អាមេរិកទៅអ៊ុយក្រែនប្រកាសថែមជំនួយរុស្ស៊ីរិះគន់និងបាញ់ផ្លោងចូល
10-August-2023 / ព័ត៌មានអន្តរជាតិ
វ៉ាស៊ីនតោន៖ រដ្ឋមន្ត្រីការបរទេសអាមេរិក លោកអាន់តូនីប្លិងកិន( Antony Blinken )បានប្រកាសជំនួយឲ្យប្រទេសអ៊ុយក្រែននៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំជាមួយលោកប្រធានាធិបតី ហ្សេឡិនស្គី និងមន្ត្រីផ្សេងទៀត នៅថ្ងៃដដែល ក្នុងដំណើរទស្សនកិច្ចលើកទី៤ របស់លោកទៅកាន់ប្រទេសដែលខ្ទេចខ្ទាំ ចាប់តាំងពីការឈ្លានពាន របស់រុស្ស៊ី បានចាប់ផ្តើមនៅក្នុងខែកុម្ភៈ ឆ្នាំ២០២២។
លោក Blinken បានប្រាប់ លោក ហ្សេឡិនស្គី ក្នុងអំឡុងពេលបើកផ្នែកមួយ នៃកិច្ចប្រជុំរបស់ពួកគេ យោងតាមក្រសួងការបរទេសសហរដ្ឋអាមេរិកថា “យើងប្តេជ្ញាចិត្តនៅសហរដ្ឋអាមេរិក ដើម្បីបន្តដើរក្បែរអ្នក” នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។លោក Blinken ក៏បានជួបជាមួយរដ្ឋមន្ត្រីការបរទេសអ៊ុយក្រែនលោក Dmytro Kuleba និងបានទៅទស្សនាទីបញ្ចុះសព សម្រាប់អ្នកដែលបានស្លាប់ នៅក្នុងជម្លោះប្រឆាំងនឹងរុស្ស៊ី។
ទីភ្នាក់ងារសារព័ត៌មានរបស់ចក្រភពអង់គ្លេស Reuters បានចេញផ្សាយ កាលពីព្រឹក ថ្ងៃព្រហស្បតិ៍ ទី៧ ខែកញ្ញា ថា មន្ទីរបញ្ចកោណ នៃក្រសួងការពារជាតិសហរដ្ឋអាមេរិក កាលពីថ្ងៃពុធ (ទី៦ ខែកញ្ញា) បានប្រកាស អំពីកញ្ចប់ជំនួយថ្មីរបស់រដ្ឋាភិបាលក្រុងវ៉ាស៊ីតោន មានទំហំទឹកប្រាក់ ១៧៥លានដុល្លារ សម្រាប់ជួយដល់អ៊ុយក្រែន។ នៅក្នុងកញ្ចប់ជំនួយទាំងនេះ រួមមាន គ្រាប់កាំភ្លើងផ្លោងដែលជាកាកអ៊ុយរ៉ាញ៉ូម សម្រាប់រថក្រោះ Abramsផងដែរ ។ នេះជាលើកជំនួយលើកដំបូងបំផុតរបស់សហរដ្ឋអាមេរិក បញ្ជូនគ្រាប់កាំភ្លើងផ្លោងដ៏ចម្រូងចម្រាស ជួយដល់រដ្ឋាភិបាលក្រុងកៀវ។
មន្ទីរបញ្ចកោណ បានឲ្យដឹង ថា ជំនួយយោធាថ្មីនេះ រាប់បញ្ចូលប្រព័ន្ធគ្រឿងសព្វាវុធ ប្រឆាំងនឹងរថក្រោះ ក៏ដូចជា គ្រាប់រំសេវបន្ថែម សម្រាប់ប្រព័ន្ធបាញ់គ្រាប់រ៉ុក្កែតចម្រុះ HIMARS ។ រីឯគ្រាប់កាំភ្លើងផ្លោង ដែលផលិតពីកាកសារធាតុអ៊ុយរ៉ាញ៉ូម សម្រាប់រថក្រោះ Abrams ដែលអាមេរិក នឹងត្រូវបញ្ជូនទៅកាន់ប្រទេសអ៊ុយក្រែន សម្រាប់កម្ទេចរថក្រោះរបស់រុស្ស៉ី។គ្រាប់រំសេវដែល ផលិត ដោយសារធាតុអ៊ុយរ៉ានីញ៉ូម ដែលរលាយអស់ ដែលមានដង់ស៊ីតេខ្លាំង ផ្តល់ថាមពលជ្រៀតចូលខ្លាំង ជាងអាវុធប្រឆាំង រថក្រោះដទៃទៀត ទោះបីជាមានការព្រួយបារម្ភថាភាគល្អិតនៃវត្ថុធាតុអាចប៉ះពាល់ដល់សុខភាពមនុស្ស និងបរិស្ថានក៏ដោយ។ប្រទេសរុស្ស៊ីបានរិះគន់ការផ្តល់ជមនួយអាមេរិកឲ្យអ៊ុយក្រែនដែលមានគ្រាប់កាំភ្លើងមានសារធាតុអ៊ុយរ៉ានីញូមហើយក៏បានបាញ់ផ្លើងមីស៊ីលចូលទីផ្សារសម្លាប់ជនស៊ីវីល១៧នាក់ផងដែរ។
ការផ្ដល់កញ្ចប់យោធាថ្មី មានទំហំទឹកប្រាក់ ១៧៥លានដុល្លារ គឺត្រូវដកចេញពីកញ្ចប់ជំនួយយោធា មានទំហំទឹកប្រាក់ជាង១ពាន់លានដុល្លារ នឹងត្រូវប្រកាសផ្ដល់ឱ្យអ៊ុយក្រែន ។ ក្រៅពីសហរដ្ឋអាមេរិក គឺចក្រភពអង់គ្លេស កាលពីដើមឆ្នាំ២០២៣ ក៏បានបញ្ជូនគ្រាប់កាំភ្លើងផ្លោង ដែលធ្វើពីកាកសំណល់សារធាតុអ៊ុយរ៉ាញ៉ូម សម្រាប់អ៊ុយក្រែន ថ្វីបើមានការព្រមានពីរុស្ស៉ី យ៉ាងណាក្ដី។មុនជួបភាគីអ៊ុយក្រែនលោក Blinken បានជួបជាមួយនាយករដ្ឋមន្ត្រីដាណឺម៉ាកលោក Mette Frederiksen ក្នុងដំណើររបស់លោក ទៅកាន់អ៊ុយក្រែននៅថ្ងៃដដែល ហើយបានពិភាក្សាអំពីបញ្ហាដូចជាការសម្រេចចិត្តរបស់ទីក្រុង Copenhagen ក្នុងការផ្តល់យន្តហោះចម្បាំង F-16 ដែលផលិតដោយសហរដ្ឋអាមេរិក ដល់អ៊ុយក្រែន។
សូមបញ្ជាក់់ថាការប្រកាសផ្តល់ជំនួយពីអាមេរិកប្រធានាធិបតី បានបណ្ដេញរដ្ឋមន្ដ្រីក្រសួងការពារជាតិ ចេញពីតំណែង និង តែងតាំងមុខតំណែងជនជាតិមូស្លីម ជាប្រមុខការពារជាតិថ្មី។សារព័ត៌មាន Al Jazeera បានចេញផ្សាយ កាលពីថ្ងៃអង្គារ ទី៥ ខែកញ្ញា ថា លោក អូឡេកស៊ី រ៉េស្នីកូវ រដ្ឋមន្ដ្រីក្រសួងការពារជាតិអ៊ុយក្រែន បានបញ្ជាក់ កាលពីខែសីហា កន្លងទៅនេះ ថា គាត់នឹងចុះចេញពីតំណែង ប្រសិនបើអាវរងាយោធា ចំនួន ២៣៣ ០០០អាវ សម្រាប់កងទ័ព ដែលក្រសួងរបស់គាត់ រំពឹងនឹងទទួលបានពីប្រទេសតួកគី នឹងក្លាយទៅជាអាវខ្យល់។
សារព័ត៌មាន ZN.ua បានរាយការណ៍ ថា ក្រសួងការពារជាតិរបស់គាត់ បានចំណាយប្រាក់២០លានដុល្លារអាមេរិក លើអាវរងារខ្យល់ ហើយបានចំណាយលើសតម្លៃទីផ្សារ។ក្រុមអ្នកជំនាញ និង មន្ដ្រីយោធាអ៊ុយក្រែន បានប្រាប់ដល់ Al Jazeera ថា របាយការណ៍នេះ បានបញ្ឆេះរឿងអាស្រូវមួយទៀត នៅក្នុងវិស័យយោធា ដែលអំពើពុករលួយបានកើតមានយ៉ាងរាលដាល ជាពិសេស នៅក្នុងកិច្ចសន្យាលទ្ធកម្មមិនមានតម្លាភាព និង ជាកន្លែងមានទម្រង់អំពើពុករលួយថ្មី បានលេចឡើង ក្រោយការលុកលុយរបស់រុស្ស៊ី។លោក វ៉ូឡូឌីមៀរ ហ្សេឡែនស្គី (Volodymyr Zelenskyy) ប្រធានាធិបតីអ៊ុយក្រែន បានបណ្ដេញរដ្ឋមន្ដ្រីក្រសួងការពារជាតិ លោក រ៉េស្នីកូវ ចេញពីតំណែង ហើយតែងតែលោក រូស្ដែម អ៊ុយមេរ៉ូវ (Rustem Umerov) ជាអ្នកមានដើមកំណើតមកពីសហគមន៍មូស្លូតាតា (Tatar) រស់នៅឧបទ្វីបគ្រីមៀ ជាប្រមុខការពារជាតិ៕
