វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4304 នាក់
ម្សិលមិញ 5304 នាក់
សរុប 14143830 នាក់
ភ្នំពេញ៖នៅថ្ងៃទី០៦ ខែមីនា ឆ្នាំ២០២៤ អគ្គនាយកដ្ឋានគយ និងរដ្ឋាករកម្ពុជាបានរៀបចំសិក្ខាសាលាផ្សព្វផ្សាយវិធានការរបស់រាជរដ្ឋាភិបាល ស្តីពីការផ្អាកជាបណ្តោះអាសន្នលើការនាំចូលគ្រឿងក្នុង និងបំណែកសាច់បង្កកដែលនឹងចាប់អនុវត្តន៍ចាប់ពីថ្ងៃទី១២មិនា។ លោកអគ្គនាយករង ផា អេងវ៉េង តំណាងរបស់បណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជាដឹកនាំការប្រជុំផ្សព្វផ្សាយ ដោយមានការចូលរួមពីធុរជនពាក់ព័ន្ធ និងមន្ត្រីគយនិងរដ្ឋាករ សរុបចំនួន ១៥៤នាក់។
គោលបំណងគឺក្រើនរំលឹកដល់ធុរជននាំចូលសាច់បង្កក និងមន្ត្រីគយនិងរដ្ឋាករមានសមត្ថកិច្ច អំពីវិធានការរបស់រាជរដ្ឋាភិបាល ស្តីពីការផ្អាកជាបណ្តោះអាសន្នសម្រាប់រយៈពេល ០៦ខែ លើការនាំចូលគ្រឿងក្នុង និងបំណែកសាច់បង្កក ដែលវិធានការហាមឃាត់នេះនឹងចូលជាធរមានចាប់ពីថ្ងៃទី១២ ខែមីនា រហូតដល់ថ្ងៃទី ១២ ខែកញ្ញា ឆ្នាំ២០២៤។អង្គសិក្ខាសាលាក៏បានស្តាប់នូវការបញ្ជាក់បន្ថែម នូវខ្លឹមសារអនុក្រឹត្យលេខ ៣៧០ អនក្រ.បក ចុះថ្ងៃទី២៨ ខែធ្នូ ឆ្នាំ២០២៣ ស្តីពីការដាក់ឱ្យប្រើប្រាស់បញ្ជីទំនិញហាមឃាត់ និងទំនិញជាប់កម្រិតកំណត់ ដែលការនាំចូល/នាំចេញ ទំនិញដែលមានចែងក្នុងឧបសម្ព័ន្ធនៃអនុក្រឹត្យនេះ តម្រូវឱ្យមានអាជ្ញាប័ណ្ណ/លិខិតអនុញ្ញាតជាមុនពីក្រសួង ឬស្ថាប័នជំនាញផងដែរ ។