វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7432 នាក់
ម្សិលមិញ 8270 នាក់
សរុប 16468705 នាក់
កំពង់ស្ពឺ៖ នៅថ្ងៃទី១៦ ខែមីនា ឆ្នាំ២០២២ នៅចំណុចផ្ទះជួល ក្នុងភូមិសា្វយក្រវ៉ាន់ សង្កាត់ស្វាយក្រវ៉ាន់ ក្រុងច្បារមនខេត្តកំពង់ស្ពឺនគរបាលនៃអធិការដ្ឋាននគរបាលក្រុងច្បារមន បាននាំខ្លួនប្តីប្រពន្ធពីរនាក់ទៅសួរនាំ និងកសាងសំណុំរឿងទៅតុលាការ ពីករណីយ៍ប្រើហឹង្សាលើកុមារពីរនាក់ ដែលជាកូនចុងបណ្តាលឱ្យរងរបួសធ្ងន់ធ្ងរ។
លោកវរសេនីយ៍ឯក អ៊ូច ហៀង អធិការនៃអធិការដ្ឋាននគរបាលក្រុងច្បារមន បានឱ្យដឹងថា៖ជនសង្ស័យមានបុរសជាប្តីឈ្មោះ ហែម វិរះ ហៅឡូ អាយុ៤២ឆ្នាំ និងស្ត្រីជាប្រពន្ធឈ្មោះ ឡាត់ ស្រីពៅ អាយុ៤៥ឆ្នាំ ។ នៅរសៀលថ្ងៃទី១៥ ខែមីនា ឆ្នាំ២០២២ ស្ត្រីឈ្មោះ ឡាត់ ស្រីពៅ ជាម្តាយចុងបានធ្វើការវាយទៅលើកូនប្រុសឈ្មោះ ភ័ណ្ឌ វីរះបញ្ញា អាយុ១៣ឆ្នាំ និងឈ្មោះ ភ័ណ្ឌ វីរះសក្ដដា អាយុ១០ឆ្នាំដែលរស់នៅក្នុងបន្ទុកបណ្តាលឱ្យរងរបួសពេញខ្លួន។
ដោយមិនអាចទ្រាំមើលទង្វើរំលោភច្បាប់លើកុមារនេះសាក្សីដែលរស់នៅបន្ទប់ជួលក្បែរគ្នាបានរាយការណ៍ទៅសមត្តកិច្ច ហើយកម្លាំងព្រហ្មទណ្ឌក្រុងសហការជាមួយកម្លាំងប៉ុស្តិ៍ចុះអន្តរាគមន៍ភ្លាមៗដោយឃាត់ខ្លួនស្ត្រីជាម្តាយចុង និងកុមាររងគ្រោះទាំងពីរមកការិយាល័យជំនាញដើម្បីសួរនាំ និងកសាងសំណុំរឿង។ ចំណែកកុមារទាំងពីរនាក់ត្រូវបានកម្លាំងការិយាល័យប្រឆាំងការជួញដូរមនុស្ស និងការពារអនីតិជននៃស្នងការខេត្តកំពង់ស្ពឺដើម្បីចាត់ការបន្ត។ រីឯស្ត្រីដៃដល់កំពុងស្ថិតក្រោមការសួនាំរបស់សមត្ថកិច្ចជំនាញព្រហ្មទណ្ឌកម្រិតស្រាល។
បើតាមសាកសី ករណីហឹង្សាលើកូនចុងទាំងពីរនាក់នេះមិនមែនជាលើកទីមួយទេ គឺកើតឡើងច្រើនលើកច្រើនសារមកហើយ។ រាល់ការវាយតបលើកុមារទាំងពីរនាក់នេះ គេមិនដែលឃើញមានការអន្តរាគមន៍ពីបុរសជាឪពុកបង្កើតនោះទេ។