វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3372 នាក់
ម្សិលមិញ 10264 នាក់
សរុប 14142554 នាក់
ខេត្តរតនគិរីៈ ព្រៃឈើឧទ្យានជាតិស្រុកអូរយ៉ាវដាវ នឹងរលាយហិនហោច នៅពេលឆាប់ៗ ខាងមុខនេះ ដោយសារអ្នកបំផ្លាញជាមន្ត្រីនគរបាល ឃុបឃិតជាមួយមន្ត្រីបរិស្ថាន នៅតំបន់នោះ ។ជាក់ស្ដែងកាលពីវេលា៣.៤០នាទី រសៀលថ្ងៃទី២៧ ខែឧសភាឆ្នាំ២០១៨ កន្លងទៅនេះរថយន្តឡង់គ្រីស័ររបស់មន្ត្រីនគរបាល២គ្រឿង ព្រមទាំងឈើ៦២កំណាត់ ជាប្រភេទឈើស្រឡៅ ត្រូវបានមន្ត្រីបរិស្ថាន សហការជាមួយនគរបាលប៉ុស្តិ៍
ឃុំយ៉ាទង់ បង្ក្រាបបាន ស្ថិតនៅក្នុងភូមិសំ ឃុំយ៉ាទង់ ស្រុកអូរយ៉ាដាវ ខេត្តរតនគិរី ត្រង់ចំណុចផ្លូវបំបែកចូលភូមិសំ ។
ប្រភពពីសមត្ថកិច្ច បានឲ្យដឹងថា៖ រថយន្តឡង់គ្តីស័រ កែច្នៃព្រមទាំងឈើ ជារបស់ឈ្មួញឈ្មោះ ឌឹម ជឿន ជានាយរងប៉ុស្តិ៍នគរបាលឃុំប៉ក់ញៃ ព្រមទាំងមក្សពួកគេមួយចំនួនទៀត។ប្រហែលដោយសារបង្ក្រាបប៉ះគ្នាឯងចឹងហើយបានជាពេលបង្ក្រាបធ្វើឲ្យមានការយឺតយ៉ាវបណ្តាលឲ្យឡាន១គ្រឿងឡានក្នុងចំណោមឡានល្មើសច្បាប់ចំនួន៣គ្រឿងបានឱកាសទំលាក់ឈើចោលរួចគេចទៅបាត់ ។
លោក លឿង ខេមរៈ ប្រធានស្នាក់ការឧទ្យានជាតិអូរយ៉ាដាវ បានប្រាប់កាសែតដឹងតាមទូរស័ព្ទ នៅរសៀលថ្ងៃទី២៩ ខែឧសភា ឆ្នាំ២០១៨ ថា លោកមិនហ៊ានបញ្ជាក់ពីឈ្មោះមេឈ្មួញនោះថាជាអ្នកទេ(ស៊ិក) ក៏ប៉ុន្តែភស្តុតាងរថយន្ត និងឈើលោកកំពុងឲ្យកម្លាំងប្រមូលដឹកយកមករក្សាទុកនៅស្នាក់ការឧទ្យានជាតិអូរយ៉ាដាវ ដែលមានទីតាំងស្ថិតក្នុងភូមិព្រៃមាស ឃុំបរខាំ ស្រុកអូរយ៉ាដាវ នៅថ្ងៃទី២៩ នេះហើយ។ទោះជាយ៉ាងណារហូតមកដល់ម៉ោង២០និង២០នាទីយប់ទៅហើយមិនទាន់យកមកបានទេ ដោយលោកលើកឡើងថា ជួលឡានគេអូសមិនបាន ?!។
ប្រជាពលរដ្ឋមូលដ្ឋានបាននិយាយថា៖ព្រៃឧទ្យានជាតិជាតិ ដែលនៅសេសសល់ព្រៃឈើមួយចំនួនអាចនឹងរលាយ ដោយសារលោកនាយរងប៉ុស្តិ៍ឈ្មោះ ឌឹម ជៀន ជាមេឈ្មួញ ឃុបឃិត ជាមួយសមត្ថកិច្ចជំនាញនៅតំបន់នោះ ជួលប្រជាពលរដ្ឋជនជាតិដើមភាគតិចនៅក្នុងឃុំយ៉ាទង់ ជាអ្នកកាប់បំផ្លាញខុសច្បាប់ហើយពួកគេប្រមូល និងដឹកជញ្ជូននយកទៅលក់ប្រទេសវៀតណាម តាមច្រករបៀងភ្នំក្រហម និងច្រកភូមិឡំ ទាំងយប់ ទាំងថ្ងៃ ទាំងរដូវប្រាំង និងរដូវវស្សា ដោយមិនរំខាន មន្ត្រីបរិស្ថាន និងអាជ្ញាធរមូលដ្ឋាន ដែលឈរជើងនៅតំបន់នោះ ឡើយ។
ទាក់ទងនិងការចាប់បង្ក្រាបខាងលើនេះ មិនទាន់អាចសូមការបំភ្លឺពីលោកឌឹម ជៀន បាននៅឡើយទេ ។សង្ឃឹមថានឹងមានការបកស្រាយប្រសិនបើមិនពិតដូចការចោទប្រកាន់របស់ប្រជាពលរដ្ឋ។តែក៏សង្ឃឹមថាស្នងការនគរបាលខេត្តរតនៈគីរីនឹងមានចំណាត់ការចំពោះកូនចៅខ្លួនដេលប្រព្រឹត្តខុសច្បាប់ព្រៃឈើផងដែរ៕