ជលផលខេត្តកំពង់ឆ្នាំងនិង នាយសង្កាត់រដ្ឋបាលជលផលស្រុកកំពង់លែងចុះបង្ក្រាបក្រោយពីរងការចោទថាបើកដៃអោយមេឈ្មួញរត់ការរបាំងលបក្នុងនិងក្រៅតំបន់អភិរក្សក្នុងរដូវបិទនេសាទ?
27-March-2024 / សេដ្ឋកិច្ច
ខេត្តកំពង់ឆ្នាំង៖ នៅថ្ងៃទី១៦/ខែកញ្ញាឆ្នាំ២០១៩ នេះកម្លាំងជំនាញរដ្ឋបាជលផលខេត្តដឹកនាំដោយលោកលី ឡានាយខណ្ឌជលផលខេត្តបានដឹកនាំកម្លាំងមន្ត្រីជំនាញជលផល សហការណ៍ជាមួយក្រុមចម្រុះរបស់គណៈបញ្ជាការឯកភាពស្រុកកំពង់លែងចុះបង្ក្រាប មាន៣ចំណុចធំៗគឺមានចំពុចកុកពង សោកម៉ោក និងចំណុចក្បាលស្រែ ដែលចំណុចទាំងនេះគឺស្ថិតក្រៅតំបន់ឡូត៍អភិរក្សទាំងអស់ មិនមែនក្នុងតំបន់អភិរក្សនោះទេ។
ចំណែកតបន់មួយចំនួនទៀតដូចជាវាលភក់ ព្រែកទន្លាបានធ្វើការអប់រំណែនាំអោតកាត់បន្ថយចេញដោយអនុញ្ញាតអោយដាក់ប្រវែងទៅតាមការកំណត់ស្របតាមច្បាប់ស្ដីពីជលផល។លទ្ធផលបង្ក្រាបបានមានរបាំងសាច់អួនប្រវែងជាង៤០០ម៉ែត្រ បង្គោលជាង២០០ដើម លបលូ១១មាត់ ចាក់លែងកូនត្រីបានប្រមាណជាង៣០Kg។
សូមបញ្ជាក់ថារបាំងសាច់អួនទំនើបក្រឡាញឹកដាក់ស្ទាក់ចាប់ត្រីលាតសន្ធឹងតាមចរន្តទឹកហូរនៅក្នុងភូមិសាស្ត្រ ឃុំផ្លូវទូក ស្រុកកំពង់លែង ខេត្តកំពង់ឆ្នាំង ចាប់ពីរដូវបិទនេសាទរហូតដល់រដូវបើកនេសាទវិញមានរាប់រយកន្លែង។កន្លែងនីមួយៗចាប់ពី៥០០ម៉ែត្រ រហូតដល់ជាង១០០០ម៉ែត្រ សមត្ថកិច្ចនិងមន្ត្រីជំនាញរដ្ឋបាលជលផលគ្មានវិធានការណ៍បង្ក្រាបសោះឡើយ។ នេះបើតាមសេចក្តីរាយកាណ៍ប្រជានេសាទលក្ខណះគ្រួសារ។
ជាក់ស្តែងសហការីបានចុះផ្ទាល់ថតរូបភាពនៅ ចំណុចតំបន់អភិរក្ស (កុកពង)(ព្រែកតាថាស)(ព្រែកតាលា)និងចំនុច(ក្បាលស្រែ)រហូតដល់ចុងព្រែកស្ថិតក្នុងភូមិស្លត ឃុំផ្លូវទូក ស្រុកកំពង់លែង ខេត្តកំពង់ឆ្នាំង របាំងលបក្រឡាញឹកទាំងនេះមិនទាន់ឃើញមានសមត្ថកិច្ចជំនាញ រដ្ឋបាលជលផល និងសមត្ថកិច្ចពាក់ព័ន្ធមានវិធានការណ៍បង្ក្រាបនៅឡើយទេ ។
ប្រជាពលរដ្ឋអ្នករាយមងចងសន្ទូចនៅតំបន់នោះបានអោយដឹងថារបាំងសាច់អួនទំនើបក្រឡាញឹកគេដាក់ស្ទាក់ចាប់ត្រីគ្រប់ប្រភេទជាពិសេសត្រីល្អិតៗ(ត្រីនុយ)ដឹកយកទៅលក់ចែកចាយធ្វើជាចំណីត្រីឆ្តោ និងត្រីរ៉ស់ ។ចាប់តាំងពីរដ្ឋាភិបាលអនុញ្ញាតអោយមានការចិញ្ចឹមត្រីឆ្តោឡើងវិញដោយប្រើចំណីសិប្បនិម្មិត ក្រុមអ្នករកស៊ីបទល្មើសទាំងនោះមានលេសចិញ្ចឹមត្រីឆ្តោ ដោយចំណីត្រីល្អិតជាអាហារ ដែលនាំអោយមានការដាក់របាំងលបក្រឡាញឹកជាពិសេសរបាំងស្បៃមុងមានការកើនឡើង ។
ប្រជានេសាទលក្ខណៈគ្រួសារខាងលើ បានចោទថា៖ វត្តមានរបាំងណរ៉ាវ លប(បរ)ឬរ៉ូយ៉ាល់សាច់អួនក្នុងឆ្នាំ២០១៩នេះ មានការកើនឡើងដោយសារតែខណ្ឌរដ្ឋបាលជលផលកំពង់ឆ្នាំង លោក លីឡានិងលោកឌុល ច័ន្ទឌី នាយសង្កាត់រដ្ឋបាលជលផលស្រុកកំពង់លែងបើកដៃក្រោមការទទួលយកលាភសក្ការៈពីក្រុមឈ្មួញ ដោយមានអ្នករត់ការ រស់នៅក្នុង ភូមិស្លត ឃំុផ្លូវទូក ស្រុកកំពង់លែង និង មាន ឈ្មោះ១.ឈ្មោះក្រេត២.ឈ្មោះហួរ.៣.ឈ្មោះវុទ្ធនៅមានច្រើននាក់ទៀត ។
នៅក្នង ខេត្តកំពង់ឆ្នាំង បទល្មើសនេសាទ គេសង្កេតឃើញមានជារៀងរាល់ឆ្នាំ ឯការនេសាទដោយប្រើឧបករខុសច្បាប់ក៏មានទៅតាមរដូវ រដូវវស្សាឈ្មួញនេសាទដោយប្រើឧបកររបាំងលប(បរ)ណរ៉ាវ និងរបាំងស្បៃមុង។ល។នៅរដូវប្រាំងគឺចាប់ពីពាក់កណ្តាលខែតុលាទៅ ឧបករល្មើសមានចំរុះ ទាំងរបាំង. អួនគូរ .យ៉ាំងកាវ .ស៊ីប.នាម.មងគ្រប. ឧបករទាំង(៥)ប្រភេទនេះសរុបទាំងតូចទាំងធំ មានមិនតិចនោះទេ។
