វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3480 នាក់
ម្សិលមិញ 6501 នាក់
សរុប 13952035 នាក់
ខេត្តកំពង់ឆ្នាំងមុខរបរជួញលៀសនៅតែត្រួវប៉ាន់ដោយនាំចេញទៅស្រុកយួនថែមទៀត។ជាក់ស្តែងកាលពី យប់ថ្ងៃទី០២ ខែឧសភា ឆ្នាំ២០២២ មានរថយន្តមួយគ្រឿង ស្លាកលេខភ្នំពេញ 3F-1785 ដែលធ្លាប់ត្រូវបានសមត្តកិច្ចបង្ក្រាបរឿងដឹកជញ្ជូនលៀសបានមកដឹកលៀសនៅចំណុចមាត់បឹងស្គុនក្តី ខ្លះហៅបឹងកូនក្តីស្ថិតក្នុងភូមិ ថ្នល់តាសែង ឃុំស្វាយជ្រុំ និងចំណុច កំពង់យាយសុខ ជិតបឹងតំរែក ស្រុករលាប្អៀរ ខេត្តកំពង់ឆ្នាំង។
កាលពីពាក់កណ្តាលខែមិនា ឆ្នាំ២០២២ រថយន្តចំនួន០២គ្រឿងស្លាកលេខ កំពង់ឆ្នាំង3A-1645 និង ស្លាកលេខភ្នំពេញ 3F-1785 ត្រូវបានកម្លាំងមន្ត្រី ខេត្តកំពង់ឆ្នាំង ចាប់ម្តងរួចមកហើយ ដោយ មាន ការបញ្ជាផ្ទាល់ពី ឯកឧត្តម ស៊ុន សុវណ្ណរិទ្ធិ អោយលោក សេង វិចិត្រ តួនាទីអភិបាល រងស្តីទី ស្រុករលាប្អៀរ ជាអ្នកដឹកនាំកម្លាំង ចុះបង្ក្រាបផ្ទាល់។ពលរដ្ឋមានការងឿងឆ្ងល់ថា ហេតុអ្វីបានជាម្ចាស់រថយន្តស្លាកលេខ ភ្នំពេញ 3F-1785 ធ្លាប់ត្រូវបាន ចាប់បង្ក្រាប ម្ដងរួចមកហើយនៅតែព្រហើន ហ៊ានយករថយន្ត មកដឹកបទ ល្មើសនេសាទ ដោយគ្មានច្បាប់អនុញ្ញាត ដដែលៗទៀត។
តែកុងរថយន្ត បានបង្ហាញច្បាប់ដឹកជញ្ជូនលៀសដែរតែទីតាំងកន្លែងលើកគឺអនុញ្ញាតឲ្យលើក នៅចំណុច ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង តែដោយ ឡែក រថយន្ត នេះមកលើកនៅចំណុចឃុំស្វាយជ្រុំ ស្រុករលាប្អៀរ ទៅវិញ ។ថ្ងៃដឹកជញ្ជូន គឺគេអនុញ្ញាតឲ្យដឹកថ្ងៃទី 1 និងថ្ងៃទី 4 ហេតុអ្វីរថយន្តនេះមកដឹកថ្ងៃទី 2 ទៅវិញ ហើយចំនួនផ្ទុក គឺអនុញ្ញាតអោយផ្ទុកត្រឹមតែ 15000គីឡូក្រាម តែ ប៉ុណ្ណោះ តែរថយន្តនេះផ្ទុកជាក់ស្ដែង យោងតាមការសន្និដ្ឋានគឺលើសទំងន់ផ្ទុក។សម្រាប់គោលដៅ ដឹកជញ្ជូន គឺឆ្ពោះទៅប្រទេសវៀតណាម រត់លើផ្លូវជាតិលេខ1;5;6 និងលេខ 8 ចេញតាមច្រក ក្អមសំណរ ឃុំក្អមសំណរ ស្រុកលើកដែក ខេត្តកណ្ដាល។