វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4027 នាក់
ម្សិលមិញ 5020 នាក់
សរុប 14119474 នាក់
អ៊ុយក្រែន៖ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ ប្រធានាធិបតីអ៊ុយក្រែនលោក Volodymr Zelensky បានរៀបរាប់អំពីអំពើឃោរឃៅដែលលោកចោទប្រកាន់ថា ប្រព្រឹត្តដោយកងកម្លាំងរុស្ស៊ី ក្នុងអំឡុងពេលនៃការលុកលុយ។លោកនិយាយថា នៅទីក្រុង Bucha មិនមែនតែជាឧក្រិដ្ឋកម្មមួយ ដែលពួកគេប្រព្រឹត្តនោះទេ”។
លោកអះអាងថា(នៅតំបន់បូឆា) មនុស្សត្រូវបានគេបាញ់នៅតាមផ្លូវ ក្នុងផ្ទះ គេបោះចូលក្នុងអណ្តូង និងកិនដោយរថក្រោះនៅកណ្តាលផ្លូវ ដើម្បីជាការកម្សាន្ត របស់ទាហានរុស្ស៊ី។លោកអះអាងម្តងទៀតថា សកម្មភាពរបស់រុស្ស៊ី គឺដូចជាក្រុមភេរវកររដ្ឋឥស្លាម ហើយថា ការឃោសនារបស់លោកប្រធានាធិបតី Putin គឺព្យាយាម ពង្រីកភាពស្អប់ខ្ពើមទៅកាន់ប្រទេសផ្សេងទៀតក្រៅពីអ៊ុយក្រែន។
លោកហ្សេឡិនស្គីសួរថា “តើសន្តិសុខដែលក្រុមប្រឹក្សាសន្តិសុខផ្តល់ឲ្យនៅឯណា? តើសន្តិភាពនៅឯណា? តើការធានា ដែលអង្គការសហប្រជាជាតិចាំបាច់ត្រូវធានា នៅឯណា?”។លោកនិយាយថា ពិភពលោកមិនទាន់ឃើញនូវឧក្រិដ្ឋកម្មសង្គ្រាមបន្ថែមទៀត ដែលយោធារុស្ស៊ីអាចនឹងប្រព្រឹត្តនៅក្នុងផ្នែកដទៃនៃប្រទេសអ៊ុយក្រែន លើសពីលើការសម្លាប់ដែលត្រូវបានចោទប្រកាន់នៅទីក្រុង Bucha នោះទេ។លោកបញ្ជាក់ថា “ភូមិសាស្ត្រអាចខុសគ្នា ឬប្លែកពីគ្នា ប៉ុន្តែអំពើឃោរឃៅគឺដូចគ្នា ឧក្រិដ្ឋកម្មគឺដូចគ្នា ហើយការទទួលខុសត្រូវ មិនអាចចៀសរួចឡើយ”៕ប្រភពប៊ីប៊ីស៊ី