ករណីយ៍បូមនិងដឹកដីចាក់វាតយកច្រាំងទន្លេនិងអូរនៅក្នុងឃុំអរីយ៍ក្សត្រប្រជាពលរដ្ឋក្តៅក្រហាយអាជ្ញាធរនិងសមត្តកិច្ចជំនាញសើមមាត់!
08-July-2026 / ព័ត៌មានជាតិ
ខេត្តកណ្តាល៖អ្នកដំណើរឆ្លងទន្លេតាមដរអារិយក្សត្រទាំងអស់គ្នាប្រាកដជាបានឃើញច្រាំងទន្លេក្បែរដរចម្លងនិងអូរធម្មជាតិទល់មុខវត្តបុទុមជាច្រើនពាន់ម៉ែត្រ ក្នុងទឹកដីឃុំអារិយក្សត្រស្រុកល្វាឯមត្រូវបានគេបូមនិងដឹកដីចាក់រំលោភយកធ្វើកម្មសិទ្ធ។អាចារ្យនៅវត្តបុទុមក៌ដូចជាប្រជាពលរដ្ឋដែលមានផ្ទះជាប់មាត់អូរមានការក្តៅក្រហាយតែមិនហ៊ានក្អកបានត្រឹមតែនិយាយថាគេមានអំណាចទើបគេធើបាន?។
ទីតាំងចាក់ដី និងថ្មចូលទន្លេ ដើម្បីវាតទីចេញ ពីច្រាំង ទន្លេក្នុងឃុំអរិយក្សត្រគឺស្ថិត នៅទល់មុខគ្នាជាមួយ ត្រើយខាង ទីក្រុងកោះពេជ្រនិងកោះនរាន៍ដែលត្រូវបានក្រុមហ៊ុនវិនិយោគOCICរបស់លោកឧកញ៉ាពុងខៀវសែថៅកែធានាគាកាណាឌីយ៉ាកាន់កាប់ដោយមិនមានការបើកចំហរឲ្យមានការដេញថ្លៃដោយតម្លាភាពអ្វីឡើយ។
ករណីការបូមនិងចាក់ដីរំលោភយកច្រាំងទន្លេអារិយក្សត្រនិងអូរបុរាណក្នុងភូមិមានប្រវែងជិត៥គីឡូម៉ែត្រលោក ឌុច ច័ន្ទ មេឃុំអរិយក្សត្រដែលរដ្ឋប្រតិភូកម្មអំណាចឲ្យតាមនយោបាយវិមជ្ឈការ បានប្រាប់សារព័ត៌ ថា លោកគ្មាន សិទ្ធិហាម ឃាត់ ឬអនុញ្ញាត ឲ្យមានការចាក់ដី លុបទន្លេនោះទេ!។ ប៉ុន្តែលោកបន្តថា ការចាក់ដីលុបទន្លេមេគង្គនេះ ទំនងមានការ អភិវឌ្ឍដូចគ្នានឹងមជ្ឈមណ្ឌល កោះពេជ្រ?។លោកថា៖«ខ្ញុំមានសមត្ថកិច្ចអីណា ទៅឲ្យគេធ្វើឬឃាត់ នោះ បើថ្នាក់ខេត្តគេអត់ទាំង ដឹងឮ ឬថាយ៉ាងម៉េចផង?។ គេចាក់អភិវឌ្ឍធ្វើដូច កោះពេជ្យ ដែល មាន ស.ជ.ណ អ៊ីចឹងទៅបើតាមដឹង»។
គេមិនដឹងថាតើលោក គង់ សោភ័ណ្ឌ អភិបាល ខេត្តកណ្ដាល លោកពិតជាមិនដឹងថា មានអ្នកចាក់ដីលុបទន្លេនិងអូតាមភូមិមែនឬអត់នោះទេ ។ប្រសិនចៅហ្វាយខេត្តមិនដឹងមានតែលោក កន សុខកាយ អភិបាលស្រុកល្វាឯមជាអ្នកឃុបឃឹតគ្នាជាមួយមន្ត្រីជំនាញស៊ីដាច់ដោយមិនរាយការណ៍?។សម្រាប់ការចាក់លុបអូរក្នុងភូមិដែលមានទទឹងជិត១០០ម៉ែត្របណ្តោយជិត៥គីឡូម៉ែត្រត្រូវបានគេរាយការណ៍ធ្វើឡើងដោយឧកញ៉ភឿនផល្លាដែលអ្នកខ្លះថាជាយោធាពាក់ផ្កាយពីរនៅកងពលតូចលេខ៧០។ប្រសិនបើចឹងមែនក្រៅពីរំលោភយកដីសាធារណះឧត្តមសេនីយ៍ភឿនផល្លារប្រឆាំងបញ្ជានាយករដ្ឋមន្ត្រីដែលតម្រូវឲ្យយោធាត្រូវជ្រើសរើសយកងារតែមួយ។ឯអ្នកចាក់យកច្រាំងទន្លេមានការរាយការណ៍ជារបស់ឧកញ៉ាឃុនសៀ?។រឿងអ្នកណារំលោភវាមិនសំខាន់ទេព្រោះបើអាជ្ញាធរមិនបើកដៃឲ្យវាធើមិនកើតទេ។
សម្រាប់អ្នកាសែតមានការសោកស្តាយដែលច្បាប់ស្តីពីសិទ្ធទទួលពត៍មានតម្លៃជាង១លានដុល្លារធើច្រើនឆ្នាំហើយចេញមិនរួច។ព្រោះបើមានច្បាប់នេះប្រជាពលរដ្ឋនិងអ្នកសារពត៍មានអាចសិទ្ធសុំការពន្យល់បានពីមូលហេតុនិងថាតើរដ្ឋបានសួយសារអាករប៉ុន្មានពីការបើកឲ្យឈ្មួញរំលោភយកដីសារធារណៈចឹង?។
សូមបញ្ជាកថាដីច្រាំងកោះនរាន៍ដែលចាក់ថ្មីចូលទន្លេមានទីតាំងនៅក្នុងតំបន់ច្បារអំពៅនៃខណ្ឌច្បារអំពៅទល់មុខក្រុងរណបកោះពេជ្រដែលបច្ចុប្បន្នត្រូវបានអភិវឌ្ឍដោយក្រុមហ៊ុន OCIC មានផ្ទៃដីទំហំ ១២៥ ហិកតា ក្រោមទុនវិនិយោគ ២,៥ ពាន់លានដុល្លារដោយមិនមានការប្រកាសឬដេញថ្លែដោយតម្លាភាពអ្វីឡើយ។ ។ក្រសួងធនធានទឹកនិងឧត្តុនិយមកាលពីឆ្នាំ២០២០បានចេញលិខិតមួយសុំឲ្យអាជាធររាជធានីខេត្តជួយទប់ស្កាត់ការចាក់ដីរំលោភទន្លេបឹងព្រេកដដែរតែលិខិតនោះបានក្លាយជាក្រដាសអនាម័យបាត់ទៅហើយ។
លិខិត ចេញ ដោយលោក រដ្ឋមន្ត្រីក្រសួង ធនធានទឹក ចុះ ថ្ងៃទី ៨ ខែឧសភា ឆ្នាំ ២០២បានថ្លែងថា យោងតាម ស្ថានភាព សេដ្ឋកិច្ច នៃ កម្ពុជា មានការ រីកចម្រើន ក្នុង រយៈពេល ប៉ុន្មាន ឆ្នាំ ចុង ក្រោយនេះ បានធ្វើ អោយមាន កំណើន នៃ ការសាងសង់ គួរអោយកត់សម្គាល់ ។ទន្ទឹមនឹង ការរីកចម្រើន នេះ ក្រសួង សង្កេតឃើញ មាន សកម្មភាព អវិជ្ជមាន មួយចំនួន ដូចជា ការរំលោភ ការចាក់ដី លុប ចំណី មាត់ ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួរ ដែលជា សម្បត្តិ សាធារណៈ របស់ រដ្ឋ ។
ក្រសួង ធនធានទឹក និង ឧតុនិយម មានការ ព្រួយបារម្ភ ជាខ្លាំង ចំពោះ បញ្ហា ដែល អាច កើត ឡើងដល់ លទ្ធផល នៃ ការរំដោះ ទឹក និង បង្ក ជា គ្រោះមហន្តរាយ ទឹកជំនន់ ដោយសារ ចំណី មាត់ច្រាំង ទន្លេ ស្ទឹង ព្រែក អូរ ប្រឡាយ អាងទឹក បឹងបួរ ឬ តំបន់ ផ្ទៃ រងទឹក ភ្លៀង មួយចំនួន ត្រូវបាន រំលោភ ចាក់ដី លុប និង ការសាងសង់ បិទផ្លូវ ទឹក នានា ដោយ ពុំ ស្របតាម លិខិតបទដ្ឋាន គតិយុត្ត ជា ធរមាន ។
.jpg&h=97&w=146)
