនាងចាត់ទុកថាវាជាបរាជ័យដ៏ធំទីមួយក្នុងឆាកជីវិតនាងផងដែរ។
សុគន្ធកញ្ញា និយាយទាំងអួលដើមកថា នាងមានការ តស៊ូច្រើនណាស់ ទម្រាំបានមកដល់ថ្ងៃនេះ ពោលគឺនាងរៀនបណ្ដើរ ចេញរកលុយផ្គត់ផ្គង់គ្រួសារបណ្ដើរ ព្រោះឪពុករបស់នាងបានចាកចេញពីម្ដាយរបស់នាង តាំងពីនាងនៅតូចៗម្លេះ។ ម្ដាយនាង និងនាង ជាកូនច្បងជាអ្នករ៉ាប់រងគ្រួសារកលុយចិញ្ចឹមប្អូនៗឲ្យបានរៀនសូត្រ ហើយនាងមានការតាំងចិត្តថា ថ្ងៃណាមួយ នាងនឹងធ្វើជាមនុស្សធំម្នាក់។
ពេលរំលឹកដល់ប្រវត្តិកម្សត់នោះ នៅតែខ្សឹកខ្សួលអួលដើមក ពិសេសគឺនាងហាក់មានការតូចចិត្ត ដែលត្រូវកំព្រាឪពុកតាំងពីនាងនៅតូចៗម្ល៉េះ ខុសប្លែកពីគ្រួសារគេ ដែលរស់នៅជួបជុំគ្រួសារយ៉ាងមានសុភមង្គល។ ទីបំផុត សុគន្ធកញ្ញា បានឲ្យដឹងថា នាងបានដើរដល់ចំណុចមួយដែលខ្លួនឯងធ្លាប់តែស្រមៃចង់បានដូចពេលនេះ ហេតុនេះហើយ នាងសូមឲ្យគ្រប់គ្នាកុំបោះបង់ក្ដីស្រមៃ និងការតស៊ូរបស់ខ្លួនចោលឲ្យសោះ បើយើងចង់ឈានឲ្យដល់ទិសដៅ ដរាបណាយើងនៅមានជីវិត គឺត្រូវតែតស៊ូដើរទៅមុខទៀត។
តារាចម្រៀងឱក សុគន្ធកញ្ញា កើតនៅថ្ងៃទី១៤ ខែកញ្ញា ឆ្នាំ ១៩៨៧ ។ ឪពុកឈ្មោះ ឱក បូនី គឺជាតន្ត្រីករម្នាក់នៅក្រសួងវប្បធម៍ ម្តាយឈ្មោះ អ៊ី សុគន្ធ គឺជាគ្រូបង្ហាត់រាំនៅសកលវិទ្យាល័យ ភូមិន្ទវិចិត្រសិល្បៈ។ នាងមានបងប្អូនទាំងអស់ ចំនួនបីនាក់នាងជាកូនច្បងក្នុងគ្រួសារ។ ក្រោយពីបានប្រលងបញ្ចប់បាក់ឌុបរួចមក នាងក៏បានបន្តការសិក្សាជំនាញសិល្បៈនៅសាលាភូមិន្ទវិចិត្រសិល្បៈផ្នែករបាំបុរាណ។
នាង បានឈានជើងចូលវិស័យសិល្បៈនាអំឡុងឆ្នាំ ១៩៩៩ ផលិតកម្មដែលនាងបានចូលច្រៀងដំបូងនោះ គឺផលិតកម្មស្ទឹងសង្កែ និងបន្ទាប់មកច្រៀងនៅក្នុងក្លឹប U2។ ឱក សុគន្ធកញ្ញា ធ្លាប់ច្រៀងតាមក្លឹបដែលបានតម្លៃខ្លួន ១យប់ ក្រោម ១០ដុល្លារ តែពេលនេះ អ្នកនាងបានក្លាយជាកំពូលតារាចម្រៀងលំដាប់ជួរមុខក្នុងប្រទេស។ មិនដឹងថាប្អូនៗនាង២នាក់ទៀតធ្វើតាមនាងដែរឬអត់នោះទេ!?។