វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 125 នាក់
ម្សិលមិញ 3717 នាក់
សរុប 14148458 នាក់
ភ្នំពេញ៖ ក្រសួងកសិកម្ម រុក្ខាប្រម៉ាញ់ និងនេសាទ បានចេញសេចក្តីប្រកាសព័ត៌មាន ដោយសម្តែងការមិនពេញចិត្តចំពោះការឃាត់ខ្លួនប្រធាននាយកដ្ឋានសត្វព្រៃ និងជីវចម្រុះនៃរដ្ឋបាលព្រៃឈើ លោក គ្រី ម៉ះផល ក្នុងអំឡុងពេលដែលលោកធ្វើដំណើរឆ្លងកាត់សហរដ្ឋអាមេរិក ទៅចូលរួមកិច្ចប្រជុំអនុសញ្ញាសាយតេស ( CITES) នៅប្រទេសប៉ាណាម៉ា។
សេចក្តីប្រកាសព័ត៌មាន របស់ក្រសួងកសិកម្ម ដែលបណ្តាញព័ត៌មាន ទទួលបាននៅថ្ងៃទី១៧ ខែវិច្ឆិកា ឆ្នាំ២០២២ បានបង្ហាញការភ្ញាក់ផ្អើល និងក្តីទោមនស្សយ៉ាងខ្លាំង ជុំវិញការឃាត់ខ្លួន លោក គ្រី ម៉ះផល ដែលត្រូវបានចោទប្រកាន់ពីបទសមគំនិតក្នុងការរត់ពន្ធសត្វស្វាក្តាមទៅសហរដ្ឋអាមេរិក។ក្រសួងកសិកម្មបញ្ជាក់ថា ការឃាត់ខ្លួននេះ គឺរឿងគួរឱ្យហួសចិត្តជាទីបំផុត ដែលលោកត្រូវបានឃាត់ខ្លួនក្រោមបទចោទប្រកាន់នេះ ខណៈដែលលោកកំពុងធ្វើដំណើរទៅចូលរួមកិច្ចប្រជុំផ្លូវការ ដើម្បីការពារសត្វ និងរុក្ខាជាតិជិតផុតពូជនៅឯវេទិកាអង្គការសហប្រជាជាតិ និងខណៈពេលដែលកម្ពុជានិងអាមេរិកកំពុងមានទំនាក់ទំនងសហប្រតិបត្តិការយ៉ាងជិតស្និទ្ធ។
ក្រសួងកសិកម្ម បានអះអាងថា រាជរដ្ឋាភិបាលកម្ពុជា នឹងខិតខំឱ្យអស់ពីលទ្ធភាពដើម្បីស្វែងរកយុត្តិធម៌ជូនមន្ត្រីរបស់ខ្លួន។តាមសេចក្តីប្រកាសព័ត៌មានរបស់ក្រសួងកសិកម្មបាន បញ្ជាក់ថា សត្វស្វាក្តាម ត្រូវបានចិញ្ចឹមនៅកម្ពុជា តាំងពីឆ្នាំ២០០៥ ហើយត្រូវបាននាំចេញសម្រាប់គោលដៅវេជ្ជសាស្ត្រ ជាពិសេសសម្រាប់ដំណាក់ការធ្វើពិសោធន៍ ដើម្បីផលិតឱសថ វ៉ាក់សាំង ឬគ្រឿងសំអាង។ សត្វស្វាក្តាមដែលត្រូវបាននាំចេញទាំងនេះ មិនមែនត្រូវបានចាប់ពីព្រៃ ហើយបញ្ជូនចេញទៅក្រៅប្រទេសនោះទេ។ ចំណែកកសិដ្ឋានដែលចិញ្ចឹមសត្វស្វាក្តាមទាំងនេះទៀតសោត ទម្រាំទទួលបានការទទួលស្គាល់ផ្លូវច្បាប់ គឺសុទ្ធតែតម្រូវឱ្យគោរពតាមបទដ្ឋានអនាម័យ និងវិធីសាស្ត្រចិញ្ចឹមត្រឹមត្រូវ ដើម្បីរក្សាឱ្យបាននូវហ្សេនេទិករបស់វាមិនឱ្យផុតពូជនោះឡើយ។ក្រសួងកសិកម្មបញ្ជាក់បន្ថែមថា ការនាំចេញសត្វស្វាក្តាម ត្រូវអនុញ្ញាតឱ្យនាំចេញ ដោយផ្អែកលើច្បាប់ និងបទបញ្ញត្តិជាតិ និងអន្តរជាតិ។ ចំពោះការនាំចូលទៅសហរដ្ឋអាមេរិក គឺត្រូវបានអនុវត្តទៅតាមនីតិវិធីរបស់សហរដ្ឋអាមេរិកផងដែរ។
យោងតាមសេចក្ដីថ្លែងការណ៍មួយចេញដោយការិយាល័យមេធាវីសហរដ្ឋអាមេរិក ប្រចាំតំបន់ភាគខាងត្បូងនៃរដ្ឋផ្លរីដា (U.S. Attorney’s Office for the Southern District of Florida) កាលពីយប់ថ្ងៃពុធទី១៦វិច្ឆិកា បានឱ្យដឹងថា អនុប្រធាននាយកដ្ឋានសត្វព្រៃ និងជីវចម្រុះនៃរដ្ឋបាលព្រៃឈើ លោក គ្រី ម៉ះផល ត្រូវបានចាប់ខ្លួននៅឯអាកាសយានដ្ឋានអន្តរជាតិ John F. Kennedy ដែលនាំឱ្យឈានដល់ការចោទប្រកាន់ ទាក់ទងនឹងការរត់ពន្ធសត្វស្វាព្រៃខុសច្បាប់។
ជនជាប់ចោទដែលប្រឈមនឹងការចោទប្រកាន់បទល្មើសទាំងនេះមាន៖កែវ អូម៉ាលីស អាយុ ៥៨ឆ្នាំ រស់នៅរាជធានីភ្នំពេញ ប្រទេសកម្ពុជា អគ្គនាយករដ្ឋបាលព្រៃឈើកម្ពុជា ក្រសួងកសិកម្ម រុក្ខាប្រមាញ់ និងនេសាទ។លោកំគ្រីមគ្គផល(Masphal Kry) អាយុ 46 ឆ្នាំ រស់នៅរាជធានីភ្នំពេញ ប្រទេសកម្ពុជា ជាអនុប្រធាននាយកដ្ឋានសត្វព្រៃ និងជីវចម្រុះនៃរដ្ឋបាលព្រៃឈើកម្ពុជា ក្រសួងកសិកម្ម រុក្ខាប្រមាញ់ និងនេសាទ។លោកJames Man Sang Lau អាយុ 64 ឆ្នាំ មកពីហុងកុង ស្ថាបនិក/ម្ចាស់ក្រុមហ៊ុន Vanny Resources Holdings, Ltd. និង Vanny Bio Research (Cambodia) Corporation Ltd.
។ លោក Dickson Lau អាយុ 29 ឆ្នាំ មកពីហុងកុង អ្នកគ្រប់គ្រងទូទៅ Vanny Resources Holdings Ltd.។ Sunny Chan រស់នៅទីក្រុងហុងកុង អគ្គនាយករង (ប្រតិបត្តិការ) នៅ Vanny Group
។ Raphael Cheung Man អាយុ 71 ឆ្នាំ មកពីទីក្រុងភ្នំពេញ ប្រទេសកម្ពុជា ទំនាក់ទំនងសាធារណៈ និងជាប្រធានផ្នែកនាំចេញនៃក្រុមហ៊ុន Vanny Bio Research (Cambodia) Corporation Ltd.
។Sarah Yeung រស់នៅទីក្រុងហុងកុង និងជាមន្ត្រីហិរញ្ញវត្ថុនៃក្រុមហ៊ុន Vanny Group។Hing Ip Chung អាយុ 61 ឆ្នាំ នៅទីក្រុងភ្នំពេញ ប្រទេសកម្ពុជា អ្នកគ្រប់គ្រងទូទៅនៃក្រុមហ៊ុន Vanny Bio Research (Cambodia) Corporation Ltd.។