ផ្ទេរទណ្ឌិតជាក្មេងទំនើងចំនួន ៧៩០នាក់ ទៅខេត្តជាប់ព្រំដែន ឲ្យរៀនធ្វើការងារការពារជាតិ

ភ្នំពេញ ៖ ករណីយ៍បញ្ជូនក្មេងទំនើងទៅខេត្តជាសមរភូមិមុខនេះអគ្គនាយកដ្ឋានពន្ធនាគារ ក្រសួងមហាផ្ទៃ បានឲ្យដឹងថា៖នៅថ្ងៃទី២១ ខែឧសភា ឆ្នាំ២០២៦ បន្ទាប់ពីទទួលបានគោលការណ៍ឯកភាពដ៏ខ្ពង់ខ្ពស់របស់ ប្រមុខរាជរដ្ឋាភិបាល កម្ពុជា និងថ្នាក់ដឹកនាំក្រសួងមហាផ្ទៃ អគ្គនាយកដ្ឋានពន្ធនាគារ បានអនុវត្តការផ្ទេរដោយផ្អែកលើគោលការណ៍ ស្ម័គ្រចិត្តចំពោះទណ្ឌិតជាអនីតិជនជាប់ពាក់ព័ន្ធនឹងករណីក្មេងទំនើងមួយចំនួនជាបុរស សរុបចំនួន ៧៩០នាក់ ពីបណ្តាមណ្ឌលអប់រំកែប្រែ និងពន្ធនាគាររាជធានី ខេត្ត ទៅអនុវត្តទោសបន្តនៅមណ្ឌលអប់រំកែប្រែ និងពន្ធនាគារ គោលដៅ ចំនួន០២ ដូចខាងក្រោម៖ 

១. គោលដៅមណ្ឌលអប់រំកែប្រែទី៤ ចំនួន ៦៥១នាក់ ក្នុងគោលបំណងបំពាក់បំប៉ន និងអប់រំបណ្តុះ បណ្តាល បន្ថែមពាក់ព័ន្ធនឹងជំនាញកសិកម្មរួមមាន ការដាំដុះបន្លែបង្ការ និងការចិញ្ចឹមសត្វ២.គោលដៅពន្ធនាគារខេត្តឧត្តរមានជ័យ ចំនួន ១៣៩នាក់ ក្នុងគោលបំណងបំពាក់បំប៉ន និងអប់រំ បណ្តុះបណ្តាលបន្ថែមពាក់ព័ន្ធនឹងជំនាញសំណង់។