វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7666 នាក់
ម្សិលមិញ 8227 នាក់
សរុប 14134547 នាក់
ស្ទឹងត្រែង៖ សត្វបបែលយក្សញីទឹកសាបមួយក្បាល ទម្ងន់ជាង ១៨០គីឡូក្រាម ត្រូវបានអ្នកនេសាទចាប់បាន កាលពីពេលថ្មីៗនេះ នៅក្នុងទន្លេមេគង្គ ស្ថិតនៅភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង។
អង្គការអច្ឆរិយទន្លេមេគង្គ នៅថ្ងៃទី៩ ខែឧសភា ឆ្នាំ ២០២២បានឲ្យដឹងថា៖ត្រីបបែលយក្សញីទឹកសាបនេះ មានទទឹងប្រវែង ១៨៥សង់ទីម៉ែត្រ ដងខ្លួនប្រវែង ២០០សង់ទីម៉ែត្រ និងសរុបពីក្បាលដល់ចុងកន្ទុយ មានប្រវែង ៣៩៣សង់ទីម៉ែត្រ និងមានទម្ងន់ជាង ១៨០គីឡូក្រាម។អ្នកនេសាទ បានបញ្ជាក់ថា ពួកគាត់បានប្រើទំពក់ដើម្បីចាប់ត្រី ជួនកាលអាចចាប់ត្រីបបែលទឹកសាបយក្សបានដោយចៃដន្យ ខណៈវាកំពុងចាប់ត្រីធ្វើជាចំណី។ ក្រោយពេលចាប់បាន ពួកគាត់បានទាក់ទងទៅក្រុមមន្ត្រីជំនាញ ហើយសុំឱ្យដាក់ស្លាកជាសញ្ញ្ញានៅលើដងខ្លួនរបស់វា និងបានដោះលែងឲ្យត្រឡប់ទៅរស់នៅបែបធម្មជាតិក្នុងទន្លេវិញ ដើម្បីជួយអភិរក្សសត្វបបែលទឹកសាបយក្ស ដែលជាប្រភេទសត្វជិតផុតពូជនៃទន្លេមេគង្គ៕