វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6051 នាក់
ម្សិលមិញ 6359 នាក់
សរុប 14092684 នាក់
ខេត្តឧត្ដរមានជ័យ ៖ នៅព្រឹកថ្ងៃទី ២៣ ខែកុម្ភ: ឆ្នាំ២០២២ នេះ បែកធ្លាយឃ្លីប Videos មួយ ដែលបង្ហោះពីសកម្មភាព របស់បុគ្គល ០១រូបបានបញ្ចេញអាកប្បកិរិយា ច្រងេង ច្រងាង និងពាក្យសំដីដ៏អសីលធម៌ ជេរប្រមាថ មាក់ងាយ និងគំរាម កំ ហែងអាយុជីវិត ទៅលើអ្នកសារព័ត៌មាន ២ រូបយ៉ាងកំរោល ហើយអួត អាងខ្លួនថា ជាប៉ូលីស នៅក្នុងក្រសួងមហាផ្ទៃ គ្រាន់តែអ្នកសារព័ត៌ មាន ២ រូបចុះទៅសួរនាំ បន្តិចបន្តួច រឿងធ្វើ អាជីវកម្មជីកកកាយរណ្ដៅដីសោះ ថា តើ មានច្បាប់អនុញ្ញាតត្រឹម ត្រូវដែរឬអត់ ? ស្រាប់ តែបុរសជើងខ្លាំង ស្រែកជេរប្រមាថ មាក់ងាយគំរាមកំហែងយ៉ាងខ្លាំងមកលើក្រុមការងារអ្នក កាសែត ។
ការបញ្ជាក់ប្រាប់ពីអ្នកសារព័ត៌មាន២ រូបដែលជាជនរងគ្រោះថាកាលពីថ្ងៃទី ២១ ខែ កុម្ភៈឆ្នាំ ២០២២ មានសេចក្តីរាយការណ៍ពីប្រជាពលរដ្ឋមកថាមានអេស្ការវ៉ាទ័រ១គ្រឿងចូលទៅក្នុងព្រៃយ៉ាងចំឡែកស្ថិតនៅភូមិតាប៉ែន ឃុំពង្ររ ស្រុកចុងកាល់ ខេត្តឧត្ដរមានជ័យទើបពួកគាត់នាំគ្នាចុះ ទៅដល់ទីតាំងខាងលើ។ គ្រាន់តែចុះទៅដល់បានសួរនាំបន្តិចបន្ទួច បែរជាត្រូវបុគ្គលរូបនោះ (ក្នុងឃ្លីប Videos ) ខឹង ច្រឡោតតោតតូង បញ្ចេញ អាកប្បកិរិយាច្រងេងច្រងាង ដាក់ពួក គាត់ទាំងទទឹងទិស និងជេរប្រមាថ យ៉ាងធ្ងន់ធ្ងរ មកលើពួកគាត់ អោយអួតអាងខ្លួន ជាមន្ត្រីប៉ូលីសនៅក្រសួងមហា ផ្ទៃគំរាមកំហែង សំឡុតបំបាក់ស្មារតីពួកគាត់ ។
លោក ពុទ្ធ សុភាព និពន្ធនាយកកាសែតនគរយស និងលោក ពៅ សាម៉ុន និពន្ធនាយកកាសែត រស្មី តាដំបងក្រញូង ដែលជា ជនរងគ្រោះ ដោយការ ជេរប្រមាថ គំរាមកំហែង ពីសំណាក់បុគ្គលខាង លើនេះ បានធ្វើការស្នើរសុំ និងសូមសំណូមពរដល់លោកឧត្ដម សេនីយ៍ទោ ហ៊ួត សុធីស្នងការនគរបាលខេត្ត ឧត្ដរមានជ័យ មេត្តាដាក់ការស៊ើបអង្គេត ទៅលើបុរសជើងខ្លាំងខាងលើនេះផងទាន.! ដែលអ៊ួតអាងថា ខ្លួនជាមន្ត្រី ប៉ូលីស បម្រើរការងារនៅក្នុងក្រសួងមហាផ្ទៃ ដើរគំរាមកំហែងប្រជាពល រដ្ឋ ពិសេសលើអ្នកសារ ព័ត៌មាន ដើម្បីបំបាក់ ស្មារតី កុំអោយអ្នក កាសែតចុះទៅធ្វើការផ្សព្វផ្សាយព័ត៌មានពិតជាក់ស្តែងស្តីពីការធ្វើ អាជីវកម្ម ជីកកាយរណ្តៅដីរបស់ពួកគេ នៅតំបន់នោះតទៅទៀត ខ្លាចបែកការណ៍ ដឹងដល់ថ្នាក់ដឹកនាំស្ថាប័នជំនាញពាក់ព័ន្ធ ធ្វើការ ចុះត្រួតពិនិត្យ ។
មហា ជន ពិសេសក្រុមអ្នក ឆ្លុះកង្កែប ចាំមើលៗៗ! ថា តើករណីបុគ្គល០១ អាងអំណាច តាំងខ្លួន ជាមន្ត្រីប៉ូលីសនៅក្រសួងមហាផ្ទៃ គំរាម កំហែង ជេរប្រមាថ មាក់ ងាយលើអ្នកកាសែត ០២រូបខាងលើនេះ លោកឧត្តមសេនីយ៍ ទោ ហួត សុធី ស្នងការនគរ បាលខេត្តឧត្តរមានជ័យ អាចស្រាវជ្រាវចាប់ខ្លួន អោយមកទទួលខុស ត្រូវក្នុងករណីនេះបាន ទេ? ? ៕ ដោយ: សុផល Tel: 012953824/086911920