វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3630 នាក់
ម្សិលមិញ 6359 នាក់
សរុប 14090263 នាក់
ខេត្តស្វាយរៀង៖ប្រភពពីមន្ត្រីនៅច្រកទ្វារអន្តរជាតិព្រៃវល្លិ៍ បានឲ្យដឹងថា ចាប់តាំងពីអំឡុងខែវិច្ឆិកា ឆ្នាំ២០២១ រហូតមកដល់ខែកុម្ភៈ ឆ្នាំ២០២២ នេះឈ្មួញទាំងតូចទាំងធំសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកព្រំដែនអន្តរជាតិព្រៃវល្លិ៍ យ៉ាងគគ្រឹកគគ្រេងដែលបើតាមតាមតួលេខផ្លូវការនៃការរកស៊ីរវាងប្រទេសទាំងពីរកម្ពុជាវៀតណាមមានជិត១០ពាន់លានដុល្លារក្នុងឆ្នាំ២០២១។
ក្នុងករណីនាំទំនិញចេញចូលតាមច្រកព្រៃវល្លិនេះមន្ត្រីគយក្នុងខេត្តស្វាយរៀង បានបង្ហើបឲ្យដឹងថា ដោយសារមានការបើកដៃពីលោក ហេង សំបូរ ប្រធានសាខាគយខេត្តស្វាយរៀង ទើបលោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ មិនញញើតក្នុងការក្បៀសលុយពន្ធរដ្ឋតាមរបៀបពុករលួយ។ ក្នងរឿងគ្រប់គ្រងប្រាក់ពន្ធលោក គុណ ញឹមប្រតិភូរាជរដ្ឋាភិបាលទទួល អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា មិនបានចាត់វិធានការរៀបចំប្រពន្ធ័ដើម្បីទប់ស្កាត់អំពើពុករលួយរបស់លោក ហេង សំបូរ និងលោក ចាន់ តារា ឲ្យមានតម្លាភាពទេ។
តាមប្រភពពីមន្ត្រីនៅច្រកទ្វារអន្តរជាតិព្រៃវល្លិ៍ ស្រុកកំពង់រោទិ៍ ខេត្តស្វាយរៀង បានបង្ហើបឲ្យដឹងថា ក្រោយពេលទទួលបានតំណែងជាប្រធានការិយាល័យគយច្រកទ្វារអន្តរជាតិព្រៃវល្លិ៍ កាលពីថ្ងៃទី០៦ ខែកក្កដា ឆ្នាំ២០២០ រហូតមកដល់ពេលនេះគឺលោក ចាន់ តារា ប្រើតួនាទី និងអំណាចប្រមូលលុយតាមរបៀបពុករលួយយ៉ាងពេញបន្ទុក។ សេចក្តីរាយការណ៍ពីអ្នករកស៊ីនិយាយថាទំនិញដែលឈ្មួញធំៗនាំចូលពីស្រុកយួនតាមច្រកទ្វារអន្តរជាតិព្រៃវល្លិ៍ បង់ពន្ធមិនដល់៥០ភាគរយផងទេមូលហេតុគឺលុយពន្ធសល់ឈ្មួញបែងចែកផលប្រយោជន៍ជាមួយលោក ចាន់ តារាមេគយច្រក ។ ចំណែកលោក ហេង សំបូរ ប្រធានសាខាគយខេត្តស្វាយរៀង បណ្តោយឲ្យលោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ ធ្វើអ្វីៗតាមអំពើចិត្តមិនខ្វល់ពីការរិះគន់អ្វីទាំងអស់។
ព្រោះប្រសិនបើគ្មានការបើកដៃពីលោក ហេង សំបូរ ប្រធានសាខាគយខេត្តស្វាយរៀង ទេនោះគឺលោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ មិនហ៊ានប្រព្រឹត្តអំពើពុករលួយតាមរបៀបជិះសេះលែងដៃដូចសព្វថ្ងៃនេះទេ។ បច្ចុប្បន្នឈ្មួញធំៗសុទ្ធតែសុំការយោគយល់ពីលោក ចាន់ តារា ដើម្បីឲ្យអាជីវកម្មរបស់ពួកគេអាចប្រព្រឹត្តទៅដោយរលូន និងទទួលបានផលចំណេញច្រើន ហើយឈ្មួញតូចតាចត្រូវប្រឈមនឹងការគាបសង្កាត់យកលុយលើតុក្រោមតុគ្មានទីបញ្ចប់។
បញ្ហានេះគេមិនដឹងថាតើលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុដែលជាអ្នករកចំណូលរដ្ឋដាក់ចេញយុទ្ធសាស្ត្របែបណាដើម្បីទប់ស្កាត់បន្ថយការធ្លុះធ្លាយលុយបង់ពន្ធតាបច្រកព្រុំដែនព្រៃវល្លិបង្កឡើងលោក ចាន់ តារា មេគយច្រកទ្វារអន្តរជាតិព្រៃវល្លិ៍ នោះនៅឡើយទេ?។មិនអាចសុំការបកស្រាយពីសេចក្តីរាយការណ៍ខាងលើនិងវិធានការទប់ស្កាត់ការក្បៀសប្រាក់ពន្ធនៅច្រកព្រៃវល្លិពីលោកពមេគយខេត្តស្វាយរៀងបានទេ!?