វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 578 នាក់
ម្សិលមិញ 5304 នាក់
សរុប 14140104 នាក់
មណ្ឌលគិរី៖ នៅរសៀលថ្ងៃទី២១ ខែសីហា ឆ្នាំ២០១៨នេះ ស្ថិតនៅភូមិពូទុង ឃុំចុងផ្លាស ស្រុកកែវសីមា ខេត្តមណ្ឌលគិរីមានករណីប្តីប្រពន្ធមួយគូរ បានដេកស្លាប់នៅក្នុងផ្ទះរបស់ខ្លួន ដោយសារបំផ្ទុះគ្រាប់បែក ធ្វើអត្តឃាតដោយខ្លួនឯងបង្កភាពភ្ញាក់ផ្អើលដល់ប្រជាពលរដ្ឋនៅជិតខាង និងសមត្ថកិច្ច ។
លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានទទួលស្គាល់ ថា នៅវេលាម៉ោងប្រហែល៣៖០០រសៀលនេះ មានករណីប្តីប្រពន្ធបានសម្រេចចិត្តធ្វើអត្តឃាតមែន ប៉ុន្តែសម្រាប់ដំណើររឿង នៃការធ្វើអត្តឃាតនេះ មិនទាន់បញ្ជាក់ឱ្យដឹងនៅឡើងទេ គឺរង់ចាំមន្ត្រីជំនាញរបស់ស្នងការ សហការជាមួយមន្ត្រីមូលដ្ឋានលើករណីនេះ។
លោកស្នងការខេត្ត បានបន្តថា ករណីធ្វើអត្តឃាតទាំងពីរនាក់ប្តីប្រពន្ធនេះ បានកើតឡើងនៅភូមិពូទុង ឃុំចុងផ្លាស ស្រុកកែវសីមា ខេត្តមណ្ឌលគិរីដែលជាកន្លែងមានអាជីវកម្មរ៉ែមាសបង្កដោយក្រុមហ៊ុនចិននិងប្រជាពលរដ្ឋឯកជន។ ប៉ុន្តែដំណើរឿងរហូតដល់បំផ្ទុះគ្រាប់បែក ធ្វើអត្តឃាតទាំងប្តី-ប្រពន្ធនេះ មិនទាន់បានបញ្ជាក់ឱ្យច្បាស់ ពីសមត្ថកិច្ចជំនាញណាមួយនៅឡើយទេ និងអត្តសញ្ញាណរបស់ជនរងគ្រោះទាំងពីរក៏មិនទាន់ដឹងនៅឡើយទេ។