វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3046 នាក់
ម្សិលមិញ 5378 នាក់
សរុប 14082339 នាក់
ខេត្តកណ្តាល៖លោក កែន សម្បត្តិ អគ្គនាយករងនៃអគ្គនាយកដ្ឋានពន្ធដារ នៅថ្ងៃទី២ ខែឧសភា ឆ្នាំ២០២២បានមកប្រកាស នៅសាលសាលាខេត្តកណ្តាល ផ្ទេរតំណែងប្រធានពន្ធដារខេត្តកណ្តាលថ្មីដោយ លោក ងួន សុវណ្ណ មក ជំនួសលោក នុត វត្ថា ប្រធានពន្ធដារខេត្តកណ្តាលចាស់ដែលផ្ទុះរឿងអាស្រូវពុករលួយតាមបណ្តាញពត៍មាននានា ។
លោក កែន សម្បត្តិ អគ្គនាយករងនៃអគ្គនាយកដ្ឋានពន្ធដារ មានប្រសាសន៌អះអាង ថា ការប្រមូលចំណូលរបស់អគ្គនាយកដ្ឋានពន្ធដារ ជាង១០ឆ្នាំមកនេះ មិនថានៅក្នុងស្ថានភាពនៃការរីករាលដាលជំងឺកូវីដ-១៩ ឬការប៉ះពាល់ដោយកត្តាផ្សេងៗ អគ្គនាយកដ្ឋានពន្ធដារនៅតែបន្តប្រមូលចំណូលបានលើសផែនការ ដោយការប្រមូលចំណូលល្អប្រសើរនេះ ជាមូលដ្ឋានសំខាន់ក្នុងការចូលរួមអភិវឌ្ឍន៍ប្រទេសជាតិ។
អគ្គនាយករងនៃអគ្គនាយកដ្ឋានពន្ធដារបានឲ្យដឹងថា អគ្គនាយកដ្ឋានពន្ធដារ បានបន្តពង្រឹងការអនុវត្តនូវវិធានការគោលនយោបាយ និងរដ្ឋបាលសារពើពន្ធ ការបន្តពង្រឹងការអនុវត្តឱ្យមានប្រសិទ្ធិភាព លើវិធានការអន្តរាគមន៍បន្ទាន់របស់រាជរដ្ឋាភិបាល ដើម្បីទ្រទ្រង់វិស័យទេសចរណ៍, វិស័យអាកាសចរ, វិស័យកសិកម្ម និងការចិញ្ចឹមសត្វ, និងវិស័យកម្មន្តសាលទូទៅ ការបន្តអនុវត្តវិធានការចាំបាច់នានា ដែលបានកំណត់ក្នុងសារាចរណែនាំ ស្តីពីការអនុវត្តច្បាប់ស្ដីពីហិរញ្ញវត្ថុឆ្នាំ២០២១ និងការបន្តអនុវត្តប្រកបដោយយកចិត្តទុកដាក់ នូវយុទ្ធសាស្ត្រកៀរគរចំណូលឆ្នាំ២០១៩-២០២៣ជាដើម ។
សូមបញ្ជាក់ថា៖ ក្នុងរយៈពេល៣ ខែ ឆ្នាំ ២០២២ អគ្គនាយកដ្ឋានពន្ធដារប្រមូលចំណូលពន្ធ-អាករគ្រប់ប្រភេទ តាមប្រព័ន្ធគ្រប់គ្រងទិន្នន័យចំណូលអនឡាញ បានចំនួនជាង ៥ ១១៥ ប៊ីលានរៀល ត្រូវប្រមាណជាង ១ ២៦៣ លានដុល្លារអាមេរិក បើធៀបរយៈពេលដូចគ្នាឆ្នាំ ២០២១ ចំណូលនេះកើនឡើងជាង ២២%។ប៉ូន្តែបើតាមមន្ត្រីជំនាញរបស់រដ្ឋាភិបាលវិញនិយាយថាថាជោគជ័យក៏បានតែមកពីរដ្ឋដាក់របារប្រមូលពន្ធនៅទាបប្រៀបនឹងសក្តានុពលចំណូលពន្ធទេបានជាយើងឃើញថាលើសផែនការច្រើនចឹងនោះ?៕